- Plastic Free : આ ગામનો આ જબરદસ્ત નિયમ ઘણા સમયથી ચર્ચામાં છે. આ યોજનામાં સામેલ છે. આ યોજના હેઠળ 20 ક્વિન્ટલ પ્લાસ્ટિક વેસ્ટ આપવા માટે એક સોનાનો સિક્કો આપવામાં આવશે. સ્થિતિ એવી બની છે કે આ યોજનાની જાહેરાત થતાં જ માત્ર 15 દિવસમાં આખા ગામને પ્લાસ્ટિક મુક્ત જાહેર કરી દેવામાં આવ્યું છે.
Give Plastic Take Gold : લોકો સોનું (Gold) ખરીદવા માટે ઘણા પૈસા ખર્ચે છે. કેટલાક લોકો પહેરવા માટે સોનું ખરીદે છે. જ્યારે કેટલાક તેને રોકાણના હેતુ માટે ખરીદે છે. પરંતુ કલ્પના કરો કે જો તમને કચરાના બદલામાં સોનું મળી રહ્યું છે. તો તમે કદાચ ઘણો કચરો આપશો અને બદલામાં તેમાંથી સોનું (Gold) લેશો. ભારતમાં એક એવું ગામ છે જ્યાં તમને કચરો આપવાને બદલે સોનું મળે છે. હાલત એવી થઈ ગઈ છે કે આ વાત જાહેરાત થતાં જ કચરો સાફ થઇ ગયો.
ખરેખર આ ગામ દક્ષિણ કાશ્મીરના (South Kashmir) વર્તમાન અનંતનાગ જિલ્લામાં છે. મીડિયા રિપોર્ટસ અનુસાર આ ગામનું નામ સાદીવારા છે અને થોડા સમય પહેલા આ ગામના સરપંચે પ્લાસ્ટિક પ્રદૂષણને પહોંચી વળવા માટે આ અનોખું અભિયાન શરૂ કર્યું છે. આ ગામના સરપંચ ફારૂક અહમદ ગનઈ ગામને પ્લાસ્ટિક પ્રદૂષણ મુક્ત બનાવવા માંગે છે. વ્યવસાયે વકીલ ગણાઈએ ઘણા પ્રયત્નો કર્યા છે. પરંતુ બહુ સફળતા મળી નથી. જો કે આ વખતે તેના પ્રયત્નો રંગ લાવી રહ્યા છે.
‘પ્લાસ્ટિક આપો અને સોનું લો’
મળતી માહિતી મુજબ પ્રધાન એટલે કે સરપંચે ‘પ્લાસ્ટિક આપો અને સોનું લો‘ નામનું અભિયાન શરૂ કર્યું હતું. આ યોજના હેઠળ જો કોઈ વ્યક્તિ 20 ક્વિન્ટલ પ્લાસ્ટિકનો કચરો આપશે તો પંચાયત તેને સોનાનો સિક્કો આપશે. સ્થિતિ એવી બની છે કે અભિયાન શરૂ થયાના 15 દિવસમાં જ આખા ગામને પ્લાસ્ટિક મુક્ત જાહેર કરવામાં આવ્યું હતું. આ અભિયાનને ઘણી લોકપ્રિયતા મળી છે.
આ પણ વાંચો :–