સોશિયલ મીડિયા પ્લેટફૉર્મ ઇન્સ્ટાગ્રામનો ઉપયોગ કરવામાં યુઝરને સમસ્યાનો સામનો કરવો પડ્યો હતો. જેમાં ઇન્સ્ટાગ્રામ વેબ યુઝર માટે બંધ થઈ ગયું હતુ. ઇન્સ્ટાગ્રામ ડાઉન થવા અંગે X પ્લેટફૉર્મ પર ઘણા યુઝર્સે પ્રતિક્રિયા આપી હતી. જેમાં યુઝર્સ ઇન્સ્ટાગ્રામ પર કોઈ રીલ, પોસ્ટ કે સ્ટોરી શેર કે ઓપન કરી શકતા ન હતા.
સવારે 11:30 વાગ્યાની આસપાસ આઉટેજ શરૂ થયો ઈન્સ્ટાગ્રામની સર્વિસ મંગળવારે અચાનક બંધ થઈ ગઈ હતી. આ પછી ઘણા યુઝર્સ તેની સર્વિસનો ઉપયોગ કરી શક્યા ન હતા. આ સમય દરમિયાન સોશિયલ મીડિયા અને વેબસાઇટ્સ વગેરેને ટ્રેક કરનારી વેબસાઇટ Downdetector પર ઘણા લોકોએ જાણ કરી હતી. સવારે 11:30 વાગ્યાની આસપાસ આ આઉટેજ શરૂ થયો હતો.
લગભગ 1 હજાર યુઝર્સે Downdetector પર જાણ કરી અને થોડીવારમાં આ સંખ્યા 2 હજાર સુધી પહોંચી ગઈ. આ દરમિયાન તેમણે જણાવ્યું કે તેમને ઈન્સ્ટાગ્રામ ચલાવવામાં મુશ્કેલીનો સામનો કરવો પડી રહ્યો છે. આ અંગે ઘણા લોકોએ X પ્લેટફોર્મ પર ઈન્સ્ટાગ્રામ ડાઉનને લઈને પોસ્ટ પણ શેર કરી છે.
ઇન્સ્ટાગ્રામ એક લોકપ્રિય પ્લેટફોર્મ ઇન્સ્ટાગ્રામ એક લોકપ્રિય પ્લેટફોર્મ છે. ઘણા યુઝર્સ આના પર ફોટો અને વીડિયો વગેરે શેર કરે છે. ઇન્સ્ટાગ્રામ રીલ્સ પણ આ પ્લેટફોર્મ પર ખૂબ લોકપ્રિય છે. આ પ્લેટફોર્મ યુવાનોમાં ખૂબ જ લોકપ્રિય છે, અહીં યુઝર્સ મેસેજ વગેરે પણ મોકલી શકે છે. અહીં ઘણી સેલિબ્રિટીઝ પણ હાજર છે, આની મદદથી યુઝર્સ તેમની ફેવરિટ સેલિબ્રિટી અને સ્ટાર્સની લાઈફસ્ટાઈલ અને પસંદગીઓ વિશે જાણી શકે છે.
ઇન્સ્ટાગ્રામ અને તેની પેરેન્ટ કંપની મેટાએ હજુ સુધી આ આઉટેજ અંગે કોઈ સત્તાવાર માહિતી શેર કરી નથી. જો કે, આ અંગેના કેટલાક મીમ્સ સોશિયલ મીડિયા પર પણ આવ્યા, જ્યાં લોકોએ આ આઉટેજ વિશે પોસ્ટ કર્યું. ઘણા લોકોએ મીમ્સ શેર કર્યા ઘણા લોકોએ મોબાઇલ સ્ક્રીનશોટ શેર કર્યા. આ સિવાય ઘણા લોકોએ કેટલાક ફોટા પણ શેર કર્યા છે. અહીં લોકોએ બતાવ્યું કે જ્યારે ઇન્સ્ટાગ્રામ ડાઉન છે, ત્યારે યુઝર્સ X પ્લેટફોર્મ તરફ દોડી રહ્યા છે.
આ પણ વાંચો :-
