Home Blog Page 718

૦૪ જુલાઈ, ૨૦૨૪ / ગુરૂવારના દિવસે આ રાશિના જાતકોને કામમાં આવશે વારંવાર વિધ્ન,આર્થિક રીતે પણ પડશે ફટકો, જુઓ રાશિ ભવિષ્ય

News Editor
-
0

મેષઃ

આર્થિક ક્ષેત્રે સફળતા મળતા આનંદ ઉત્સાહમાં વધારો થાય. નાના ભાઇ બહેનો સાથે પ્રેમનું વાતાવરણ સર્જાશે. પરિવારના સભ્યોમાં પરસ્પર પ્રેમ જળવાશે. નોકરી-ધંધા ક્ષેત્રે પ્રગતિ. આરોગ્ય સારૂ રહેશે.

વૃષભઃ

કલાત્મક કૌશલ્યનો વિકાસ થાય. વ્યવહારિક અને ઉત્તેજના પૂર્ણ વ્યક્તિત્વ રહેશે. ધગશ, ઉત્સાહમાં વધારો. થોડી સ્વાર્થવૃત્તિ વધતી જણાય. મશીનરી, દરજી, ફોટોગ્રાફીના કાર્ય સાથે સંકળાયેલ વ્યક્તિઓને પ્રગતિ-સફળતા મળે.

‌મિથુનઃ

સ્વભાવ જીદ્દી થાય. આવકમાં ઘટાડો નોંધાય પરિવારમાં શાંતિ અને સંપની અનુભૂતિ થાય. નવા આર્થિક આયોજનો સફળ થતા જણાય. સંતાનની પ્રગતિના સાક્ષી બની શકો. આરોગ્ય સારૂ રહેશે. જીવનસાથીની તબિયત સાચવવી.

કર્કઃ

દિવસ દરમ્યાન શારિરીક અને માનસિક તંદુરસ્તી સારી રહેતી જણાય. આનંદ-ઉત્સાહમાં વધારો થાય. નવી વસ્તુ વસાવવાના યોગ બને છે. ભાગ્યના બળે કાર્ય સફળ થતા જણાય. મિત્રો તરફથી સાથ-સહકાર મળતો જણાય.

‌સિંહઃ

નાણાંકીય બાબતોથી લાભ સંભવે. કુટુંબમાં સુખ શાંતિ વધે. જમીન-મકાન મિલકતથી લાભ મળતો જણાય. રંગ-રસાયણ-ટાયરના ધંધાવાળા વ્યક્તિઓને માટે શુભ દિવસ. મિત્રો સાથે મનદુઃખ ન થાય એ સાચવવું.

કન્યાઃ

આજનો દિવસ આપના માટે શુભ પુરવાર થાય. ભાઇ-બહેનો તથા પુરા પરિવાર સાથેના સંબંધો સૌહાર્દપૂર્ણ બને. ભાગ્ય વૃધ્ધિ થતી જણાય. નવા કાર્યોની શરૂઆત શક્ય બને. નોકરીમાં બઢતી તથા ધંધામાં પ્રગતિ થાય. પિતાની તબિયત સાચવવી.

તુલાઃ ‌

બપોર સુધી નાણાંની ખેંચ વર્તાય, બપોર બાદ ભાગ્ય સાથ આપતું જણાય. નોકરી-ધંધામાં પરિસ્થિતિ સુધરતી જણાય. પરિવારના સભ્યો માટે ચિંતા રહે. કરેલા રોકાણોનું શુભ ફળ મળતું જણાય. વિદ્યાર્થીમિત્રો માટે દિવસ શુભ ફળદાયી નીવડે.

વૃ‌શ્ચિકઃ

દિવસની શરૂઆત આનંદથી થાય. બપોર સુધી તમામ બાબતોમાં સફળતા મળતી જણાય. બપોર બાદ માનસિક તણાવ રહે. આવક ઘટતી જણાય. શરીરમાં થાક-સુસ્તીનો અનુભવ થાય. ગળાના રોગોથી સાવવવું.

ધનઃ

ગઇકાલની માનસિક અશાંતિ દૂર થતી જણાય. આનંદ-ઉત્સાહનો અનુભવ થાય. નાણાંકીય આવક વધતી જણાય. પરિવારમાં શુભ કાર્યનું આયોજન થાય. આરોગ્ય સુધરતું જણાય. ખોટા ખર્ચ ટાળવા જરૂરી.

મકરઃ

આવક ઘટતી જણાય. બચત ઓછી થાય છતાં માનસિક સ્વસ્થતા જાળવી શકાય. વિચારોમાં શુધ્ધતા રહે. પરિવારના સભ્યોની વધારાની જવાબદારી ઉઠાવવા પડે. આદ્યાત્મિક પ્રગતિ થાય.

કુંભઃ ‌

દિવસ દરમ્યાન શક્તિ-સ્ફૂર્તિનો અનુભવ થાય. આવક વધતી જણાય. કુટુંબના સભ્યો સાથે વિશ્વાસનું વાતાવરણ સર્જાય. નવા રોકાણોથી લાભ થાય. જુના રોકાણોમાંથી આવક વધતી જણાય. શરદી-ખાંસીનો ઉપદ્રવ રહે.

મીનઃ

માનસિક શાંતિ જળવાશે. આવકનું પ્રમાણ વધશે. નોકરીમાં ઇન્સેન્ટીવની પ્રાપ્તિ શક્ય બને. ધંધામાં પ્રગતિ થાય. નવા વાહનની ખરીદી શક્ય બને. સ્ત્રી વર્ગ તરફથી લાભ મળેવી શકાય. પત્નિને ગળાના દુઃખાવાથી સાચવવું.

સીએમ યોગી આદિત્યનાથ હાથરસ પહોંચ્યા, કહ્યું કે તપાસ રિપોર્ટમાં મોટો ઘટસ્ફોટ

News Editor
-
0

ઉત્તર પ્રદેશના હાથરસના ફુલરાઈ ગામમાં મંગળવારે સત્સંગ દરમિયાન નાસભાગમાં ૧૨૧ ભક્તોનાં મોતથી સૌ કોઈ આઘાત પામી ગયા છે. SDMએ હવે આ અકસ્માતનો પ્રાથમિક તપાસ રિપોર્ટ જિલ્લા મેજિસ્ટ્રેટને સુપરત કર્યો હતો. એ રિપોર્ટમાં જણાવ્યા અનુસાર, સત્સંગની સમાપ્તિ પછી ભક્તો ભોલે બાબા સુધી પહોંચવાનો પ્રયાસ કરી રહ્યા હતા, પરંતુ તેમના સેવકો અને અંગત ગાર્ડ્સ (બ્લેક કમાન્ડો) જાતે જ ધક્કા-મુક્કી કરવા લાગ્યા હતા જેના લીધે ઘટનાસ્થળે નાસભાગ મચી ગઈ હતી.

સીએમ યોગીએ હાથરસ દુર્ઘટનામાં મોત પાછળ માત્ર અકસ્માત જ નહીં પરંતુ ષડયંત્ર હોવાની આશંકા વ્યક્ત કરી છે. બુધવારે સવારે ઘટનાસ્થળની મુલાકાત લીધા બાદ સીએમ યોગીએ પણ આ ઘટનાની ન્યાયિક તપાસની જાહેરાત કરી હતી. તેમણે કહ્યું કે હાઈકોર્ટના નિવૃત જજને તપાસ સોંપવામાં આવશે અને જે પણ દોષિત જણાશે તેની સામે કડક કાર્યવાહી કરવામાં આવશે. આ સમગ્ર ઘટનાની તપાસ માટે અલીગઢ એડીજીની અધ્યક્ષતામાં SITની રચના કરવામાં આવી છે.

યોગીએ કહ્યું કે આ પ્રકારની ઘટના માત્ર અકસ્માત ન હોઈ શકે તે વાતને અવગણી શકાય નહીં. જો અકસ્માત થાય તો પણ તેની પાછળ જવાબદાર કોણ? જો ઘટના બની હોય અને અકસ્માત ન હોય તો તે ષડયંત્ર છે. આ ષડયંત્ર પાછળ કોણ છે તે જાણવા અમે ન્યાયિક તપાસ કરીશું. તેની તપાસ હાઈકોર્ટના નિવૃત્ત જજ કરશે. જેમાં વહીવટીતંત્ર અને પોલીસના નિવૃત્ત વરિષ્ઠ અધિકારીઓ પણ સામેલ થશે અને સમગ્ર ઘટનાની તપાસ કરશે. જે પણ દોષિત હશે તેને સજા કરવામાં આવશે અને ઘટના ફરી ન બને તેની ખાતરી કરવામાં આવશે. ન્યાયિક તપાસ માટે આજે જ જાહેરનામું બહાર પાડવામાં આવશે.

આ પણ વાંચો :-

૨૪,૭૦૦ શિક્ષકોની ભરતી માટે કેલેન્ડર જાહેર, જાણો આ છે નવા નિયમ ?

News Editor
-
0

રાજ્ય સરકાર દ્વારા જ્ઞાન સહાયકોની કરાર આધારિત ભરતી સામે ટાટ-ટેટ પાસ ઉમેદવારોમાં આક્રોશ જોવા મળી રહ્યો છે. જેને પગલે ૧૮ અને ૧૯ જૂન, ૨૦૨૪ના રોજ ગાંધીનગરમાં આક્રમક બની ઉમેદવારોએ આંદોલન કર્યું હતું. આ આંદોલના ૨૪ જ કલાકમાં રાજ્ય સરકારે ૭૫૦૦ શિક્ષકોની ભરતી કરવાની જાહેરાત કરી હતી. ત્યાર બાદ આજે વધુ ૧૭,૨૦૦ શિક્ષકોની ભરતીની જાહેરાત કરી છે. આ અંગે આજે મળેલી કેબિનેટની બેઠકમાં નિર્ણય લેવાયો છે. આમ બન્ને નિર્ણય મળી ૨૪,૭૦૦ શિક્ષકોની ભરતી થશે. રાજ્યમાં હાલ ૪૨,૭૫૯ જગ્યા ખાલી છે જેમાં ૨૪,૭૦૦ જગ્યા ભરી રહ્યા છે. જેથી ૧૮,૦૫૯ જગ્યા હજુ પણ ખાલી રહેશે.

શબ્દ કદાચ સડેલો હોઈ શકે પણ સમગ્ર રાજ્યનું શિક્ષણ આવુ ના હોઈ શકેઃ મંત્રી ઋષિકેશ પટેલપ્રવક્તા મંત્રી ઋષિકેશ પટેલે જણાવ્યું કે, ૭૫૦૦ શિક્ષકોની ભરતીની જાહેરાત બાદ એમાં વધારો કરીને વધુ ૧૭,૨૦૦ શિક્ષકોની ભરતી કરાશે. આમ કુલ મળી ૨૪,૭૦૦ નવીન શિક્ષકોની ભરતી કરવામાં આવશે. આ ભરતી માટે સમય પત્રક બનાવ્યું છે. આજ સુધીના સમયમાં સૌથી મોટી ભરતી કરી રહ્યા છીએ. વિવિધ તબક્કામાં ૧૨માં(ડિસેમ્બર)મહિના સુધી તમામ ભરતી પ્રક્રિયા પૂરી કરીશું. ૨૦૧૧થી ૨૦૨૩ સુધી જેટલી ટેટની પરીક્ષા લેવાઈ છે તે માન્ય ગણીને ભરતી કરવામાં આવશે. જેમની પાસે પ્રમાણપત્ર છે તે અરજી કરી શકશે અને મેરિટ પ્રમાણે ભરતી થશે. ૨૯ જુલાઈ, ૨૦૨૩ના ઠરાવ મુજબ ભરતી માટે વર્ષ ૨૦૨૩માં લેવાયેલી દ્વિસ્તરીય અભિરુચિ કસોટીને ધ્યાનમાં લેવાશે.

પ્રવક્તા મંત્રીએ જણાવ્યું કે, આ ભરતી બાદ ૨૦૨૩માં TET-૧ અને TET-૨ પાસ થયેલા ઉમેદવારોના પ્રમાણપત્રની માન્યતાની અવધિ પ્રમાણપત્ર ઇશ્યુ કર્યાની તારીખથી 5 વર્ષ અથવા તો NCTE દ્વારા રાષ્ટ્રીય શિક્ષણ નીતિ-૨૦૨૦ અંતર્ગત નવું માળખું જાહેર થાય તે બેમાંથી જે વહેલું હોય ત્યાં સુધીની રહેશે. એટલું જ નહીં, વર્ષ-૨૦૨૩ પહેલા TET-1 અને TET-૨ પરીક્ષા પાસ થયેલા ઉમેદવારોના શિક્ષક યોગ્યતા કસોટીના પ્રમાણપત્ર આ ભરતી પ્રક્રિયા માટે માન્ય ગણાશે. ત્યારબાદ વર્ષ-૨૦૨૩ પહેલાના શિક્ષક યોગ્યતા કસોટીના પ્રમાણપત્રની અવધિ માન્ય ગણવાની રહેશે નહીં તેમ પ્રવક્તા મંત્રીએ ઉમેર્યું હતું.

છેલ્લાં ૧૦ વર્ષમાં ૧૮,૩૮૨ શિક્ષકની કાયમી ભરતી વધુ વિગતો આપતાં મંત્રી ઋષિકેશ પટેલે જણાવ્યું હતું કે માધ્યમિક એટલે કે ધોરણ ૯ અને ધોરણ ૧૦ની સરકારી શાળામાં કુલ ૫૦૦ અને ગ્રાન્ટ-ઈન-એડ શાળામાં ૩,૦૦૦ એમ કુલ ૩૫૦૦ TAT-૧ પાસ થયેલા ઉમેદવારોની ભરતી કરાશે. જ્યારે ઉચ્ચર માધ્યમિક એટલે કે ધોરણ ૧૧અને ધોરણ ૧૨માં સરકારી શાળામાં ૭૫૦ અને ગ્રાન્ટ-ઈન-એડ શાળામાં ૩૨,૫૦૦ એમ મળીને TAT-૨ના કુલ ૪૦૦૦ જેટલા ઉમેદવારોની ભરતી કરાશે. તાજેતરમાં ૧૫૦૦ જેટલા HMAT પ્રિન્સિપાલની ભરતી રાજ્યની ગ્રાન્ટ-ઈન-એડ શાળાઓમાં કરવામાં આવી છે. અત્રે નોંધનીય છે કે રાજ્યમાં છેલ્લાં ૧૦ વર્ષમાં કુલ ૧૮,૩૮૨ જેટલા શિક્ષકોની કાયમી ભરતી કરવામાં આવી છે.

આ પણ વાંચો :-

રાજ્ય સરકાર આજે શિક્ષકોની ભરતીને લઈને કરશે જાહેરાત

News Editor
-
0

રાજ્યમાં કાયમી શિક્ષકની ભરતીને લઈને મોત સમાચાર સામે આવી રહ્યા છે. આજે રાજ્ય સરકાર કુલ ૨૪૭૦૦ જગ્યાઓ પર શિક્ષકોની ભરતી જાહેર કરશે. કેબિનેટ બેઠકમાં ભરતીને લીલી ઝંડી આપવામાં આવી છે. લાંબા સમયથી TET-TAT પાસ ઉમેદવારોની આતુરતાનો અંત આઈ ગયો છે.

Gujarat Government seek for 7,500 teachers for permanent recruitmentલાંબા સમયથી રાજ્યમાં કાયમી શિક્ષકની ભરતી અટકી પડી હતી, જેને લઈને ગાંધીનગરમાં ઉમેદવારોએ ઘેરાવો કર્યો હતો અને ત્યારબાદ ગયા અઠવાડિયે જ TAT અને TET ભરતી મુદ્દે ઋષિકેશ પટેલે નિવેદન આપ્યું હતું. સરકારે માધ્યમિક અને હાયર માધ્યમિક ૭૫૦૦ શિક્ષકોને લઈ મહત્ત્વનો નિર્ણય કર્યો હતો. ટેટ ૧ અને ૨ માં સરકારે ભરતી અંગે આયોજન કર્યું છે. સાથે જ મળતી માહિતી અનુસાર, ગુજરાતમાં ૧૨,૦૦૦ થી ૧૫,૦૦૦ શિક્ષકોની ભરતી ઓક્ટોબર સુધીમાં પૂર્ણ કરવા રાજ્ય સરકારની તાકીદ છે. પહેલા હાયર સેકન્ડરી ના ૭,૫૦૦ શિક્ષકોની આવશે જાહેરાત ત્યારબાદ એટલી જ સંખ્યામાં પ્રાથમિક શિક્ષક ની બે કેટેગરીમાં આવશે ભરતી. ઓક્ટોબર સુધીમાં તમામ ભરતી પૂર્ણ કરવા આદેશ અપાયો છે.

તાજેતરમાં કેબિનેટ મંત્રી ઋષિકેશ પટેલે જણાવ્યું હતું કે, માધ્યમિક એટલે કે ઘોરણ ૯ અને ઘોરણ ૧૦ની સરકારી શાળામાં કુલ 500 અને ગ્રાન્ટ-ઇન-એડ શાળામાં ૩,૦૦૦ એમ કુલ ૩૫૦૦ TAT-૧ પાસ થયેલ ઉમેદવારોની ભરતી કરાશે. જ્યારે ઉચ્ચર માધ્યમિક એટલે કે ઘોરણ ૧૧ અને ઘોરણ ૧૨ માં સરકારી શાળામાં ૭૫૦ અને ગ્રાન્ટ -ઇન – એડ શાળામાં ૩૨૫૦ એમ મળીને TAT-૨ ના કુલ ૪૦૦૦ જેટલા ઉમેદવારોની ભરતી કરાશે તેમ મંત્રી ઋષિકેશ પટેલે જણાવ્યું હતુ. તાજેતરમાં ૧૫૦૦ જેટલા HMAT પ્રિન્સીપાલની ભરતી રાજ્યની ગ્રાન્ટ ઇન એડ શાળાઓમાં કરવામાં આવી છે. રાજ્યમાં છેલ્લા ૧૦ વર્ષમાં કુલ ૧૮,૩૮૨ જેટલા શિક્ષકોની કાયમી ભરતી કરવામાં આવી છે.

આ પણ વાંચો :-

બિડેનના સ્થાને કમલા હેરિસ બની શકે છે અમેરિકાના નવા પ્રમુખ

News Editor
-
0

અમેરિકામાં આ વર્ષના અંતમાં ચૂંટણી યોજવા જઈ રહી છે તે પહેલા અમેરિકન રાજકીય વિવેચક અને લેખક ટકર કાર્લસને દાવો કર્યો હતો કે રાષ્ટ્રપતિ જો બાયડનને ડિમેન્શિયા છે અને મુખ્ય પ્રવાહના મીડિયા પર આ હકીકત દેશથી છુપાવવાનો આરોપ લગાવ્યો છે. ભૂતપૂર્વ ફોક્સ ન્યૂઝ હોસ્ટે એવો પણ દાવો કર્યો હતો કે ડેમોક્રેટ્સ ટૂંક સમયમાં જ બાયડનની જગ્યાએ કમલા હેરિસને પ્રમુખ બનાવી શકે છે.

જો બિડેન ડિમેન્શિયાથી પીડિત છે, કમલા હેરિસ તેમનું સ્થાન લઈ શકે છે', અમેરિકન પત્રકારનો મોટો દાવો - 'Joe Biden is suffering from dementia, Kamala Harris can replace him ...

રિપોર્ટ અનુસાર, સિડનીના ઇન્ટરનેશનલ કન્વેન્શન સેન્ટર ખાતે ૪૦૦૦ ચાહકોની સામે બોલતા, ટકર કાર્લસને જણાવ્યું હતું કે, ‘સીએનએન પત્રકાર તરીકે આવેલા કેટલાક ડેમોક્રેટ કાર્યકરોએ એ છુપાવવાનો પ્રયાસ કર્યો હતો કે જો બાયડનને ડિમેન્શિયા છે. કાર્લસને કહ્યું કે અમેરિકન મીડિયાનું એવું વર્તન જાણે કે તેમને આ વિશે હમણાં જ ખબર પડી હોય તે આઘાતજનક છે. તેમણે કહ્યું કે જો બાયડન ડેમોક્રેટિક પાર્ટી તરફથી રાષ્ટ્રપતિ પદની રેસમાં આગળ વધી શકશે નહીં.

ફોક્સ ન્યૂઝના ભૂતપૂર્વ હોસ્ટ ટકર કાર્લસને દાવો કર્યો હતો કે જો બિડેનને ડિમેન્શિયા છે, જે ભૂલી જવાનો રોગ છે. એવો દાવો કરવામાં આવી રહ્યો છે કે ડેમોક્રેટ્સ ટૂંક સમયમાં જ બિડેનના સ્થાને કમલા હેરિસને અમેરિકાના નવા પ્રમુખ બનાવી શકે છે. ટકરે અમેરિકન મીડિયાની ટીકા કરતા કહ્યું કે પત્રકારો મૂર્ખ છે અથવા તેઓ જૂઠા છે, તેઓ ખરેખર બેઈમાન છે, તેઓ સ્પષ્ટ માહિતી છુપાવે છે.

ટકર કાર્લસને કહ્યું, ‘વ્યક્તિગત રીતે, ઓબામા લોકોને કહી રહ્યા છે કે બાયડન જીતી શકશે નહીં, અને તેથી તેઓ ખુલ્લા સંમેલનની તરફેણમાં છે. બરાક ઓબામા એ કહેશે નહીં કે તેઓ કોને ટેકો આપે છે. ઓબામા અને બાયડન વચ્ચેના સંબંધો ક્યારેય સૌહાર્દપૂર્ણ રહ્યા નથી. એક સમયે બંને એકબીજાની ટીકા કરતા રહ્યા છે. અમેરિકામાં આ વર્ષના અંતમાં રાષ્ટ્રપતિની ચૂંટણી યોજાવા જઈ રહી છે. ડોનાલ્ડ ટ્રમ્પ ફરી એકવાર રિપબ્લિકન પાર્ટી તરફથી રાષ્ટ્રપતિ પદના સંભવિત ઉમેદવાર તરીકે માનવામાં આવી રહ્યા છે.

આ પણ વાંચો :-

વિરાટ કોહલીએ અનુષ્કા શર્માને વીડિયો કોલ પર બતાવ્યો વાવાઝોડાનું ભયાનક દ્રશ્ય

News Editor
-
0

T૨૦ વર્લ્ડ કપ જીતવા છતાં ભારતીય ક્રિકેટ ટીમ હાલમાં ખરાબ હવામાનના કારણે બાર્બાડોસમાં ફસાઈ છે. ખેલાડીઓ હોટલમાં બંધ છે. આવી સ્થિતિમાં વિરાટ કોહલીએ પત્ની અનુષ્કા શર્માને વીડિયો કોલ કરીને બાર્બાડોસનું હવામાન બતાવ્યું હતુ. કારણ કે. વિરાટ કોહલી પણ વાવાઝોડામાં ટીમ સાથે ફસાઈ ગયો છે. આખી ભારતીય ટીમ,સપોર્ટ સ્ટાફ, bcciના અધિકારીઓ બાર્બાડોસમાં ફસાઈ છે.બાર્બાડોસમાં ૩૦ જુલાઈના રોજ એરપોર્ટ પર અવર-જવર બંધ થઈ છે.

વિરાટ કોહલીએ પત્ની અનુષ્કા શર્માને વીડિયો કોલ પર બતાવ્યુ વાવાઝોડાનું ભયાનક દ્રશ્ય, વીડિયો થયો વાયરલ

સમગ્ર T૨૦ વર્લ્ડ કપ દરમિયાન વિરાટ કોહલીનું બેટ શાંત રહ્યું, પરંતુ તેણે ફાઇનલમાં મેચ વિનિંગ ઇનિંગ રમી હતી. ભારતે ૫૦ રનમાં ૩ વિકેટ ગુમાવી દીધી હતી. જોકે, વિરાટ એક છેડે ઊભો રહીને પોતાની વિકેટ બચાવ્યો હતો. આવી સ્થિતિમાં કોહલીએ ૫૯ બોલનો સામનો કરીને ૭૬ રનની શાનદાર ઇનિંગ રમી હતી. આ દરમિયાન તેના બેટમાંથી ૬ ચોગ્ગા અને ૨ છગ્ગા પણ જોવા મળ્યા હતા. કોહલીને તેની ઇનિંગ માટે પ્લેયર ઓફ ધ મેચનો એવોર્ડ પણ મળ્યો હતો.

મીડિયા રિપોર્ટ્સ અનુસાર, ટીમ ઈન્ડિયાને સીધુ દિલ્હી લઈ જતું ચાર્ટર પ્લેન બાર્બાડોસમાં ઉતરી શક્યું ન હતું. આ કારણે પરત ફરવામાં વધુ વિલંબ થઈ શકે છે. હાલ એરપોર્ટને ખુલ્લુ મુકવામાં આવ્યું છે, પરંતુ હજુ સુધી ફ્લાઈટ શરૂ થઈ નથી. એવું માનવામાં આવે છે કે આગામી થોડા કલાકોમાં ફ્લાઈટ ટ્રાફિક શરૂ થઈ જશે.

આ પણ વાંચો :-

હાથરસ નાસભાગનો મામલો હાઈકોર્ટ અને સુપ્રીમ કોર્ટ પહોંચ્યો, ભોલેબાબા પર થઈ શકે છે FIR

News Editor
-
0

ઉત્તરપ્રદેશના હાથરસમાં સર્જાયેલી નાસભાગની દુર્ઘટનાથી આખો દેશ હચમચી ગયો છે. ધાર્મિક સત્સંગમાં મચેલી નાસભાગમાં લગભગ ૧૩૮થી વધુ લોકો જીવ ગુમાવી ચૂક્યા છે ત્યારે તંત્ર અને સરકાર એક્શન મોડમાં દેખાઈ રહી છે. દુર્ઘટના પાછળના જવાબદાર લોકો સામે કાર્યવાહી કરતાં પોલીસે સત્સંગના આયોજકો સામે FIR નોંધી લીધી છે. જોકે FIRમાં ચોંકાવનારું એ રહ્યું કે બાબાનું નામ જ તેમાં સામેલ નથી. ઉલ્લેખનીય છે કે મુખ્ય પ્રવચનકર્તા સૂરજપાલ ઉર્ફે ભોલે બાબાના મુખ્ય સેવાદાર સહિત અન્ય આયોજકો સામે આ મામલે FIR દાખલ કરવામાં આવી છે.

ઉત્તર પ્રદેશના હાથરસ જિલ્લામાં એક સત્સંગ દરમિયાન થયેલી ભાગદોડમાં લગભગ 130 લોકોના મોત | Uttar Pradesh na Hathras Jillama Ek Satsang Darmiyan Thayeli Bhagdodma Lagbhag 130 lokona mot

હાથરસમાં થયેલી નાસભાગને લઈને સુપ્રીમ કોર્ટમાં PIL દાખલ કરવામાં આવી છે. અરજીમાં સુપ્રીમ કોર્ટના નિવૃત્ત જજની દેખરેખ હેઠળ ૫ સભ્યોની નિષ્ણાત સમિતિ દ્વારા તપાસ કરાવવાની માંગ કરવામાં આવી છે. આ સમગ્ર ઘટના પર યુપી સરકાર પાસેથી સ્ટેટસ રિપોર્ટની માંગ કરવામાં આવી છે. અરજીમાં આ ઘટના માટે જવાબદાર લોકો અને અધિકારીઓ સામે કાયદેસરની કાર્યવાહીની માંગ કરવામાં આવી છે. અરજીમાં આવા કાર્યક્રમોના આયોજન માટે માર્ગદર્શિકા બનાવવાની માંગ કરવામાં આવી છે. સુપ્રીમ કોર્ટના વકીલ વિશાલ તિવારીએ અરજી દાખલ કરી છે.

બપોરે લગભગ ૧૩.૩૦ વાગ્યે સત્સંગ સમાપ્ત થયા બાદ ભીડને રોકી હતી. અને ભોલે બાબા પાછળના દરવાજેથી જઈ રહ્યા હતા. ત્યારે શ્રદ્ધાળુઓ બેકાબૂ બની ભોલે બાબાને પગે લાગવા પડપડી કરવા લાગ્યા અને નાસભાગ થઈ. લોકો એક-બીજા પર પગ મૂકીને દોડતા રહ્યા અને સત્સંગ મંડપ નજીક આવેલા ખાડામાં પડ્યા હતા. આ ખાડામાં એકની ઉપર એક દટાઈ જવાથી ગૂંગળામણમાં લોકો મૃત્યુ પામ્યા હતા.

હાથરસમાં નાસભાગને કારણે સેંકડો લોકોના મોતના મામલાને લઈને અલ્હાબાદ હાઈકોર્ટના મુખ્ય ન્યાયાધીશને પણ એક પત્ર મોકલવામાં આવ્યો છે. ચીફ જસ્ટિસને મોકલવામાં આવેલા પત્રમાં અકસ્માતની સીબીઆઈ તપાસની માંગ કરવામાં આવી છે. એડવોકેટ ગૌરવ દ્વિવેદીએ ચીફ જસ્ટિસને પત્ર પિટિશન મોકલી છે.

આ પણ વાંચો :-

સંસદમાં PM મોદીના ભાષણ દરમિયાન કોંગ્રેસે કર્યુ વોકઆઉટ

News Editor
-
0

વડાપ્રધાન નરેન્દ્ર મોદી આજે રાજ્યસભામાં રાષ્ટ્રપતિ અભિભાષણ પર જવાબ આપી રહ્યા છે. તેમણે એક દિવસ અગાઉ લોકસભામાં ધન્યવાદ પ્રસ્તાવ પર ચર્ચાનો જવાબ આપ્યો હતો. દરમિયાન પીએમ મોદીએ કોંગ્રેસને પરજીવી ગણાવતા વિપક્ષના નેતા રાહુલ ગાંધી નિશાન તાકવાનું ચાલુ રાખ્યું હતું. પીએમ સ્પીચ દરમિયાન જ વિપક્ષના સભ્યોએ વેલમાં ઉતરી ભારે નારેબાજી કરી હતી. વિપક્ષના હોબાળા વચ્ચે પણ પીએમ મોદીએ ધન્યવાદ પ્રસ્તાવ પર ચર્ચાનો જવાબ આપ્યો હતો.

જુઠ્ઠાણું ફેલાવનારા સત્ય સાંભળી શકતા નથી, એટલે…', રાજ્યસભામાં વિપક્ષના વોકઆઉટ પર મોદીની કોમેન્ટ – Gujaratmitra Daily Newspaper

વડાપ્રધાન નરેન્દ્ર મોદીએ કહ્યું કે અહીં કેટલાક લોકો બેઠા છે જે કહે છે કે આમાં શું છે, આ તો થવાનું જ છે. તેઓ ઓટો પાયલોટ મોડમાં સરકાર ચલાવવા માટે ટેવાયેલા છે, રાહ જોવામાં માને છે. અમે સખત મહેનતમાં માનીએ છીએ. આવનારા પાંચ વર્ષ મૂળભૂત સુવિધાઓના સંતૃપ્તિના છે. સામાન્ય માનવતાઓને ગૌરવપૂર્ણ જીવન જીવવા માટે જરૂરી છે. અમે તે પ્રકારનું શાસન પ્રદાન કરીશું. આવનારા પાંચ વર્ષ ગરીબી સામેની લડાઈમાં નિર્ણાયક વર્ષ છે. ગરીબી સામેની લડાઈમાં આ દેશનો વિજય થશે, હું 10 વર્ષના અનુભવના આધારે ખૂબ જ આત્મવિશ્વાસ સાથે કહી રહ્યો છું. જ્યારે દેશ વિશ્વની ત્રીજી સૌથી મોટી અર્થવ્યવસ્થા બની જશે, ત્યારે તેની અસર જીવનના દરેક ક્ષેત્ર પર પડશે. વિસ્તરણ અને વિકાસની ઘણી તકો ઉપલબ્ધ થવાની છે.

વિપક્ષના આક્ષેપ અંગે રાજ્યસભા અધ્યક્ષ જગદીપ ધનખરે કહ્યું કે, મેં વિપક્ષના નેતા મલ્લિકાર્જુન ખડગેને કોઈપણ પ્રતિબંધ વિના બોલવાની તક આપી. આજે તેમણે ગૃહ છોડ્યું નથી, પરંતુ ગૌરવ છોડી દીધું છે. અધ્યક્ષ જગદીપ ધનખરે વોકઆઉટની નિંદા કરતા કહ્યું કે ‘આનાથી દેશના ૧૪૦ કરોડ લોકોને નુકસાન થશે. આજે તેઓએ ગૃહ નથી છોડ્યું, મર્યાદા છોડી દીધી છે. આ અમારું કે તમારું અપમાન નથી, આ ગૃહનું અપમાન છે. તેઓ મને પીઠ દેખાડીને નથી ગયા, પણ ભારતના બંધારણને પીઠ બતાવી છે. હું ખૂબ જ દુઃખી છું, ભારતના બંધારણનું આટલું અપમાન, આટલી મોટી મજાક. મને આશા છે કે તેઓ આત્મમંથન કરશે.’

PM મોદી આજે રાજ્યસભામાં આભાર પ્રસ્તાવ પર ચર્ચાનો જવાબ આપી રહ્યા છે. PM મોદીએ કહ્યું કે, ૬૦ વર્ષ પછી એવું બન્યું છે કે ત્રીજી વખત સરકાર આવી છે. છ દાયકા પછી બનેલી આ ઘટના એક અસામાન્ય ઘટના છે. કેટલાક લોકો જાણી જોઈને મોઢું ફેરવીને બેઠા હતા. તેમને સમજાયું નહીં. જે લોકોએ તે દિશામાં હોબાળો મચાવ્યો દેશની જનતાની તર્કસંગતતાને ઢાંકી દેવાનો પ્રયાસ કરવામાં આવ્યો. છેલ્લા બે દિવસથી મેં જોયું છે કે હાર પણ સ્વીકારવામાં આવી રહી છે, જીતને પણ કર્કશ મનથી સ્વીકારવામાં આવી રહી છે. હું અમારા કેટલાક કૉંગ્રેસના સાથીદારોનો હૃદયના ઊંડાણથી આભાર માનું છું કે જ્યારથી પરિણામો જાહેર થયા છે ત્યારથી હું એક સાથીદારની બાજુથી જોઈ રહ્યો છું, તેમનો પક્ષ તેમને સાથ આપી રહ્યો ન હતો પરંતુ તે એકલા ઝંડા લઈને દોડી રહ્યા હતા. જેઓ આવું કહેતા હતા તેમના મોઢામાં સાકર હતી. અમારી સરકારના ૧૦ વર્ષ થયા હજુ ૨૦ વર્ષ બાકી છે. અમારી સરકારનો એક તૃતીયાંશ પૂર્ણ થયો છે, હજુ બે તૃતીયાંશ બાકી છે.

આ પણ વાંચો :-

ઉત્તર પ્રદેશમાં સત્સંગમાં ભાગદોડમાં અત્યાર સુધીમાં ૧૨૨ લોકોના મોત, ૨૨ ઘાયલ

News Editor
-
0

ઉત્તર પ્રદેશના હાથરસમાં મંગળવારે સત્સંગ દરમિયાન થયેલી નાસભાગમાં અત્યાર સુધીમાં ૧૨૨ લોકોના મોત થયા છે. હવે આ મામલો સુપ્રીમ કોર્ટમાં પહોંચ્યો છે. કોર્ટમાં દાખલ કરાયેલી અરજીમાં મંગળવારે હાથરસમાં બનેલી ઘટનાની તપાસની માંગ કરવામાં આવી છે અને આ ઘટના માટે જવાબદાર લોકો અને અધિકારીઓ સામે કાયદેસરની કાર્યવાહી કરવાની માંગ કરવામાં આવી છે.

Hathras stampede: Overcrowding among reasons that killed 121, FIR registered, baba missing - India Today

સૂરજપાલ સિંહ ક્યારેય પણ પોતાના આયોજનોમાં પોલીસ પ્રશાસનની મદદ લેતા નથી. ભારે ભીડ એકઠી થાય તો પોતાના અનુયાયીઓને જ સુરક્ષા વ્યવસ્થામાં ઉભા કરી દે છે. આ ટીમને સૂરજપાલ સિંહે નારાયણી સેનાનું નામ આપ્યુ હતું. આ નારાયણી સેનામાં મહિલા અને પુરૂષ બંને સામેલ હોય છે. સૂરજપાલ સિંહ એટા જિલ્લાના બહાદુર નગરી ગામના રહેવાસી છે. તેણે દાવો કર્યો છે કે, તે પોલીસમાં હેડ કોન્સ્ટેબલ હતો, અને બાદમાં ઈન્ટેલિજન્સ યુનિટમાં ૧૮ વર્ષ સુધી સેવા આપી છે. તેમના સમર્થકોએ દાવો કર્યો છે કે, તે ઈન્ટેલિજન્સ બ્યૂરોમાં પણ કામ કરી ચૂક્યા છે.

મંગળવારના રોજ હાથરસ જિલ્લાના સિકંદરરૌ નગરના ફૂલરાઈ ગામમાં નારાયણ હરિ ઉર્ફે ભોલે બાબાનો માનવ મંગલ મિલન સદભાવના સમાગન નામથી સત્સંગ યોજાયો હતો. સત્સંગ પૂરો થતાં જ બાબાની કાર ભીડમાંથી પસાર થઈ, લોકો તેમની તરફ દોડ્યા. આ નાસભાગમાં લોકો એકબીજાની ઉપર પડવા લાગ્યા. વરસાદના કારણે થયેલા કાદવ-કીચડને કારણે પણ સ્થિતિ વધુ ખરાબ થઈ હતી. ઘાયલોને હાથરસ, એટાહ અને અલીગઢ જિલ્લા હોસ્પિટલમાં મોકલવામાં આવ્યા છે. કેન્દ્ર અને રાજ્ય સરકારોએ દરેકને ૨ લાખ રૂપિયા આપવાની જાહેરાત કરી છે. આજે યોગી આદિત્યનાથ પોતે હાથરસ પહોંચી રહ્યા છે.

યુપીના મુખ્ય સચિવ મનોજ કુમાર સિંહે પુષ્ટિ કરી છે કે, હાથરસ સત્સંગ અકસ્માતમાં અત્યાર સુધીમાં ૧૩૮ લોકોના મોત થયા છે. આ સિવાય અલીગઢ, આગ્રા અને એટાહમાં ૨૨ ઘાયલોની સારવાર ચાલી રહી છે. કહ્યું કે તપાસમાં એ પણ બહાર આવવું જોઈએ કે શું થયું કે અકસ્માતમાં વધુ લોકો માર્યા ગયા અને ઓછા ઘાયલ થયા. સરકારે આ મામલાની તપાસ એડીજી અને ડિવિઝનલ કમિશનરને સોંપી છે.

આ પણ વાંચો :-

સુરતમાં બિનવારસી ડ્રમમાંથી યુવતીની લાશ મળી આવી, જાણો સમગ્ર ઘટના

News Editor
-
0

ભેસ્તાન વિસ્તારમાં એકલારા-ભાણોદ્રા રોડ પર અવાવરું જગ્યાએથી શંકાસ્પદ ડ્રમ મળી આવ્યું હતુ. પોલીસ વજનદાર ડ્રમ લઈ સિવિલ હોસ્પિટલ પહોંચી હતી. કટરથી સિમેન્ટ ભરેલું આ ડ્રમ કાપતા તેમાંથી યુવતીની ડેડબોડી મળી આવી હતી. ગળે ટૂંપો આપી હત્યા કર્યા બાદ લાશને પ્લાસ્ટિકના ડ્રમમાં કાપડના ડૂચા, રેતી- સિમેન્ટ સાથે ભરી દઈ ફેંકી દેવાયું હતુ. હાલ તો આ મામલે ભેસ્તાન પોલીસ દ્વારા વધુ તપાસ હાથ ધરવામાં આવી છે.

Woman's skeleton found in a concrete-filled barrel floating on Kochi lake | Latest News India - Hindustan Times

ગતરોજ એકલારા-ભાણોદ્રા રોડ પર અવાવરૂ જગ્યા પરથી સિમેન્ટ ભરેલુ શંકાસ્પદ ડ્રમ હોવાની પોલીસને માહિતી મળી હતી. ભેસ્તાન પોલીસ સિમેન્ટ ભરેલુ ડ્રમ લઈને સિવિલ હોસ્પિટલ પહોંચી હતી. પ્રાથમિક તપાસમાં ભારે ભરખમ ડ્રમ થોડું ખુલ્લું હતુ અને પગ જેવું શારીરિક અંગ નજરે પડતા તેમાં લાશ હોવાની પ્રબળ શંકા જન્મી હતી. ભારે જહેમત બાદ ડ્રમ તોડી શકાયું હતું

ડ્રમમાં લાશ ઉપર કપડાના ડૂચા, રેતી, સિમેન્ટ પણ ભરવામાં આવ્યા હતા. પોલીસ માટે પડકાર એ હતો કે, આટલું ભારે ભરખમ ડ્રમ લઈ કેવી રીતે જવું? છેવટે ટેમ્પોમાં ભરી ડ્રમ સિવિલ હોસ્પિટલ લાવવામાં આવ્યું હતું. મોડીરાત્રે ઉચ્ચ પોલીસ અધિકારીઓ સિવિલ દોડી ગયા હતા. ભેસ્તાન પોલીસે હત્યાનો ગુનો નોંધવાની સાથે જ્યાંથી ડેડબોડી મળી છે તે વિસ્તારના સીસીટીવી ફૂટેજ મેળવવા દોડધામ કરી છે. પોલીસે સ્થાનિક વિસ્તારના લોકોના નિવેદન લેવાની કવાયત હાથ ધરી હોવાનું પણ જાણવા મળ્યું છે. મૃતક યુવતીની ઉંમર ૩૦ વર્ષની હોવાનું અનુમાન છે. લાશને છુપાવવા રેતી અને સિમેન્ટ એટલી હદે ભરવામાં આવી હતી કે ડ્રમનું વજન  ૨૦૦થી ૨૫૦ કિલોગ્રામ જેટલું હતું. પોલીસે મતુર્ક યુવતીની ઓળખ અને હત્યારાઓની શોધખોળ હાથ ધરી છે.

આ પણ વાંચો :-

1...717718719...1,476Page 718 of 1,476