બાગેશ્વર ધામ સરકારના આચાર્ય ધીરેન્દ્ર કૃષ્ણ શાસ્ત્રીએ દિલ્હીમાં લાલ કિલ્લા મેટ્રો સ્ટેશન પાસે થયેલા વિસ્ફોટની ઘટના પર તીવ્ર પ્રતિક્રિયા આપી છે. હરિયાણાના પલવલમાં પદયાત્રા દરમિયાન તેમણે કહ્યું, “જ્યારે પણ ધમાકા થયા છે, તેને ક્યાંક ને ક્યાંક કટ્ટરપંથી મજહબી વિચારધારા વાળા લોકોએ કર્યા છે. હંમેશા ભારતને, ભારત માતાને, સનાતનને નિશાન બનાવીને કર્યા છે.” ધીરેન્દ્ર શાસ્ત્રીએ કહ્યું કે કાલે જે થયું તે અત્યંત નિંદનીય અને અમાનવીય છે. ભગવાન પાસે પ્રાર્થના છે કે જેમનુું મોત થયું તેમને પોતાના ચરણોમાં સ્થાન આપે. અમે શોક સંવેદના વ્યક્ત કરીએ છીએ.

પંડિત ધીરેન્દ્ર કૃષ્ણ શાસ્ત્રીએ અપીલ કરતાં કહ્યું, “કટ્ટર મજહબી પંથની વિચારધારાની વિચારસરણી પર લગામ લગાવવા માટે હવે સનાતનીઓને એક થવું જ પડશે. તમે કેટલું પણ ભારતીયોને ડરાવો, સનાતનીઓને ડરાવો. ના અમે ડરીશું અને ના અમે ઝૂકીશું.” તેમણે કહ્યું કે આ દેશમાં જ્યાં સુધી ભારતીયોની એકતા નહીં થાય ત્યાં સુધી અમે પદયાત્રા કરતા રહીશું.

ધમાકાના આરોપીઓને ફાંસીની માંગ
લાલ કિલ્લા મેટ્રો સ્ટેશન પાસેના વિસ્ફોટ પર ધીરેન્દ્ર શાસ્ત્રીએ કહ્યું, “તપાસ ચાલી રહી છે અને અમે સરકાર પાસેથી માંગ કરીએ છીએ કે પકડાયેલા લોકોને ફાંસી આપવામાં આવે. જો સનાતની એકજુટ થઈ જાય તો આ ધમકી અને ડરાવવાની ધાર્મિક વિચારધારા સંપૂર્ણપણે ખતમ થઈ જશે. વિચારમાં ફેરફાર જ હિંદુ એકતા છે.” તેમણે કહ્યું કે યાત્રા સુચારુ રીતે ચાલી રહી છે અને અવિરત ચાલુ રહેશે. હરિયાણા સરકાર અને કેન્દ્ર સરકાર આ પર બારીકાઈથી નજર રાખી રહી છે. અમે તમામ ભક્તોને અપીલ કરીએ છીએ કે કોઈપણ અફવાહમાં ન પડો.

દિલ્હીમાં લાલ કિલ્લા પાસે જોરદાર ધમાકો
દિલ્હીમાં સોમવારે સાંજે લાલ કિલ્લા પાસે જોરદાર ધમાકો થયો હતો. લગભગ સાંજે ૬:૪૨ વાગ્યે ધીમી ગતિએ ચાલતી હ્યુન્ડાઈ i20 કાર ટ્રાફિક સિગ્નલ પર ઊભી રહી તો તરત જ ફાટી ગઈ, જેમાં ૯ લોકોનાં મોત થયાં અને ૨૦થી વધુ ઘાયલ થયા. ધમાકાની તીવ્રતા એટલી ભયાનક હતી કે આસપાસની ત્રણ-ચાર કાર અને ઓટો રિક્ષા આગની જ્વાળાઓમાં ઘેરાઈ ગયા. બારીઓ તૂટી ગઈ અને ધુમાડો ચારેય તરફ ફેલાઈ ગયો. ઘટનાસ્થળ લાલ કિલ્લા મેટ્રો સ્ટેશનના ગેટ નંબર-૧ની નજીક છે, જ્યાં પર્યટકો અને સ્થાનિક લોકો સાંજના સમયે વ્યસ્ત રહેતા હોય છે.

પ્રત્યક્ષદર્શીઓએ જણાવ્યું કે ધમાકાનો અવાજ એટલો તીવ્ર હતો કે દૂર સુધી અનુભવાયો અને લોકો ભાગતા-ભાગતા પડી ગયા. દિલ્હી પોલીસે તુરંત વિસ્તારને ઘેરી લીધો, જ્યારે ફાયર બ્રિગેડે આગ ઓલવી. આ ઘટનાએ સુરક્ષા એજન્સીઓને હાઈ અલર્ટ પર મૂકી દીધી છે. દિલ્હી પોલીસે કેસ ગેરકાનૂની પ્રવૃત્તિઓ નિવારણ અધિનિયમ (UAPA) અને વિસ્ફોટક અધિનિયમ હેઠળ નોંધ્યો છે. રાષ્ટ્રીય તપાસ એજન્સી (NIA), ફોરેન્સિક સાયન્સ લેબોરેટરી અને સ્પેશિયલ સેલની ટીમો તપાસમાં જોડાઈ ગઈ છે.

લશ્કર-એ-તૈયબાના વડા હાફિઝ સઈદ ભારત પર હુમલો કરવાની તૈયારી કરી રહ્યો છે. આ વાતનો સંકેત લશ્કર કમાન્ડર સૈફુલ્લાહ સૈફના એક વીડિયો દ્વારા મળે છે, જે સોશિયલ મીડિયા પર વાયરલ થઈ રહ્યો છે. હાફિઝ સઈદ બાંગ્લાદેશ થઈને ભારત પર હુમલો કરવાની યોજના બનાવી રહ્યો છે. સૈફુલ્લાહનો વીડિયો 30 ઓક્ટોબરે પાકિસ્તાનના ખૈરપુર તામીવલીમાં યોજાયેલી એક રેલીમાંથી બહાર આવ્યો હતો, જેમાં તેણે યુવાનો અને નાના બાળકોને જેહાદ માટે અને ભારત વિરૂદ્ધ ઉશ્કેર્યા હતા.

વાઈરલ વીડિયો અનુસાર, કમાન્ડર સૈફુલ્લાહ સૈફ કહે છે કે ઓપરેશન સિંદૂરમાં હાફિઝ સઈદનો પરિવાર માર્યો ગયો હતો, પરંતુ તે ખાલી બેઠો નથી. યોજના ચાલી રહી છે, અને ભારત સામે બદલો લેવાની તૈયારીઓ ચાલી રહી છે. યુવાનોને જેહાદ માટે ઉશ્કેરવામાં આવી રહ્યા છે અને આતંકવાદી તાલીમ પણ મેળવી રહ્યા છે. લશ્કર-એ-તૈયબાના સભ્યો પૂર્વ પાકિસ્તાનમાં સક્રિય છે, જેનો ઉપયોગ ભારતને યોગ્ય જવાબ આપવા માટે થાય છે. ભારત વિરુદ્ધ બાંગ્લાદેશનો ઉપયોગ લોન્ચપેડ તરીકે કરવાની યોજના છે.

એ નોંધવું જોઈએ કે સૈફુલ્લાહ પાકિસ્તાની સેનાની પ્રશંસા કરતો હતો અને ભારત વિરુદ્ધ ઝેર ઓકતો હતો. રેલીમાં ઘણા બાળકો પણ હાજર હતા, જેમને લશ્કરના આતંકવાદીઓ જેહાદ શીખવીને અને ભારત વિરુદ્ધ બદલો લેવા માટે ઉશ્કેરીને, તેમને લશ્કરના આતંકવાદી બનવા માટે પ્રેરિત કરીને ભારત વિરોધી ભાવનાઓ ફેલાવી રહ્યા છે. જોકે સૈફુલ્લાહના દાવાઓની સત્તાવાર પુષ્ટિ થઈ નથી, પરંતુ વાયરલ વીડિયોને કારણે ભારતીય ગુપ્તચર એજન્સીઓ સક્રિય થઈ ગઈ છે. દાવાઓની ચકાસણી કરવાના પ્રયાસો ચાલી રહ્યા છે.

હાફિઝ મુહમ્મદ સઈદ 2008ના મુંબઈ આતંકવાદી હુમલાનો માસ્ટરમાઇન્ડ છે. તે લશ્કર-એ-તૈયબાનો સહ-સ્થાપક અને જમાત-ઉદ-દાવાનો વડા છે. ભારત, યુનાઇટેડ સ્ટેટ્સ અને સંયુક્ત રાષ્ટ્રએ હાફિઝ સઈદને આંતરરાષ્ટ્રીય આતંકવાદી જાહેર કર્યો છે અને તેને પકડવા માટે માહિતી આપનાર માટે 10 મિલિયનનું ઇનામ ઓફર કર્યું છે. ઓપરેશન સિંદૂર દરમિયાન, ભારતીય સેના અને વાયુસેનાએ હાફિઝ સઈદના ઠેકાણા પર પણ હુમલો કર્યો હતો, પરંતુ હાફિઝ હુમલામાં બચી ગયો હતો અને તેનો પરિવાર માર્યો ગયો હતો.

ઉત્તર પ્રદેશના મુખ્યમંત્રી યોગી આદિત્યનાથે એક મોટી જાહેરાત કરી છે. મુખ્યમંત્રી યોગીએ જાહેરાત કરી છે કે દેશની દરેક શાળામાં રાષ્ટ્રગીત “વંદે માતરમ” ગાવાનું ફરજિયાત બનાવવામાં આવશે. તેમણે કહ્યું, “આપણે સરદાર વલ્લભભાઈ પટેલને આપણી ચર્ચાનો ભાગ બનાવવો જોઈએ, અમે ઉત્તર પ્રદેશની તમામ શૈક્ષણિક સંસ્થાઓમાં ‘વંદે માતરમ’ ગાવાનું ફરજિયાત બનાવીશું જેથી ઉત્તર પ્રદેશના દરેક નાગરિકના મનમાં ભારત માતા અને માતૃભૂમિ પ્રત્યે આદરની ભાવના ભરાઈ જાય.”

‘એકતા યાત્રા’ અને ‘વંદે માતરમ’ સમૂહ ગાયન કાર્યક્રમમાં ભાગ લેતા, ઉત્તર પ્રદેશના મુખ્યમંત્રી યોગી આદિત્યનાથે કહ્યું, “30 ઓક્ટોબરના રોજ, દેશભરના દરેક જિલ્લામાં ‘રન ફોર યુનિટી’ ના રૂપમાં રાષ્ટ્રીય એકતા દોડનું આયોજન કરવામાં આવ્યું હતું. આ સમયગાળા દરમિયાન, ભાજપે મહાન વલ્લભભાઈ પટેલના જીવન અને કાર્યો પર ધ્યાન કેન્દ્રિત કરતા કાર્યક્રમોનું આયોજન પણ શરૂ કર્યું. સરકારી સ્તરે પણ ઘણા કાર્યક્રમો શરૂ કરવામાં આવ્યા હતા. સ્વદેશી હોય કે આત્મનિર્ભરતા, રાષ્ટ્રીય એકતાના મુદ્દાઓને સંબોધિત કરતી પહેલો આગળ વધારવામાં આવી છે, સાથે સાથે દેશભરમાં વ્યાપક જનજાગૃતિ અભિયાનો પણ ચલાવવામાં આવ્યા છે.”

દરમિયાન, ગઈકાલે, ઉત્તર પ્રદેશના મુખ્યમંત્રી યોગી આદિત્યનાથે ઉત્તરાખંડના લોકોને રાજ્યના 25મા સ્થાપના દિવસ પર અભિનંદન આપ્યા હતા. ‘X’ પર એક પોસ્ટમાં, મુખ્યમંત્રીએ કહ્યું, “પૌરાણિક પરંપરાઓની પવિત્ર ભૂમિ અને પવિત્ર સ્થળોથી સમૃદ્ધ ‘દેવભૂમિ’ ઉત્તરાખંડના સ્થાપના દિવસ પર ઉત્તરાખંડના લોકોને હાર્દિક અભિનંદન અને શુભકામનાઓ!” તેમણે કહ્યું, “આદરણીય પ્રધાનમંત્રી શ્રી નરેન્દ્ર મોદીજીના માર્ગદર્શન અને માનનીય મુખ્યમંત્રી શ્રી પુષ્કર ધામીજીના નેતૃત્વ હેઠળ, આ રાજ્ય મજબૂત, સલામત અને સમૃદ્ધ બની રહ્યું છે. હું બાબા શ્રી કેદારનાથજીને પ્રાર્થના કરું છું કે ભારતનું આ ‘મુગટ રત્ન’ વિકાસના માર્ગ પર આગળ વધતું રહે.”

પંજાબ નેશનલ બેંક કૌભાંડ કેસમાં મેહુલ ચોક્સીની મિલકતોની હરાજી કરવામાં આવશે. મુંબઈની પીએમએલએ કોર્ટે મેહુલ ચોક્સીની ગીતાંજલિ જેમ્સની અનેક મિલકતોની હરાજીને મંજૂરી આપી છે. મુંબઈની કોર્ટે મેહુલ ચોક્સીની લગભગ 46 કરોડ રૂપિયાની મિલકતો અને ચાંદીની ઇંટોની હરાજીને મંજૂરી આપી છે. મુંબઈની એક ખાસ કોર્ટે 23,000 કરોડ રૂપિયાના પંજાબ નેશનલ બેંક (PNB) છેતરપિંડી કેસના કેન્દ્રમાં રહેલી કંપની ગીતાંજલિ જેમ્સ લિમિટેડને ભાગેડુ ઉદ્યોગપતિ મેહુલ ચોક્સી સાથે જોડાયેલી 13 અસુરક્ષિત મિલકતોનું મૂલ્યાંકન અને હરાજી કરવાની મંજૂરી આપી છે.

આ સૂચિબદ્ધ મિલકતોમાં બોરીવલીમાં ચાર રહેણાંક ફ્લેટ; બાંદ્રા-કુર્લા કોમ્પ્લેક્સમાં ભારત ડાયમંડ બોર્સ ખાતે ઓફિસ પરિસર, ગોરેગાંવ પૂર્વમાં વિરવાની ઇન્ડસ્ટ્રિયલ એસ્ટેટમાં ચાર ઔદ્યોગિક એકમો અને જયપુર સ્પેશિયલ ઇકોનોમિક ઝોનમાં સ્થિત ચાંદીની ઇંટો, અર્ધ કિંમતી પથ્થરો અને ઝવેરાત બનાવવાના મશીનોનો સમાવેશ થાય છે.

પૈસા FD ના રૂપમાં રાખવામાં આવશે
પીએમએલએ કોર્ટે ભાગેડુ ઉદ્યોગપતિ મેહુલ ચોક્સી સાથે જોડાયેલી જ્વેલરી કંપની ગીતાંજલિ જેમ્સ લિમિટેડના લિક્વિડેટરને તેની અસુરક્ષિત સંપત્તિનું મૂલ્યાંકન અને હરાજી કરવાની મંજૂરી આપી છે અને નિર્દેશ આપ્યો છે કે વેચાણની રકમ મની લોન્ડરિંગ કેસના નિષ્કર્ષ સુધી કોર્ટના નામે ફિક્સ ડિપોઝિટ તરીકે રાખવામાં આવે. 4 નવેમ્બરના રોજના આદેશમાં, સ્પેશિયલ જજ એ.વી. ગુજરાતીએ આ વર્ષે ફેબ્રુઆરીમાં નેશનલ કંપની લો ટ્રિબ્યુનલ (NCLT) દ્વારા નિયુક્ત લિક્વિડેટર શાંતનુ રેની અરજીને મંજૂરી આપી હતી. ગીતાંજલિ જેમ્સ એ 13,000 કરોડ રૂપિયાના પંજાબ નેશનલ બેંક છેતરપિંડી કેસમાં એન્ફોર્સમેન્ટ ડિરેક્ટોરેટ (ED) ની તપાસમાં સામેલ કેન્દ્રીય સંસ્થાઓમાંની એક છે, જેમાં ચોક્સીને ભાગેડુ આર્થિક ગુનેગાર જાહેર કરવામાં આવ્યો છે.

આ મિલકતોની હરાજી કરવામાં આવશે
શાંતનુ રેએ ED કેસમાં જપ્ત કરાયેલી અસુરક્ષિત સંપત્તિનો નિકાલ કરવાની પરવાનગી માંગી હતી. EDએ કોર્ટને જાણ કરી હતી કે તેને પ્રસ્તાવિત મૂલ્યાંકન અને વેચાણ સામે કોઈ વાંધો નથી. તેના નિર્ણયમાં, કોર્ટે સ્પષ્ટ કર્યું હતું કે ફક્ત અસુરક્ષિત સંપત્તિઓ જે સુરક્ષિત લેણદારો દ્વારા દાવો કરવામાં આવતી નથી તેની હરાજી કરી શકાય છે. કોર્ટે એ પણ ભાર મૂક્યો હતો કે ED દ્વારા સંપત્તિઓની જપ્તી યથાવત રહેશે, અને માલિકી અને આવકની જપ્તી ટ્રાયલ પછી જ નક્કી કરવામાં આવશે.

કોર્ટે આદેશમાં શું કહ્યું?
આદેશમાં જણાવાયું છે કે, “ખર્ચ બાદ કર્યા પછી, વેચાણની રકમ આ કોર્ટના નામે ICICI બેંકમાં ફિક્સ્ડ ડિપોઝિટના રૂપમાં જમા કરવામાં આવશે.” તેમાં એમ પણ જણાવાયું છે કે ભંડોળ PMLA ની કલમ 8(7) અને 8(8) હેઠળ ન્યાયિક કસ્ટડીમાં રહેશે. આ આદેશ લિક્વિડેશન પ્રક્રિયાને ચાલુ મની લોન્ડરિંગ કાર્યવાહી સાથે આગળ વધવા, નિષ્ક્રિય ગીતાંજલિ ગ્રુપની ચોક્કસ સંપત્તિઓનું મુદ્રીકરણ કરવા અને મામલો અંતિમ નિર્ણય ન આવે ત્યાં સુધી આવકને સુરક્ષિત રાખવા સક્ષમ બનાવે છે.

સેન્ટ્રલ જેલમાં કેદીઓ સ્માર્ટ ફોન વપરાતા હોય, દરુ પીને ડાન્સ કરતા હોય અને ટી વી જોતા હોય એવો વિડીયો સોશિયલ મીડિયા પર વાયરલ થતા ખળભળાટ મચી ગયો છે. આ મામલે જેલના મુખ્ય અધિક્ષકની બદલી કરવામાં આવી છે અને અન્ય બે અધિકારીઓને સસ્પેન્ડ કરવામાં આવ્યા છે. રાજ્ય સરકારે તપાસ શરુ કરી છે, જયારે ભાજપે કોંગ્રેસ સરકાર પર ગંભીર આરોપ લગાવ્યા છે.

બેંગલુરુની પરપ્પાના અગ્રાહારા સેન્ટ્રલ જેલના કેટલાક વીડિયો વાયરલ થયા હતાં, વિડીયોમાં ISIS સાથે કથિત રીતે જોડાયેલો આરોપી ઝુહૈબ હમીદ શકીલ મન્ના, એક રેપિસ્ટ અને કિલર સહીત જેલમાં બંધ અન્ય ઘણા કુખ્યાત ગુનેગારો જોવા મળે છે. વીડિયોમાં, મન્ના ચા પીતો અને ફોન પર સ્ક્રોલ કરતો જોવા મળે છે અને તે વીડિયો રેકોર્ડ કરનાર શખ્સ વાત પણ કરી રહ્યો છે.

મન્ના કોમ્પ્યુટર એપ્લિકેશન નિષ્ણાત છે અને પ્રતિબંધિત આતંકવાદી સંગઠન ISIS સાથે જોડાણના આરોપસર નેશનલ ઈન્વેસ્ટીગેશન એજન્સી(NIA)એ તેની ધરપકડ કરી હતી. તેના પર આતંકવાદી પ્રવૃતિઓ માટે ભંડોળ એકત્ર કરવા અને મુસ્લિમ યુવાનો સીરિયામાં ISIS માં જોડાવા માટે મોકલવાનો આરોપ છે.

એક વિડીયોમાં કેદીઓ દારૂ અને નાસ્તા સાથે પાર્ટી કરી રહ્યા હોવાનું જણાવ્ય છે. વિડીયોમાં જોવા મળે છે કે કેદીઓ ડિસ્પોઝેબલ ગ્લાસમાં દારૂ ભરીને પી રહ્યા છે, પ્લેટમાં થે કાપેલા ફળ અને ચખના રાખવામાં આવ્યા છે.

અધિકારીઓ સામે કાર્યવાહી:
આ વિડીયો જાહેર થતા ખળભળાટ મચી ગયો છે, ગૃહ પ્રધાન ડૉ. જી. પરમેશ્વરે અધિકારીઓ સાથે ઉચ્ચ સ્તરીય બેઠક બોલાવી છે. જેલના મુખ્ય અધિક્ષકની બદલી કરવામાં આવી છે અને બે અન્ય અધિકારીઓને સસ્પેન્ડ કરવામાં આવ્યા છે. વરિષ્ઠ પોલીસ અધિકારીઓને જેલની તપાસ માટે મોકલવામાં આવ્યા છે.

ભાજપે કોંગ્રેસને ઘેરી:
કેદીઓને VVIP સગવડ આપવા મામલે રાજ્યમાં વિપક્ષ ભાજપે મુખ્ય પ્રધાન સિદ્ધારમૈયાના સત્તાવાર નિવાસસ્થાન બહાર વિરોધ પ્રદર્શન કર્યું હતું, ભાજપ જિલ્લા પ્રભારી, એસ હરીશે જણાવ્યું કે કોંગ્રેસના સાશન હેઠળ જેલો હવે જેલો નથી રહી, જેલ ગુનેગારો માટે સુરક્ષિત આશ્રયસ્થાન બની ગઈ છે, કોંગ્રેસ દેશભરના આતંકવાદીઓ બેંગ્લોર જેલમાં ટ્રાન્સફર કરવા માંગે છે.

હરિયાણાના ફરીદાબાદમાંથી એમોનિયમ નાઈટ્રેટ, એસોલ્ટ રાઈફલ્સ અને મોટી માત્રામાં વિસ્ફોટકો મળી આવ્યા છે. જમ્મુ અને કાશ્મીરના ડૉક્ટર ડૉ. આદિલ અહેમદ રાથર આ કેસમાં માસ્ટરમાઇન્ડ તરીકે ઉભરી આવ્યો છે. થોડા દિવસો પહેલા જમ્મુ અને કાશ્મીર પોલીસે તેની ધરપકડ કરી હતી.

આદિલ પર શ્રીનગરમાં દિવાલો પર જૈશ-એ-મોહમ્મદના પોસ્ટર ચોંટાડવાનો આરોપ છે. તે સીસીટીવી ફૂટેજમાં સ્પષ્ટપણે આવું કરતો જોવા મળ્યો હતો.

એનડીટીવીના અહેવાલ મુજબ, આદિલ અહેમદ રાથર દક્ષિણ કાશ્મીરના કાઝીગુંડનો રહેવાસી છે. તે સરકારી મેડિકલ કોલેજ (જીએમસી)માં સિનિયર રેસિડેન્ટ ડોક્ટર તરીકે પોસ્ટેડ હતો અને ઓક્ટોબર સુધી અનંતનાગમાં ફરજ બજાવતો હતો.

27 ઓક્ટોબરના રોજ, શ્રીનગરમાં જૈશ-એ-મોહમ્મદના પોસ્ટર લગાવવામાં આવ્યા હતા. પોલીસ તપાસમાં બહાર આવ્યું કે આદિલ જ પોસ્ટરો માટે જવાબદાર વ્યક્તિ હતો. ઘટનાના નવ દિવસ પછી, 6 નવેમ્બરના રોજ, જમ્મુ અને કાશ્મીર પોલીસે તેની ધરપકડ કરી.

ધરપકડ બાદ પોલીસે જીએમસી અનંતનાગમાં દરોડો પાડ્યો. તપાસ દરમિયાન, આદિલના લોકરમાંથી એક AK-47 રાઇફલ અને અન્ય હથિયારો મળી આવ્યા. ત્યારબાદ આર્મ્સ એક્ટ હેઠળ કેસ નોંધવામાં આવ્યો, અને તેની કડક પૂછપરછ કરવામાં આવી.

પૂછપરછ દરમિયાન, બીજું નામ બહાર આવ્યું – ડૉ. મુઝામિલ શકીલનું. પોલીસે તેની પણ ધરપકડ કરી છે. મુઝામિલ પુલવામાનો રહેવાસી છે અને ફરીદાબાદની અલ-ફલાહ હોસ્પિટલમાં ડૉક્ટર તરીકે કામ કરતો હતો.