નેપાળની રાજધાની કાઠમંડુની બહાર નુવાકોટના શિવપુરી નેશનલ પાર્કમાં બુધવારે એક હેલિકોપ્ટર ક્રેશ થયું હતું. આ અકસ્માતમાં હેલિકોપ્ટરમાં સવાર તમામ પાંચ લોકોના ઘટના સ્થળે જ મૃત્યુ થયા છે. નેપાળ પોલીસે જણાવ્યું કે હેલિકોપ્ટરમાં ચાર ચીની નાગરિકો સહિત કુલ પાંચ લોકો સવાર હતા. કાઠમંડુ પોસ્ટે આ માહિતી આપી છે.
દરમિયાન, ત્રિભુવન ઈન્ટરનેશનલ એરપોર્ટના પ્રવક્તા સુભાષ ઝાએ જણાવ્યું હતું કે એર ડાયનેસ્ટીના 9N-AJD હેલિકોપ્ટરે બપોરે 1:54 વાગ્યે કાઠમંડુથી સ્યાપ્રુબેસી માટે ઉડાન ભરી હતી. જો કે, તે તેના ગંતવ્ય સ્થાને પહોંચતા પહેલા ક્રેશ થઈ ગયું હતું. અકસ્માતનું કારણ હજુ સુધી જાણી શકાયું નથી. થોડા અઠવાડિયા પહેલા નેપાળમાં અન્ય એક વિમાન દુર્ઘટનામાં 18 લોકોના મોત થયા હતા. નેપાળમાં વિમાનની દુર્ઘટના સામે નબળા સંચાલનના તારણો સામે જોવા મળે છે. બીજી તરફ, હેલિકોપ્ટર દુર્ઘટના બાદ રાહત અને બચાવ કાર્ય હાથ ધરવામાં આવ્યું છે.
આ પણ વાંચો :-
