NEET UG 2024 ની પરીક્ષાનું પરિણામ જાહેર કરવામાં આવ્યું છે. નેશનલ ટેસ્ટિંગ એજન્સી દ્વારા આજે 20 જુલાઈએ બપોરે 12 વાગ્યે પરિણામો જાહેર કરવામાં આવ્યા છે. પરીક્ષામાં હાજર રહેલા ઉમેદવારો NTA exam.nta.ac.in/NEET/ અને neet.ntaonline.in ની સત્તાવાર વેબસાઇટની મુલાકાત લઈને તેમના એપ્લિકેશન નંબર દ્વારા સ્કોરકાર્ડ ચકાસી શકે છે.
આ કેસની સુનાવણીમાં સુપ્રીમ કોર્ટે NTAને વિદ્યાર્થીઓની ઓળખ છુપાવીને NEET UGના પરિણામો અલગથી સત્તાવાર વેબસાઈટ પર જાહેર કરવાનો આદેશ આપ્યો હતો. NEET વિવાદ પેપર લીકના આરોપ પછી શરૂ થયો હતો, જેના પગલે NTA દ્વારા ગ્રેસ માર્ક્સ આપવામાં આવ્યા હતા. પરીક્ષામાં ગેરરીતિના આરોપ અંગે, ભારતના મુખ્ય ન્યાયાધીશ ડી વાય ચંદ્રચુડની આગેવાની હેઠળની બેંચે કહ્યું કે, પરીક્ષા ફરીથી યોજવા માટેના કોઈપણ આદેશનું નક્કર નિષ્કર્ષ એ હોવું જોઈએ કે સમગ્ર પ્રક્રિયાની પવિત્રતા પર અસર થઈ છે. દિવસભર ચાલેલી સુનાવણી દરમિયાન ખેન્ચે ઉમેદવારોના વકીલને પરીક્ષા યોજવામાં વ્યાપક ગેરરીતિ અંગેના તેમના દાવાને સાબિત કરવા જણાવ્યું હતું.
NEET પરિણામ સામાન્ય રીતે ઓનલાઈન માધ્યમથી રજૂ કરવામાં આવે છે. આ પરિણામ NTAની ઓફિશિયલ વેબસાઈટ પર ઉપલબ્ધ છે, જ્યાં વિદ્યાર્થીઓ તેમના રોલ નંબર અને અન્ય જરૂરી માહિતીનો ઉપયોગ કરીને તેનું પરિણામ જોઈ શકશે.
આ પણ વાંચો :-
