મુંબઈથી સાયબર છેતરપિંડીનો એક નવો કિસ્સો સામે આવ્યો છે, જેમાં 78 વર્ષીય મહિલા કૌભાંડનો ભોગ બની હતી. સાયબર છેતરપિંડી કરનારાઓએ ખૂબ ચાલાકીથી મહિલાને નિશાન બનાવી હતી. મહિલાએ પોલીસ ફરિયાદ નોંધાવી છે. પોલીસે જણાવ્યું હતું કે સાયબર છેતરપિંડી કરનારાઓએ વોટસએપ મેસેજિંગ દ્વારા મહિલાનો સંપર્ક કર્યો હતો અને ત્યારબાદ તેને એક ફાઇલ ડાઉનલોડ કરવા કહ્યું હતું, જેને વોટ્સએપ દ્વારા મોકલવામાં આવી હતી. ત્યારબાદ માત્ર 13 રૂપિયાની ચુકવણી કરવા કહેવામાં આવ્યું હતું.
પોલીસના જણાવ્યા અનુસાર, મહિલા માર્ચ મહિનામાં કેરળની યાત્રા માટે ગઈ હતી. આ દરમિયાન, તેને એક અજાણ્યા નંબર પરથી ફોન આવ્યો, જેને કહ્યું કે, તે વીજળી વિભાગથી બોલી રહ્યો છે. ત્યારબાદ તેણે મહિલાને જાણ કરી કે તેણે વીજ કનેક્શન પર નામ અપડેટ કરવા માટે માત્ર ₹13ની ચુકવણી કરવી પડશે.
સાયબર છેતરપિંડી કરનારાઓએ પીડિતાને એક APK ફાઈલ મોકલી અને તેને ડાઉનલોડ કર્યા બાદ તેને KYC પૂર્ણ કરવા કહેવામાં આવ્યું. પીડિતાએ APK ફાઈલ ડાઉનલોડ કરતા જ, કૌભાંડીને તેના ફોનની ઍક્સેસ મળી ગયું, જેથી ફોન હાઇજેક પણ કહી શકાય છે. ત્યારબાદ આરોપીએ મહિલાને તેના ક્રેડિટ કાર્ડની વિગતો દાખલ કરવા કહ્યું, ત્યારબાદ તેના બેંક ખાતાની વિગતો દાખલ ક૨વા કહ્યું અને પછી મહિલાને ખાતામાંથી ₹25 લાખની રકમ ઉપાડી લેવામાં આવી. મહિલાને ₹25 લાખ કાપવાની સૂચના મળતાં જ તેને ખ્યાલ આવ્યો કે તે સાયબર છેતરપિંડીનો ભોગ બની છે. વૃદ્ધ મહિલાએ 21 માર્ચે મુંબઈ પહોંચીને ફરિયાદ નોંધાવી હતી.
સાયબર છેતરપિંડી કરનારાઓ સામાન્ય લોકોને નિશાન બનાવવા અને છેતરપિંડી કરવા માટે વિવિધ પદ્ધતિઓનો ઉપયોગ કરે છે. ચાલો આ યુક્તિઓ અને તેમનાથી બચવા માટેના પગલાં બાબતે જાણીએ.
- ફિશિંગ લિંક્સ: સાયબર છેતરપિંડી કરનારાઓ પીડિતોને લૂંટવા માટે નકલી SMS, ઈમેઇલ્સ અથવા APK ફાઈલો મોકલે છે. ત્યારબાદ ડેટા ચોરી કરે છે.
- મેલવેર એપ્સ: સાયબર સ્કેમર્સ લોકોને છેતરવા માટે નકલી એપ્લિકેશનનો ઉપયોગ પણ કરે છે, જેને થર્ડ પાર્ટી અથવા WhatsApp GIRL APK ફાઈલ મોકલે છે. ત્યારબાદ ડેટા ચોરી કરે છે.
- OTP/કોલ સ્કેમ્સ: સાયબર છેતરપિંડી કરનારાઓ ભોળા વ્યક્તિઓના બેંક ખાતા ખાલી કરવા માટે OTP સ્કેમ્સનો સહારો પણ લે છે. ગુનેગારો તમારા બેંક ખાતા ખાલી કરવા માટે વિવિધ યુક્તિઓનો ઉપયોગ કરે છે; એટલે એ જરૂરી છે કે તમે ક્યારેય તમારા બેંકિંગ OTPને બીજા કોઈની સાથે શેર ન કરો.
- સિમ સ્વેપિંગ: સિમ સ્વેપિંગના પણ ઘણા કિસ્સાઓ પણ પ્રકાશમાં આવ્યા છે, જેમાં છેતરપિંડી કરનારાઓ પીડિતના સિમ કાર્ડની ડુપ્લિકેટ નકલ મેળવવામાં સફળ થાય છે. ત્યારબાદ, બેંકિંગ સંબંધિત તમામ OTP વગેરે હેકર્સ પાસે પહોંચવા લાગે છે.
સાયબર ફ્રોડ કરનારાઓથી પોતાને બચાવવા માટે, સૌથી જરૂરી છે કે અજાણ્યા નંબરો પરથી પ્રાપ્ત થયેલા કોલ્સ, સંદેશાઓ અથવા ઈમેઇલ દ્વારા કરવામાં આવેલા દાવાઓ પર ક્યારેય આંધળો વિશ્વાસ ન કરો. આવા સંદેશાવ્યવહાર અંગે નિષ્ણાતની સલાહ લો, અને ત્યારબાદ, તેમની સત્યતા ચકાસો. કોઈ પણ સંજોગોમાં તમારે તમારા બેંકિંગ OTP અથવા બેંકિંગ વિગતો કોઈની સાથે શેર ન કરવી જોઈએ.
