HomeNationalઅમેઠી લોકસભા સીટ પરથી સ્મૃતિ ઈરાની સામે કિશોરી લાલ શર્મા ચૂંટણી લડશે

અમેઠી લોકસભા સીટ પરથી સ્મૃતિ ઈરાની સામે કિશોરી લાલ શર્મા ચૂંટણી લડશે

Date:

Related stories

મેટા ઓફિસમાં તોડફોડને લઈ ભાજપ-કોંગ્રેસ આમને-સામને, ભાજપે કોંગ્રેસને ગણાવી ‘ગુંડાઓની પાર્ટી’

નવી દિલ્હી/હૈદરાબાદ: સોશિયલ મીડિયા કંપની મેટા (Meta)ની ઓફિસમાં યુથ...

Video : મુંબઈમાં યુવક-યુવતી સાથે મારપીટનો વીડિયો વાયરલ, 8 સગીરો સામે ગુનો નોંધાયો

મુંબઈ: મુંબઈના કુર્લા વિસ્તારમાં યુવક અને યુવતી સાથે મારપીટ...

રાહુલ ગાંધીના નિવેદન પર ભાજપનો પલટવાર, કહ્યું- ભારતને બદનામ કરવા માટે પૈસા આપવામાં આવે છે!

નવી દિલ્હી: લોકસભામાં વિપક્ષના નેતા રાહુલ ગાંધીના વડાપ્રધાન પદને...
spot_img

લોકસભા ચૂંટણીને લઈ ને કોંગ્રેસ પાર્ટીએ ઉત્તર પ્રદેશની બહુચર્ચિત અમેઠી અને રાયબરેલી લોકસભા બેઠકો માટે તેના ઉમેદવારોની જાહેરાત કરી દીધી છે. હવે કોંગ્રેસના પૂર્વ અધ્યક્ષ રાહુલ ગાંધી રાયબરેલી બેઠક પરથી ચૂંટણી લડશે. જ્યારે કોંગ્રેસે અમેઠી બેઠક પરથી કિશોરી લાલ શર્માને મેદાનમાં ઉતાર્યા છે. તેઓ કેન્દ્રીય મંત્રી સ્મૃતિ ઈરાની સામે ચૂંટણી લડશે.

ઉત્તર પ્રદેશની અમેઠી બેઠક પર ૨૦મી મેના રોજ મતદાન છે અને નામાંકન માટેની છેલ્લી તારીખ આજે છે. મધરાતથી કોંગ્રેસ પક્ષમાંથી એક નામ સામે આવ્યું એ હતું. કે.એલ શર્મા. તેમનું પૂરું નામ કિશોરી લાલ શર્મા છે. મધરાતથી શરૂ થયેલ ચર્ચાઓ વચ્ચે આજે વહેલી સવારે તેમના નામની સત્તાવાર જાહેરાત કરવામાં આવી હતી. કેએલ શર્મા પૂર્વ કોંગ્રેસ અધ્યક્ષ સોનિયા ગાંધીના વિશ્વાસુ છે. જ્યારે સોનિયા રાયબરેલીના સાંસદ હતા ત્યારે તેઓ તેમના સાંસદ પ્રતિનિધિ તરીકે રહેતા હતા.

કિશોરી લાલ શર્મા મૂળ પંજાબના લુધિયાણાના છે. વર્ષ ૧૯૮૩માં પૂર્વ પીએમ રાજીવ ગાંધી શર્માને અમેઠી અને રાયબરેલી લઈ આવ્યા હતા. રાજીવ ગાંધીના અવસાન પછી શર્મા ગાંધી પરિવારની વધુ નજીક આવી ગયા. આ વિસ્તારમાં કોંગ્રેસની કામગીરી પર તેઓ સતત નજર રાખતા હતા. કિશોરી લાલ શર્મા બિહાર કોંગ્રેસના પ્રભારીનું પદ પણ સંભાળી ચુક્યા છે. આ સિવાય તેઓ પંજાબ કોંગ્રેસ કમિટીના સભ્ય પણ રહી ચૂક્યા છે.

૧૯૯૧માં રાજીવ ગાંધીના મૃત્યુ પછી શર્માએ ક્યારેક શીલા કૌલનું કામ સંભાળ્યું તો ક્યારેક સતીશ શર્માની મદદ કરી. આવી સ્થિતિમાં શર્મા અવારનવાર રાયબરેલી અને અમેઠીની મુલાકાત લેતા રહ્યા. જો કે, જ્યારે સોનિયા ગાંધીએ પહેલીવાર સક્રિય રાજકારણમાં પ્રવેશ કર્યો અને અમેઠીથી ચૂંટણી લડી ત્યારે કે.એલ. શર્મા તેમની સાથે અમેઠી આવ્યા હતા. જ્યારે સોનિયા ગાંધીએ રાહુલ ગાંધી માટે અમેઠી સીટ છોડી અને પોતે રાયબરેલી આવ્યા ત્યારે કેએલ શર્માએ રાયબરેલી અને અમેઠી બંને બેઠકોની જવાબદારી લીધી.

લોકસભા ચૂંટણી ૨૦૨૪ કુલ ૭ તબક્કામાં યોજાશે. યુપીની ૮૦ અલગ-અલગ સીટો પર સાત તબક્કામાં એક પછી એક ચૂંટણી યોજાશે. ચૂંટણી પંચે કહ્યું છે કે લોકસભા ચૂંટણી માટે પ્રથમ તબક્કાનું મતદાન ૧૯ એપ્રિલથી થશે. તે જ સમયે, સાતમા તબક્કાનું મતદાન ૧ જૂને થશે. અમેઠી અને રાયબરેલી બંને બેઠકો પર ૨૦ મેના રોજ પાંચમા તબક્કામાં મતદાન થશે. લોકસભા ચૂંટણી ૨૦૨૪ના પરિણામો ૪ જૂને આવશે.

આ પણ વાંચો :-

Subscribe

Latest stories