ગાંધીનગરના નભોઈ કેનાલમાં એક કાર ખાબકવાની દુર્ઘટનામાં કારમાં સવાર તમામ લોકો ડૂબ્યા હોવાની આશંકા છે. ઘટનાની જાણ થતાં જ ફાયર બ્રિગેડની ટીમ તાત્કાલિક સ્થળ પર પહોંચી હતી અને બચાવ કામગીરી શરૂ કરી હતી. ત્યારે એક યુવતી સહિત 2 લોકોની લાશ બહાર કાઢવામાં આવી છે.
પ્રાથમિક માહિતી અનુસાર, કારમાં પાંચ લોકો સવાર હતા. ફાયર બ્રિગેડ દ્વારા હાલ એક મૃતદેહ બહાર કાઢવામાં આવ્યો છે. બાકીના લોકોની શોધખોળ માટે બચાવ કામગીરી ચાલુ છે.
ફાયર બ્રિગેડની બચાવ કામગીરી ચાલુ
ગાંધીનગર ફાયર બ્રિગેડની ટીમ ઘટનાસ્થળે પહોંચી છે અને બચાવ કામગીરીમાં વ્યસ્ત છે. કેનાલમાં પાણીના પ્રવાહને કારણે બચાવ કામગીરીમાં મુશ્કેલી આવી રહી છે.
