મેષઃ
દિવસની શરૂઆત આનંદથી થતી જણાય. બપોર સુધી આવક પણ જળવાય. બપોર પછી આવક ઓછી થતી જણાય અને તબિયતમાં પણ અસ્વસ્થતા જણાય. શરદી-ખાંસી-થાક લાગવાની તકલીફ જણાય. ધંધામાં પ્રગતિ.
વૃષભઃ
સ્વભાવમાં થોડી ઉગ્રતા જણાય. સિધ્ધાંતવાદી વલણ વધે. આર્થિક મોરચે ફાયદો થતો જણાય. પરિવારમાં આનંદ-પ્રમોદનું વાતાવરણ પેદા થાય. માતૃસુખ સારૂ નોકરી-ધંધામાં પ્રગતિ. સ્વાસ્થ્ય જળવાય.
મિથુનઃ
કોઇ બનાવી ન જાય એનું ધ્યાન રાખવું. સરકારી કામકાજ, લખાણ બરોબર વાંચીને કરવંુ. નાણાંકીય લાભ મેળવી શકાશે. પરિવારમાં આનંદ. સંતાનની પ્રગતિથી મન હરખાય. વાહન સુખ મળે. નવા રોકાણો યોગ્ય રીતે કરી શકાય.
કર્કઃ
આજનો દિવસ તમામ રીતે આનંદ-ઉત્સાહ લઇને આવ્યો છે. આવકમાં વધારો થાય. પરિવારના તમામ સભ્યો વચ્ચે એકરાગીતા જળવાશે. નોકરી-ધંધામાં મિશ્રફળ મળે. આરોગ્ય સારૂં રહેશે. માત્ર જમણી છાતીની કાળજી રાખવી.
સિંહઃ
મનમાં ચંચળતા રહે. આપનું મન કોઇ કળી શકે નહીં. નવા મિત્રો બનશે. જુના મિત્રોને મળવાનું થાય. પ્રિયપાત્ર સાથે પ્રેમ જળવાશે. જીવનસાથીની પ્રગતિથી આનંદ. ધંધામાં પ્રગતિ. સત્તા, હોદ્દો, માનમાં વધારો-થાય.
કન્યાઃ
દિવસ દરમ્યાન આનંદ ઉત્સાહમાં વધારો થતો જણાય. માનસિક શાંતિ અનુભવાય. નાણાંની આવક અંગે મધ્યમ દિવસ છે. પરિવારના સભ્યોની પ્રગતિ થતી જણાય. નોકરી-ધંધામાં ફાયદો થતો જણાય. માથાનો દુઃખાવો રહે.
તુલાઃ
વિદેશના સંબંધો તરફથી લાભ મળતો જણાય. વિદેશ જવાની વ્યવસ્થાનું આયોજન થતું જણાય. માનસિક સંતોષ રહેતો જણાય. પરિવારના સભ્યોના આરોગ્યની ચિંતા રહે. નોકરીમાંથી બઢતી અને ધંધામાં પ્રગતિ શક્ય બને.
વૃશ્ચિકઃ
સ્વભાવમાં થોડી ઉગ્રતા જણાય. સિધ્ધાંતવાદી વલણ રહે. આર્થિક દ્રષ્ટિએ સારો દિવસ. માતા-પિતા સાથે મનમેળ રહે. નવા રોકાણો ફાયદાકારક નીવડે. વાહન સુખ, મિલકત સુખમાં વધારો થાય. સ્વાસ્થ્ય જળવાય.
ધનઃ
માનસિક રીતે અસંતોષની ભાવના પેદા થાય. નાના ભાઇ બહેનો સાથે સારૂ. કાર્યક્ષેત્રે સફળતા મળતી જણાય. પરિવાર પ્રત્યે ઉદાસીનતા વર્તાય. ભાગ્ય બળવાન છે. નોકરીમાં અને ધંધામાં પ્રગતિ અનુભવાય.
મકરઃ
માન-સન્માનમાં વધારો થતો જણાય. નાણાંકીય બાબતો અંગે સંતોષ. પરિવારમાં આનંદ. સ્થાવર જંગમ મિલકતના રોકાણોમાં સાનુકુળતા જણાય. સંતાનના પ્રશ્નો ઉકેલાય. સંતાન તરફથી પ્રેમ મળતો જણાય. આરોગ્ય સારૂ.
કુભઃ
આર્થિક બાબતો અંગે શુભ દિવસ. છતાં આજે કોઇને ઉધાર આપવું નહીં. નાણાં ઉછીના આપવા નહીં. પૈસા ફસાઇ ન જાય તેનું ધ્યાન રાખવું. શરદી-ખાંસી તાવનો ઉપદ્રવ રહે. દિવસના પૂર્વાર્ધમાં ધંધા બાબતે સારૂ.
મીનઃ
આનંદ-ઉત્સાહસભર દિવસ જણાય. આર્થિક પાસુ મજબુત બને. પરિવારના સ્ત્રીવર્ગને સફળતા મળતી જણાય. પત્નિ સાથે ઉત્તમ પ્રેમ જળવાશે. ધંધાકીય બાબતોમાં સાચવવું. વિચારીને નિર્ણયો લેવાની સલાહ છે.
૨૪ ડિસેમ્બર, ૨૦૨૪/ શત્રુપક્ષથી રાખવી સાવધાન, ખોટા ખર્ચા ઉપર રાખવો કાબૂ, આ જાતકોને મંગળવારના દિવસે થશે ધનપ્રાપ્તિ, જુઓ આજનું રાશિ ભવિષ્ય
મંદિર-મસ્જિદ વિવાદ પર મોહન ભાગવતના નિવેદનથી નારાજ થયા શંકરાચાર્ય, જાણો શું કહ્યું?
રાષ્ટ્રીય સ્વયંસેવક સંઘના વડા મોહન ભાગવતે મહાનુભાવ આશ્રમ શતકપૂર્તિ સમારોહમાં ધર્મનો સાચો અર્થ સમજવાની જરૂરિયાત પર ભાર મૂક્યો હતો. તેમણે જણાવ્યું હતું કે, ‘ધર્મને યોગ્ય રીતે સમજવો અને શીખડાવવો ખૂબ જ જરૂરી છે. ધર્મનું અધૂરું જ્ઞાન ‘અધર્મ’ તરફ દોરી જાય છે. જો ધર્મને યોગ્ય રીતે નહીં સમજાય તો અધૂરી માહિતીને કારણે અનીતિ વધશે. દુનિયામાં ધર્મના નામે જે પણ અત્યાચાર અને અત્યાચાર થયા છે, તે ધર્મની ખોટી સમજને કારણે થયા છે.
ભાગવતે ગુરુવારે મંદિર-મસ્જિદ વિવાદોના પુનરુત્થાન પર ચિંતા વ્યક્ત કરી હતી અને લોકોને આવા મુદ્દા ઉઠાવવાથી બચવાની સલાહ આપી હતી. તેમની ટિપ્પણીમાં, ભાગવતે કહ્યું કે મંદિર-મસ્જિદ વિવાદો ઉભા કરીને કોઈ “હિંદુઓના નેતા” ન બની શકે.
આ ઘટનાક્રમ પર પ્રતિક્રિયા આપતા સ્વામી રામભદ્રાચાર્યએ ચિંતા વ્યક્ત કરી હતી અને કહ્યું હતું કે હિંદુઓની તરફેણમાં તથ્યો બહાર આવી રહ્યા છે તે સારી વાત છે. તેમણે કહ્યું, “અત્યારે સંભલમાં જે થઈ રહ્યું છે તે ખૂબ જ ખરાબ છે. જો કે, સકારાત્મક પાસું એ છે કે વસ્તુઓ હિંદુઓની તરફેણમાં પ્રકાશમાં આવી રહી છે. અમે તેને અદાલતો દ્વારા, મતપેટી દ્વારા અને સરકારના સમર્થનથી સુરક્ષિત કરી શકીએ છીએ.
શંકરાચાર્ય સ્વામી અવિમુક્તેશ્વરાનંદે પણ માંગ કરી હતી કે આક્રમણકારો દ્વારા નાશ પામેલા મંદિરોની યાદી તૈયાર કરવામાં આવે અને ભારતીય પુરાતત્વ સર્વેક્ષણ (ASI) દ્વારા સર્વે કરવામાં આવે જેથી મંદિરોને ફરીથી ખોલી શકાય.
તેમણે બાંગ્લાદેશમાં હિંદુઓ પર થતા અત્યાચારની પણ નિંદા કરી અને કહ્યું કે આ મુદ્દો સરકાર સમક્ષ ઉઠાવવામાં આવ્યો છે. તેમણે કહ્યું, “ત્યાં જે થઈ રહ્યું છે તે ખૂબ જ ખરાબ છે. અમે સરકાર સમક્ષ આ મુદ્દો ઉઠાવ્યો છે. બાંગ્લાદેશમાં વચગાળાની સરકાર અત્યંત ક્રૂર છે, પરંતુ રાહ જુઓ, હિન્દુઓ વિરુદ્ધના આ કૃત્યો માટે જવાબદાર તમામ લોકોએ પરિણામ ભોગવવા પડશે.
આ પણ વાંચો :-
સંસદ ધક્કા મુક્કીમાં ઘાયલ ભાજપના બે સાંસદને હોસ્પિટલમાંથી રજા મળી
દેશમાં સંસદ ભવન હુમલામાં ઘાયલ ભાજપના સાંસદ પ્રતાપ સારંગી અને મુકેશ રાજપૂતને હોસ્પિટલમાંથી રજા આપવામાં આવી છે. આ બંને સાંસદોને દિલ્હીની રામ મનોહર લોહિયા હોસ્પિટલમાં દાખલ કરવામાં આવ્યા હતા. સાંસદોએ આરોપ લગાવ્યો કે રાહુલ ગાંધીએ તેમને ધક્કો માર્યો હતો. જેના કારણે તેઓ પડી ગયા હતા અને ઈજાઓ પહોંચી હતી.
ડોક્ટરોના જણાવ્યા અનુસાર સારંગી હૃદયની બીમારીથી પીડિત છે અને તેને સ્ટેન્ટ લગાવવામાં આવ્યું છે. આરએમએલ હોસ્પિટલના એમએસ ડૉ. શુક્લાએ અગાઉ કહ્યું હતું કે એમઆરઆઈ અને સીટી સ્કેનમાં ગંભીર ઈજાઓ જોવા મળી નથી. ડૉ. શુક્લાના જણાવ્યા અનુસાર, જ્યારે સારંગીને લાવવામાં આવ્યા ત્યારે તેમના કપાળમાંથી ખૂબ લોહી વહી રહ્યું હતું.
ડૉ. શુક્લાએ કહ્યું, “તેમના કપાળ પર ઊંડો ઘા હતો અને અમારે ટાંકા લેવા પડ્યા હતા.” તેમણે કહ્યું હતું કે, “રાજપૂતને પણ માથામાં ઈજા થઈ હતી, જે પછી તે બેભાન થઈ ગયા હતા. જોકે, સાંસદને હોસ્પિટલમાં લાવવામાં આવ્યા ત્યારે તેઓ ભાનમાં હતા. તેમનું બ્લડ પ્રેશર ખૂબ ઊંચું હતું.
આ કેસમાં પીડિત સાંસદોના નિવેદનો રેકોર્ડ કર્યા પછી દિલ્હી પોલીસ સ્પીકર પાસેથી સ્થળ પર જઈને સીન રીક્રિએટ કરવાની પરવાનગી લેશે. જો પોલીસની મંજુરી મળશે આ સીન રીક્રિએટ કરશે. આ તમામ પ્રક્રિયા બાદ જો પુરાવા મળશે તો રાહુલ ગાંધીને નોટિસ મોકલવામાં આવશે.રાહુલ ગાંધી વિરુદ્ધ નોંધાયેલી એફઆઇઆરની તપાસ દિલ્હી પોલીસ ક્રાઈમ બ્રાન્ચને ટ્રાન્સફર કરવામાં આવી શકે છે. દિલ્હી પોલીસના વરિષ્ઠ અધિકારીઓ બેઠક બાદ આ અંગે નિર્ણય લઈ શકે છે.
આ પણ વાંચો :-
કચ્છમાં ફરી ભૂકંપના આંચકા, રિક્ટર સ્કેલ પર 3.7ની તીવ્રતા
કચ્છમાં ફરી ભૂકંપનો આંચકો અનુભવાયો છે. કચ્છમાં સવારે 11 વાગેની આસપાસ 3.7 તીવ્રતાનો ભૂકંપનો આંચકો આવ્યો છે. એક મહિનામાં ત્રણથી વધુ તીવ્રતાનો આ બીજો ભૂકંપ છે. ગુજરાત ISR એ જણાવ્યું કે, સોમવારે સવારે 10.44 વાગે કચ્છમાં 3.7 તીવ્રતાનો ભૂકંપ આવ્યો છે. ભૂકંપનું કેન્દ્રબિંદ કચ્છના લખપતથી 76 કિમી દૂર ઉત્તર- ઉત્તર પૂર્વમાં છે.
- ભૂકંપ કેટલો ખતરનાક છે? તે રિક્ટર સ્કેલ પર માપવામાં આવે છે. ભૂકંપમાં, રિક્ટર સ્કેલનો દરેક સ્કેલ અગાઉના સ્કેલ કરતા ૧૦ ગણો વધુ ખતરનાક હોય છે.
- ૦ થી ૧.૯ ની તીવ્રતાવાળા ધરતીકંપ માત્ર સિસ્મોગ્રાફ દ્વારા શોધી શકાય છે.
- જ્યારે ૨ થી ૨.૯ ની તીવ્રતાનો ભૂકંપ આવે છે, ત્યારે થોડું કંપન થાય છે.
- જ્યારે૩ થી ૩.૯ની તીવ્રતાનો ભૂકંપ આવે છે ત્યારે એવું લાગે છે કે જાણે કોઈ ટ્રક ત્યાંથી પસાર થઈ ગઈ હોય.
- ૪ થી ૪.૯ની તીવ્રતાના ભૂકંપમાં વિન્ડો તૂટી શકે છે. દિવાલો પર લટકતી ફ્રેમ્સ પડી શકે છે.
- ૫ થી ૫.૯ની તીવ્રતાના ભૂકંપમાં ઘરનું ફર્નિચર હલી શકે છે.
- ૬ થી ૬.૯ ની તીવ્રતાનો ધરતીકંપ ઇમારતોના પાયામાં તિરાડ પડી શકે છે, જેનાથી ઉપરના માળને નુકસાન થાય છે.
- જ્યારે ૭ થી ૭.૯ની તીવ્રતાનો ભૂકંપ આવે છે ત્યારે ઇમારતો ધરાશાયી થાય છે.
- ૮ થી ૮.૯ની તીવ્રતાના ભૂકંપમાં ઈમારતો તેમજ મોટા પુલ ધરાશાયી થઈ શકે છે.
- ૯ કે તેથી વધુ તીવ્રતાનો ધરતીકંપ મોટાપાયે વિનાશનું કારણ બને છે. જો કોઈ ખેતરમાં ઊભું હોય, તો તે પૃથ્વીને ધ્રુજારી જોશે. જો સમુદ્ર નજીક છે, તો સુનામી આવી શકે છે.
આ પણ વાંચો :-
ખ્યાતિકાંડ બાદ ગુજરાત સરકાર એક્શન મોડમાં, હોસ્પિટલો માટે જાહેર કરી નવી SOP
અમદાવાદમાં 12 નવેમ્બરે ખ્યાતિ હોસ્પિટલ દ્વારા થયેલા PMJAY યોજનાના કૌભાંડના 40 દિવસ બાદ સરકાર જાગી છે. આજે(23 ડિસેમ્બર) નવી SOP જાહેર કરવામાં આવી છે. જેમાં હવે કાર્ડિયોલોજી સેવાઓ માટે ફુલ ટાઇમ કામ કરતાં સેન્ટરોને જ માન્યતા આપવાનો નિર્ણય કરવામાં આવ્યો છે. આરોગ્ય મંત્રી ઋષિકેશ પટેલ દ્વારા પ્રધાનમંત્રી જન આરોગ્ય યોજનાની નવી SOPમાં અલગ ગાઇડલાઇન જાહેર કરવામાં આવી છે. જેના મુદ્દા નીચે મુજબ છે. આ SOP મુજબ દર્દીની એંજિઓગ્રાફી કરવામાં આવી હોય તેના પરિવારને અને આરોગ્ય વિભાગને પણ પુરાવારૂપે સીડી આપવાની રહેશે.
મંત્રી ઋષિકેશ પટેલે આ અંગે મહત્ત્વની સૂચના આપતા જણાવ્યુ કે, PMJAY યોજના હેઠળ મહત્ત્વની ચાર પ્રકારની સારવાર છે તેમાં એસઓપી નક્કી કરી છે. આપણે કાર્ડિયોલોજીની સેવાઓમાં કાર્ડિયોલોજીસ્ટ અને કાર્ડિઓ થોરાસિસ્ટ સર્જન સાથે કામ કરતા હોય તેવા સેન્ટરોને જ કાર્ડિયોલોજીના કન્સલટન્ટ માટે માન્યતા પ્રાપ્ત કરવાનો નિર્ણય લીધો છે.
આ ઉપરાંત હોસ્પિટલોને પણ કાર્ડિયાક એનેસ્થેટિક અને ફિઝિયોથેરાપિસ્ટ રાખવા પણ આવશ્યક છે. હોસ્પિટલોને એન્જિયોપ્લાસ્ટિ સીડી બનાવવી અને આપવી પણ ફરજિયાત કરી છે. ખાસ કિસ્સામાં ઇમરજન્સી સારવાર અતિ આવશ્યક હોય તેવા સંજોગોમાં ફક્ત કાર્ડિયોલોજીની સેવાઓ આપતા સેન્ટર એન્જિયોપ્લાસ્ટી કરી શકશે.
નોંધનીય છે કે, PMJAY યોજના હેઠળ ગરીબો માટે મફત સારવારની વ્યવસ્થા છે, પરંતુ કેટલાક ખાનગી દવાખાના દ્વારા આ યોજનાનો ગેરવપરાશ થતો હોવાનું ખુલ્યું છે. ખાસ કરીને ખ્યાતિ હોસ્પિટલ કૌભાંડમાં જરૂરી ન હોય તેટલી એન્જીઓપ્લાસ્ટી કરાવવાનો ખુલાસો થયો હતો, જેમાં દર્દીઓને હેલ્થ કેમ્પના બહાને આકર્ષવામાં આવ્યા હતા અને છૂટી સારવાર આપીને નાણાંનો દુરૂપયોગ થયો હતો. બીજી બાજી આવી હોસ્પિટલો અનકે દર્દીઓના સ્વાસ્થ્ય સાથે પણ ચેડાં કર્યા હોવાનું સામે આવ્યું છે.
આ પણ વાંચો :-
બ્રાઝિલમાં ચીમની સાથે અથડાતાં વિમાન ક્રેશ, 10 લોકોનાં મોત
બ્રાઝિલમાં એક ઘરની ચીમની સાથે અથડાયા બાદ એક નાનું વિમાન એક બિલ્ડિંગના બીજા માળે અથડાયું અને બાદમાં એક દુકાન પર પડ્યું. આ દુર્ઘટનામાં અત્યાર સુધીમાં 10 લોકોના મોત થયા હોવાના અહેવાલ છે. માહિતી મુજબ દુર્ઘટનામાં ઘાયલ જમીન પરના ઘણા ઈજાગ્રસ્તોને હોસ્પિટલ લઈ જવામાં આવ્યા છે.
હેલિકોપ્ટરમાં એક પાયલટ, એક ટેકનિકલ સ્ટાફ, એક ડોક્ટર અને એક હેલ્થ વર્કર સવાર હતા. રિપોર્ટ અનુસાર આ દુર્ઘટનામાં ચારેયના મોત થયા છે. મુગલાના પ્રાદેશિક ગવર્નર ઇદ્રિસ અકબેઇકે મીડિયાને જણાવ્યું કે હેલિકોપ્ટર પહેલા હોસ્પિટલના ચોથા માળે અથડાયું અને પછી જમીન પર પડી ગયું. જો કે, આ દુર્ઘટનામાં હોસ્પિટલની ઇમારતની અંદર તેમજ જમીન પર કોઈને ઈજા થઈ નથી.
મીડિયા રિપોર્ટ્સ અનુસાર, હેલિકોપ્ટર ગાઢ ધુમ્મસ અને ઓછી વિઝિબિલિટીની સ્થિતિમાં મુગલા શહેરની એક હોસ્પિટલની છત પરથી ઉડી રહ્યું હતું અને અંતાલ્યા શહેર તરફ જઈ રહ્યું હતું. તુર્કીના સ્થાનિક મીડિયાના અહેવાલો અનુસાર, ફૂટેજમાં હેલિકોપ્ટર ટેકઓફ પછી થોડી મિનિટો માટે ધુમ્મસમાં ફરતું દેખાતું હતું. આ પછી, હોસ્પિટલ સાથે અથડાયા પછી, હેલિકોપ્ટર હોસ્પિટલની નજીક જ ક્રેશ થઇ ગયું હતું.
આ પણ વાંચો :-
મહારાષ્ટ્રના પુણેમાં ફૂટપાથ પર ઉંઘતા 9 લોકોને ડેમ્પરે કચડ્યા
મહારાષ્ટ્રના પુણેમાં મોડી રાત્રે એક મોટી દુર્ઘટના ઘટી હતી. પુણેમાં વાઘોલી ચોક વિસ્તારમાં મોડી રાત્રે એક વાગ્યાની આસપાસ ફૂટપાથ ઉપર સુઈ રહેલા 9 લોકો ઉપર ડમ્પર ફરી વળ્યું હતું. ઘટનામાં બે બાળકો સહિત 3 લોકોના ઘટના સ્થળે જ મોત થયા હતા. જ્યારે 6 લોકો ગંભીર રીતે ઈજાગ્રસ્ત થયા હતા. જેમને સારવાર માટે હોસ્પિટલ લઈ જવાયા છે. માનવામાં આવી રહ્યું છે કે ડ્રાઈવર નશામાં ધુત હતો. તેની સામે ગુનો નોંધી આગળની કાર્યવાહી હાથ ધરવામાં આવી છે.
અમદાવાદમાં વધુ એક અકસ્માતની ઘટના બની છે. જેમાં શહેરના શિવરંજની પાસે પૂરપાટ ઝડપે જતી કારે કોમ્પલેક્ષમાં ઘૂસીને 5 વાહનોને ટક્કર મારી હતી. આ ટક્કર એટલી ગંભીર હતી કે જો કોઇ વ્યક્તિ આ કારની અડફેટે આવ્યું હોત તો તેના ઘટના સ્થળે જ પ્રાણપખેરૂ ઉડી જાત. ત્યારે આ ગાડી કોમ્પ્લેક્ષના પાર્કિંગમાં અથડાતા આસપાસના લોકો દોડી આવ્યા હતા.
આ સમગ્ર ઘટનાના CCTV સામે આવ્યા હતા. આ CCTVમાં કારચાલક વાહનને ટક્કર માર્યા બાદ કાર મુકીને ફરાર થતો જોવા મળ્યો હતો. જેથી શિવરંજની પોલીસે અકસ્માતનો ગુનો નોંધીને આગળની કાર્યવાહી હાથધરી છે. ઉલ્લેખનિય છેકે આ ઘટનામાં કોઇને ગંભીર ઇજાઓ પહોંચી ન હતી.
આ પણ વાંચો :-
અલ્લુ અર્જુનના ઘરમાં તોડફોડ કરનારા આરોપીઓને મળ્યા જામીન
અલ્લુ અર્જુનના સ્ટારર ફિલ્મ ‘પુષ્પા-2 હાલ બોક્ષ ઓફીસ પર મોટા રેકોર્ડ્સ બનાવી રહી છે, ત્યારે સંધ્યા ટોકીઝ નાસભાગ કેસમાં અલ્લુ અર્જુન સામે વિરોધના સુર ઉઠી છે. ગઈ કાલે રવિવારે હૈદરાબાદના જ્યુબિલી હિલ્સમાં આવેલા અલ્લુ અર્જુનના ઘરે યુવકોના ટોળાએ તોડફોડ કરી હતી, પોલીસે 6 યુવકોની ધરપકડ કરી હતી. આજે સોમવારે આ છ આરોપીઓને શહેરની કોર્ટમાં રજૂ કરવામાં આવ્યા હતાં, કોર્ટે તમામને જામીન આપ્યા છે.
રિપોર્ટ અનુસાર, એક્ટર અલ્લુ અર્જુનના હૈદરાબાદના જુબલી હિલ્સ સ્થિત ઘરની બહાર રવિવારે ઉસ્માનિયા યૂનિવર્સિટીના વિદ્યાર્થી પ્રદર્શન કરવા પહોંચ્યા હતા. આ દરમિયાન તેમને અલ્લુ અર્જુન વિરૂદ્ધ નારા લગાવ્યા હતા અને સજાની માંગ સાથે પીડિત પરિવારને વધુ વળતર આપવાની માંગ કરી હતી.
હૈદરાબાદ પોલીસનના જણાવ્યા મુજબ, રવિવારે સાંજે હાથમાં પ્લેકાર્ડ લઇને કેટલાક લોકો અચાનક જ્યુબિલી હિલ્સમાં અભિનેતા અલ્લુ અર્જુનના ઘરે ધસી આવ્યા હતા અને સૂત્રોચ્ચાર કરવા લાગ્યા હતા. તેમાંથી એક કમ્પાઉન્ડ વોલ પર ચડી ગયો હતો અને અને ઘર પર ટામેટાં ફેંક્યા હતાં.
4 ડિસેમ્બર, 2024માં પુષ્પા-2 ફિલ્મની સ્ક્રીનિંગ માટે અલ્લુ અર્જુન પોતાની ટીમ સાથે સંધ્યા થિયેટર પહોંચ્યા હતા. આ દરમિયાન ભીડ પણ અલ્લુ અર્જુનને જોવા માટે ભેગી થઇ હતી. અલ્લુ અર્જુન થિયેટરની અંદર ફિલ્મ જોઇ રહ્યો હતો આ દરમિયાન બહાર ભાગદોડમાં એક મહિલાનું મોત થયું હતું અને તેનો 8 વર્ષીય પુત્ર ગંભીર રીતે ઘાયલ થયો હતો. તે બાદ અલ્લુ અર્જુન વિરૂદ્ધ કેટલાક લોકો પ્રદર્શન કરી રહ્યાં છે અને કાર્યવાહીની માંગ કરી રહ્યાં છે. અલ્લુ અર્જુન અત્યારે જામીન પર બહાર છે.
આ પણ વાંચો :-
ઉત્તર પ્રદેશમાં 3 ખાલિસ્તાની આતંકીઓ ઠારર, બે AK-47 રાઈફલ જપ્ત
ઉત્તર પ્રદેશ પોલીસ અને પંજાબ પોલીસની સંયુક્ત ટીમનું ઉત્તર પ્રદેશના પીલીભીત જિલ્લાના પુરનપુર કુખ્યાત આરોપીઓ સાથે એનકાઉન્ટર થયું હતું. અહેવાલ મુજબ પંજાબના ગુરદાસપુર જિલ્લામાં પોલીસ ચોકી પર ગ્રેનેડ બોમ્બ હુમલામાં સામેલ 3 આરોપીઓનું મોત થયું છે. આરોપીઓ પાસેથી બે એકે 47 અને બે ગ્લોક પિસ્તોલ મળી આવી છે.
સોમવારે વહેલી સવારે પીલીભીતથી આવેલા એન્કાઉન્ટરના આ સમાચારને યુપી અને પંજાબ પોલીસ માટે મોટી સફળતા માનવામાં આવી રહી છે. પ્રાપ્ત માહિતી અનુસાર, આ એન્કાઉન્ટર પીલીભીતના પુરનપુર વિસ્તારમાં થયું હતું. પંજાબ પોલીસની એક ટીમ ત્રણેય આતંકીઓની શોધમાં યુપી આવી હતી. પંજાબ પોલીસ યુપી પોલીસ સાથે મળીને સર્ચ ઓપરેશન ચલાવી રહી હતી.
આ મામલે વાત કરતા યુપીના ડીજીપી પ્રશાંત કુમારે કહ્યું કે આ ઓપરેશનનું નેતૃત્વ પીલીભીતના એસપી દ્વારા કરવામાં આવ્યું હતું. યુપી પોલીસને પંજાબ પોલીસ પાસેથી ખાલિસ્તાની આતંકવાદીઓ વિશે ઈનપુટ મળ્યા હતા. ત્રણેય પંજાબના ગુરુદાસપુરમાં પોલીસ ચોકી પર હુમલામાં સામેલ હતા. તેમણે કહ્યું કે બે રાજ્યોની પોલીસ વચ્ચે સંકલન કરીને હાથ ધરવામાં આવેલા સંયુક્ત ઓપરેશનની આ એક મોટી સફળતા છે.
પોલીસે વધું જણાવ્યું કે આરોપીઓની ઓળખ ગુરવિન્દર સિંહ (25), વીરેન્દ્ર સિંહ ઉર્ફે રવિ (23) અને જસપ્રીત સિંહ ઉર્ફે પ્રતાપ સિંહ (18) તરીકે થઇ છે, તમામ ગુરદાસપુરના રહેવાસી છે.
આ પણ વાંચો :-
દેશભરમાં ઠંડીનો કહેર યથાવત…..! ઉત્તર ભારતમાં શીતલહેરનો ત્રાસ
ઉત્તર ભારતના પહાડી વિસ્તારોમાં સતત થઈ રહેલી હિમવર્ષા અને વેસ્ટર્ન ડિસ્ટર્બન્સના કારણે ઘણા રાજ્યોનું હવામાનમાં બદલાવઆવ્યો છે. જેમાં ઉત્તર ભારતના ઘણા રાજ્યોમાં કડકડતી ઠંડી પડી રહી છે. તેમજ દિલ્હી-NCRમાં આકાશમાં વાદળો છવાયા છે. સોમવારે સવારે પણ કેટલાક વિસ્તારોમાં હળવો વરસાદ થયો હતો. એટલે કે કડકકતી ઠંડીની સાથે વરસાદ પણ પડી રહ્યો છે.
દેશભરમાં તીવ્ર ઠંડીનું પ્રમાણ યથાવત છે આ સાથે અનેક વિસ્તારોમાં ઠંડીએ રેકોર્ડ તોડ્યો છે. ઉત્તર ભારતમાં ઠંડીની લહેર અને ગાઢ ધુમ્મસનો પ્રભાવ છે, જ્યારે દક્ષિણ ભારતમાં ભારે વરસાદની અસર છે. ઉત્તરાખંડના પિથોરાગઢ જિલ્લામાં થયેલા ભૂસ્ખલનને કારણે નેશનલ હાઈવે બ્લોક થઈ ગયો છે, જેના કારણે લોકો મુશ્કેલીમાં મુકાયા છે. જમ્મુ-કાશ્મીરમાં “ચિલ્લાઇ કલાન” નામનો 40 દિવસનો શિયાળાનો કઠોર સમયગાળો શરૂ થયો છે. શ્રીનગરમાં તાપમાન -8.5°C નોંધાયું છે, જે છેલ્લા 133 વર્ષમાં ત્રીજીવાર બની રહ્યું છે. આ હાડકાં જમાવી દેતી ઠંડીએ લોકોને ગરમ કપડા અને હીટરોના શરણામાં જીવવા મજબૂર બનાવ્યા છે.
ભારતીય હવામાન વિભાગ દ્વારા 28 ડિસેમ્બર સુધીમાં હવામાનમાં મોટા ફેરફારની આગાહી કરવામાં આવી છે. વેસ્ટર્ન ડિસ્ટર્બન્સના સક્રિય રહેવાના કારણે હવામાનમાં બદલાવ થશે. 27 થી 31 ડિસેમ્બરના વચ્ચે પર્વતીય વિસ્તારોમાં હિમવર્ષા અને મેદાની વિસ્તારોમાં ગાજવીજ સાથે વરસાદ થવાની શક્યતા છે. આના કારણે ઠંડીમાં વધારો થઈ શકે છે.
હવામાન વિભાગે વધુમાં જણાવ્યું કે 26 ડિસેમ્બર પછી વધુ એક વેસ્ટર્ન ડિસ્ટર્બન્સ ઉત્તર-પશ્ચિમ ભારતમાં અસર કરશે, જેના કારણે દક્ષિણ-પશ્ચિમ રાજસ્થાનમાં ચક્રવાતી પવનોની સ્થિતિ સર્જાઇ શકે છે. આ સાથે અરબી સમુદ્ર અને બંગાળની ખાડીમાંથી ભેજવાળા પવનોનું પ્રવાહ વધી શકે છે, જે હિમાલયના વિસ્તારમાં ભારે વરસાદ અને હિમવર્ષા લાવી શકે છે.
આ પણ વાંચો :-
