કોંગ્રેસના સીનિયર નેતા અને ભારતીય ક્રિકેટ ટીમના પૂર્વ કેપ્ટન મોહમ્મદ અઝહરૂદ્દીનને તેલંગાણા સરકારે પોતાના મંત્રીમંડળમાં સામેલ કર્યા છે. મોહમ્મદ અઝગરૂદ્દીને મુખ્યમંત્રી રેવંત રેડ્ડીના નેતૃત્ત્વ ધરાવતી તેલંગાણા સરકારના મંત્રીમંડળમાં મંત્રી પદના શપથ લીધા છે.

તેલંગાણા રાજભવનમાં આયોજિત એક સમારંભમાં રાજ્યપાલ જિષ્ણુ દેવ વર્માએ મુખ્યમંત્રી સહિત કેટલાક મહત્ત્વપૂર્ણ નેતાઓની હાજરીમાં મોહમ્મદ અઝહરૂદ્દીનને મંત્રી પદના શપથ લેવડાવ્યા હતા. અઝહરૂદ્દીનના સામેલ થવાથી મંત્રી મંડળમાં કુલ 16 સભ્ય થઇ ગયા છે. હજુ બે સભ્ય સામેલ થઇ શકે છે. તેલંગાણા વિધાનસભામાં સભ્યોની સંખ્યા અનુસાર, 18 મંત્રી બની શકે છે.

મુસ્લિમ મતદારો નીભાવી શકે છે નિર્ણાયક ભૂમિકા
પૂર્વ ક્રિકેટરના મંત્રી પદ પર નિયુર્તિને એક મહત્ત્વપૂર્ણ પગલું માનવામાં આવે છે કારણ કે કોંગ્રેસ પાર્ટી જ્યુબલી હિલ્સ પેટા ચૂંટણીમાં મહેનત કરી રહી છે, જ્યાં એક લાખ કરતા વધારે મુસ્લિમ મતદાર નિર્ણાયક ભૂમિકા ભજવી શકે છે. આ વર્ષે જૂનમાં BRSના ધારાસભ્ય મગંતી ગોપીનાથનું હાર્ટ એટેકને કારણે નિધન થયું હતું જેને કારણે આ બેઠક ખાલી પડી છે અને ત્યાં પેટા ચૂંટણી યોજાવાની છે.

MLC માટે નોમિનેટ થયા હતા અઝહરૂદ્દીન
તેલંગાણા સરકારે અઝહરૂદ્દીનને રાજ્યપાલ કોટા હેઠળ વિધાન પરિષદ સભ્ય (MLC)ના રૂપમાં નોમિનેટ કર્યો હતો. અઝહરૂદ્દીને 2023ની ચૂંટણીમાં જ્યુબિલી હિલ્સ બેઠક પરથી ચૂંટણી લડી હતી પરંતુ તેને હારનો સામનો કરવો પડ્યો હતો.

કોંગ્રેસ પ્રમુખ મલ્લિકાર્જુન ખડગેએ શુક્રવારે એક મોટું નિવેદન આપતાં કહ્યું કે રાષ્ટ્રીય સ્વયંસેવક સંઘ (RSS) પર ફરી પ્રતિબંધ મૂકવો જોઈએ, કારણ કે દેશના મોટાભાગના કાયદો અને વ્યવસ્થાના પ્રશ્નો માટે RSS જવાબદાર છે. ખડગેએ સ્પષ્ટ કર્યું કે આ તેમનો વ્યક્તિગત અભિપ્રાય છે, પરંતુ દેશની શાંતિ અને લોકશાહી માટે RSS પર પ્રતિબંધ જરૂરી છે.

સમાજવાદી પાર્ટીના પ્રમુખ અખિલેશ યાદવના નિવેદન પર પ્રતિસાદ આપતાં ખડગેએ કહ્યું, “મારું માનવું છે કે RSS પર પ્રતિબંધ મૂકવો જોઈએ, કારણ કે તે દેશના કાયદો અને વ્યવસ્થાને ખલેલ પહોંચાડે છે.” તેમણે આક્ષેપ કર્યો કે RSS અને BJP બંને સંગઠનો દેશમાં વિવાદ અને અશાંતિ ફેલાવવા માટે જવાબદાર છે.

કોંગ્રેસ પ્રમુખે એવો પણ દાવો કર્યો કે વડા પ્રધાન નરેન્દ્ર મોદી જૂઠાણાને સત્યમાં ફેરવવામાં માહિર છે. તેમણે કહ્યું કે પટેલે ભારતના ધર્મનિરપેક્ષ અને લોકશાહી પાત્રને બચાવવા માટે RSS પર પ્રતિબંધ મૂક્યો હતો. તેમણે કહ્યું, “જો તમે (ભાજપ) દરેક વસ્તુ માટે કોંગ્રેસને દોષ આપો છો, તો તમારા પોતાના કાર્યો જુઓ.” ખડગેએ કહ્યું, “તમે સત્યને ભૂંસી નાખવાનો ગમે તેટલો પ્રયાસ કરો, તે ભૂંસાઈ શકશે નહીં.”

નહેરુ અને પટેલ વચ્ચે સારા સંબંધો હતા
તેમણે કહ્યું, “તેઓ (વડાપ્રધાન અને ભાજપ) હંમેશા સ્વતંત્ર ભારતના પ્રથમ વડા પ્રધાન પંડિત જવાહરલાલ નહેરુ અને દેશના પ્રથમ ગૃહ પ્રધાન સરદાર વલ્લભભાઈ પટેલ વચ્ચે અણબનાવ દર્શાવવાનો પ્રયાસ કરે છે, જ્યારે નહેરુ અને પટેલ વચ્ચે ખૂબ સારા સંબંધો હતા, અને પટેલે નહેરુને લોકોના નેતા તરીકે વર્ણવ્યા હતા.” તેમણે કહ્યું, “હું ભાજપને કહેવા માંગુ છું કે દહીંમાં કાંકરા ન શોધો. બધા તમારો ઇતિહાસ જાણે છે. ગુજરાતમાં પટેલની પ્રતિમાનું અનાવરણ કરનારા અને સરદાર સરોવર ડેમનો શિલાન્યાસ કરનારા નહેરુ સૌપ્રથમ હતા.

વડાપ્રધાન નરેન્દ્ર મોદીએ શુક્રવારે કહ્યું હતું કે સરદાર પટેલ અન્ય રજવાડાઓની જેમ આખા કાશ્મીરને ભારત સાથે જોડવા માંગતા હતા, પરંતુ તત્કાલીન વડા પ્રધાન જવાહરલાલ નહેરુએ આવું થતું અટકાવ્યું હતું. ગુજરાતના એકતા નગરમાં સ્ટેચ્યુ ઓફ યુનિટી પાસે રાષ્ટ્રીય એકતા દિવસની પરેડ બાદ સભાને સંબોધતા મોદીએ કહ્યું, “સરદાર પટેલ માનતા હતા કે ઇતિહાસ લખવામાં સમય બગાડવો જોઈએ નહીં પરંતુ ઇતિહાસ રચવા માટે સખત મહેનત કરવી જોઈએ.”

મોદીએ કહ્યું, “સરદાર પટેલ અન્ય રજવાડાઓની જેમ આખા કાશ્મીરને એક કરવા માંગતા હતા. પરંતુ નહેરુજીએ તેમની ઇચ્છા પૂર્ણ થવા દીધી નહીં. કાશ્મીરનું વિભાજન થયું, એક અલગ બંધારણ અને એક અલગ ધ્વજ આપવામાં આવ્યો, અને કોંગ્રેસની આ ભૂલને કારણે દેશ દાયકાઓ સુધી પીડાતો રહ્યો.”