મહારાષ્ટ્ર અને ઝારખંડની સાથે ઉત્તર પ્રદેશમાં પેટા ચૂંટણી યોજાઈ રહી છે. ઉત્તર પ્રદેશમાં ચૂંટણી પંચે મોટી કાર્યવાહી કરી હતી. સૂત્રો અનુસાર ચૂંટણી પંચ મતદારોની તપાસ કરવા અને મતદાન કરતા રોકવાના દિશા નિર્દેશોનું ઉલ્લંઘન કરનારા પોલીસકર્મીને સસ્પેન્ડ કરવાનો આદેશ આપ્યો છે. મળતી જાણકારી મુજબ, મુરાદાબાદમાં ત્રણ અને કાનુપર તથા મુઝફ્ફરનગરમાં બે પોલીસકર્મી સસ્પેન્ડ કરવામાં આવ્યા છે.
મુખ્ય ચૂંટણી કમિશ્નર રાજીવ કુમારે ઉત્તર પ્રદેશના ચૂંટણી અધિકારીઓને નિષ્પક્ષ મતદાન પ્રક્રિયાને સુનિશ્ચિત કરવાનો આદેશ આપ્યો હતો. સમાજવાદી પાર્ટીએ તેના સત્તાવાર સોશિયલ મીડિયા એકાઉન્ટ પર ઉત્તર પ્રદેશ પેટા ચૂંટણી દરમિયાન કેટલાક સમુદાયોને મતદાન કરતા રોકવામાં આવ્યા હોવાની ફરિયાદ કરી હતી. આ ફરિયાદના આધારે ચૂંટણી પંચે કાર્યવાહી કરી હતી.
સપાની ફરિયાદો અને જુદા-જુદા માધ્યમથી ગેરરીતિ થઈ હોવાની ફરિયાદો મળતાં ચૂંટણી પંચે સીસામઉમાં બે પોલીસ અધિકારી, મુરાદાબાદમાં 3 પોલીસ કર્મીને સસ્પેન્ડ કર્યા છે. મુઝફ્ફરનગરમાં પણ બે પોલીસ કર્મીને સસ્પેન્ડ કરવામાં આવ્યા છે. જેમાં બે પોલીસ અધિકારી એસઆઈ અરૂણ કુમાર સિંહ અને રાકેશ કુમાર નાદર મતદારોના ઓળખ પત્ર ચકાસી રહ્યા હતાં. જેમની વિરૂદ્ધ અમુક સમુદાયોને મતદાન કરવાથી અટકાવ્યા હોવાની ફરિયાદ સપા દ્વારા કરવામાં આવી હતી.
મતદાન મથક પર રોકવામાં આવેલા મતદારોને અખિલેશે ફરીથી મતદાન કરવા અપીલ કરી છે. તેમણે કહ્યું કે,તમામ મતદારોને અપીલ છે કે, જેમને રોકવામાં આવ્યા હતા, તે તમામ ફરી મતદાન મથકે જઈને મત આપે. ચૂંટણી પંચના ચીફ સેક્રેટરીએ વીડિયો અને ફોટોના પુરાવાના આધારે ભ્રષ્ટ પોલીસ કર્મીઓને સસ્પેન્ડ કર્યા છે. બાકીના દોષિત અધિકારીઓને પણ સસ્પેન્ડ કરશે.
આ પણ વાંચો :-