ચક્રવાતી તોફાન ‘દાના‘ના લેન્ડફોલની વ્યાપક અસર જોવા મળી રહી છે. ઓડિશા અને પશ્ચિમ બંગાળમાં ભારે તોફાની પવનો સાથે વરસાદ પડી રહ્યો છે. ઓડિશામાં તોફાન દાનાના કારણે ઘણા વિસ્તારોમાં રસ્તાઓ પર વૃક્ષો અને ઈલેક્ટ્રીક થાંભલા પડી ગયા છે. ઘણા રહેણાંક વિસ્તારોમાં મકાનોને પણ નુકસાન થયું છે. ઓડિશાના ભદ્રકના ધામરા વિસ્તારમાં દરિયાકાંઠાના ગામડાઓમાં વૃક્ષો પડી જવાને કારણે રસ્તાઓ બ્લોક થઈ ગયા છે.
ઓડિશા ફાયર સર્વિસના એક અધિકારીએ જણાવ્યું હતું કે ઘણા વૃક્ષો ધરાશાયી થવાને કારણે રસ્તાઓ બ્લોક થઈ ગયા છે. પહેલા અમે NH અને અન્ય રસ્તાઓને સાફ કરીશું અને પછી અમે રહેણાંક વિસ્તારો તરફ આગળ વધીશું. અમારી બે ટીમ ધામરામાં કામ કરી રહી છે. હજુ સુધી અમારી પાસે કોઈ ગંભીર નુકસાન વિશે કોઈ માહિતી નથી.
ઓડિશાના મુખ્ય પ્રધાન મોહન ચરણ માઝીએ ગુરુવારે જણાવ્યું હતું કે ચક્રવાત દાનાને કારણે 4,431 સગર્ભા સ્ત્રીઓને આરોગ્ય કેન્દ્રોમાં ખસેડવામાં આવી હતી, તેમાંથી 1,600એ જન્મ આપ્યો છે. તેમણે કહ્યું કે રાજ્યમાં ભયજનક વિસ્તારોમાંથી કુલ 5,84,888 લોકોને સુરક્ષિત બહાર કાઢવામાં આવ્યા છે. આ સંખ્યા હજુ વધી શકે છે. માઝીએ કહ્યું, “આ લોકો 6,008 ચક્રવાત આશ્રયસ્થાનોમાં રહે છે, જ્યાં તેમને ખોરાક, દવા, પાણી અને અન્ય જરૂરી વસ્તુઓ આપવામાં આવી રહી છે. સંપૂર્ણ સમાચાર વાંચવા માટે
ભારતીય હવામાન વિભાગે જણાવ્યું હતું કે તીવ્ર ચક્રવાતી તોફાન દાના 25 ઓક્ટોબરના રોજ બપોરે 3:30 વાગ્યે ઉત્તરીય તટીય ઓડિશામાં ધામરાથી 10 કિલોમીટર ઉત્તરમાં કેન્દ્રિત હતું. હવે ચક્રવાતી તોફાન હબલીખાટી નેચર કેમ્પ અને ધામરા નજીક ઉત્તરી ઓડિશાના દરિયાકાંઠે વટાવી ગયું છે.
આ પણ વાંચો :-