ગુજરાતમાં માવઠા બાદ હવે શિયાળાની ઠંડીનો રાઉન્ડ શરૂ થયો છે. રાજ્યના અનેક સ્થળોએ તાપમાનનો પારો 20 ડી.સે.થી નીચો જતો રહ્યો હતો. છેલ્લા 24 ક્લાક દરમિયાન રાજ્યનું હવામાન સૂકું રહ્યું હતું. છેલ્લા 24 કલાકમાં નોંધાયેલું મહત્તમ તાપમાન 32.4 ડિ. સે. હતું, જે સામાન્ય કરતાં 2.1 ડિ. સે. ઓછું હતું. જ્યારે લઘુત્તમ તાપમાન 17 ડિ. સે. નોંધાયું હતું, જે સામાન્ય તાપમાન કરતાં 1.1 ડિ. સે. ઓછું રહ્યું હતું. ગુરુવારે, ગુજરાત પ્રદેશમાં રાત્રિના તાપમાનમાં નોંધપાત્ર ઘટાડો જોવા મળ્યો હતો, જ્યારે સૌરાષ્ટ્ર-કચ્છમાં કોઈ મોટો ફેરફાર નહોતો. સમગ્ર પ્રદેશમાં તાપમાન સામાન્યથી ઓછું નોંધાયું હતું. સૌથી નીચું 16 ડિ. સે. લઘુત્તમ તાપમાન ડીસા અને નલિયા ખાતે નોંધાયું હતું.

હવામાન નિષ્ણાત અંબાલાલ પટેલે આગાહી કરી છે કે, 18થી 24 નવેમ્બરે ફરી એક વખત માવઠું થઈ શકે છે. 16થી 18 નવેમ્બરમાં એક ચક્રવાત સર્જાશે. બંગાળના ઉપસાગરમાં ચક્રવાત સર્જાઈ શકે છે. જ્યારે 18થી 20 નવેમ્બર દરમિયાન ચક્રવાતની અસર રહેશે. આ સાથે જ એક વેસ્ટર્ન ડિસ્ટર્બન્સ પણ આવવાની શક્યતા છે. 18થી 24 દરમિયાન વાતાવરણમાં પલટો આવી શકે છે. જ્યારે 15 ડિસેમ્બર સુધીમાં વેસ્ટર્ન ડિસ્ટર્બન્સના કારણે કમોસમી વરસાદની શક્યતા રહેશે. 16 ડિસેમ્બર સુધીમાં માવઠું થવાની શક્યતાઓ રહેશે. 20 ડિસેમ્બરથી ઉત્તરીય પર્વતીય પ્રદેશોમાં જાણે કે હિમચાદર થઈ ગઈ હોય તેવું જોવા મળશે. 22 ડિસેમ્બરથી કાતિલ ઠંડીને વેગ મળશે, હાડ કંપાવતી ઠંડી પડશે. 11 જાન્યુઆરીથી ઠંડા પવન ફૂંકાશે. તેમજ ઉત્તરાયણ બાદ પણ ઠંડા પવન ફૂંકાશે.

ગુજરાતના હવામાન અંગેની વાત કરીએ તો, રાજ્યમાં ઉત્તરપૂર્વથી પૂર્વ તરફના પવનો ફૂંકાઈ રહ્યા છે. હવામાન વિભાગના જણાવ્યા પ્રમાણે, આગામી બે દિવસ દરમિયાન ધીમે ધીમે બેથી ત્રણ ડિગ્રી સેલ્સિયસનો ઘટાડો નોંધાશે. ત્યારબાદ આ લઘુત્તમ તાપમાનમાં કોઈ મોટો ફેરફાર થવાની શક્યતા નથી. વરસાદ અંગેની આગાહી કરતા હવામાન વિભાગે જણાવ્યું છે કે, સૌરાષ્ટ્ર સહિત આખા ગુજરાતમાં વાતાવરણ શુષ્ક રહેવાની સંભાવના છે. આ સાથે દીવ અને દમણ દાદરા નગર હવેલી પણ વાતાવરણ શુષ્ક રહેશે. ક્યાંય પણ ભારે વરસાદની આગાહી આપવામાં આવી નથી.

બિહારમાં વિધાનસભા ચૂંટણીનો માહોલ જામ્યો છે. આ ચૂંટણીનું મતદાન બે તબક્કામાં યોજાયું છે. જેનો પહેલો તબક્કો પૂર્ણ થઈ ચૂક્યો છે. આ વચ્ચે સુરક્ષા એજન્સીઓએ કાળા નાણા સાથે એક વ્યક્તીને ઝડપી પાડ્યો છે. ગુરુવારે મધરાતે ગોરખપુર રેલવે સ્ટેશ પર એક યુવકના બેગમાંથી પૂરા એક કરોડ રૂપિયાની રોકડ ઝડપી પાડવામાં આવ્યા છે. આ રકમ બિહારના મોકામા પહોંચાડવાની તૈયારી હતી.

સૂત્રોના જણાવ્યા પ્રમાણે જીઆરપી અને આરપીએફની સંયુક્ત ટીમ વૈશાલી એક્સપ્રેસના એસી કોચમાં ચેકિંગ કરી રહી હતી. તપાસ દરમિયાન એક શંકાસ્પદ વ્યક્તિની ઊંડાણ પૂર્વક તપાસ કરવામાં આવી. યુવકનું બેગ ચેક કરતા, તેમાંથી મોટી સંખ્યામાં બેનામી રૂપિયા બરમત થયા હતા. એક કરોડ બેનામી રૂપિયા ધરાવતા આ યુવકે પોતાનું નામ મુકુંદ માધવ, વતની મોકામા (પટના) જણાવ્યું.

મુકુંદે કહ્યું કે “કોઈ ઓળખીતાના કહેવાથી લઈ જઈ રહ્યો હતો”, પણ પૈસા ક્યાંથી આવ્યા અને કોને આપવાના હતા એનો કોઈ જવાબ ન આપી શક્યો. પોલીસને શંકા છે કે આ હવાલા માર્ગે ચૂંટણીમાં વાપરવા માટેની રકમ હતી. રેલવે સીઓ વિનોદકુમાર સિંહે જણાવ્યું કે રોકડ જપ્ત કરી લેવામાં આવી છે અને આવકવેરા વિભાગને જાણ કરાઈ ગઈ છે.

સવાલ એ થાય કે આ પૈસા કોણ મોકલી રહ્યું હતું અને કોના ખાતામાં જમા થવાના હતા? જે દિશામાં આવકવેરા વિભાગની ટીમ અને ખુફિયા એજન્સીઓએ તપાસ હાથ ધરી છે. મુકુંદનો મોબાઈલ, કોલ રેકોર્ડ અને સંપર્કોની ઊંડાણપૂર્વક ચકાસણી ચાલુ છે. ગોરખપુર જીઆરપીની આ કાર્યવાહીએ ચૂંટણી પહેલા કાળા નાણાંના પ્રવાહ પર મોટી અસર કરી છે.

કેન્દ્રીય સંસદીય બાબતોના મંત્રી કિરેન રિજિજુએ સોશિયલ મીડિયા પ્લેટફોર્મ X પર માહિતી આપી હતી કે, રાષ્ટ્રપતિ દ્રૌપદી મુર્મુએ સંસદનું શિયાળુ સત્ર બોલાવવાના સરકારના પ્રસ્તાવને મંજૂરી આપી દીધી છે. સંસદનું શિયાળુ સત્ર 1 ડિસેમ્બર, 2025થી શરૂ થશે અને 19 ડિસેમ્બર, 2025 સુધી ચાલુ રહેશે.

કિરેન રિજિજુએ ટ્વિટ કરતાં કહ્યું કે, ભારતના રાષ્ટ્રપતિ દ્રૌપદી મુર્મુજીએ 1 ડિસેમ્બર, 2025 થી 19 ડિસેમ્બર, 2025 સુધી (સંસદીય કાર્યકાળની આવશ્યકતાઓને આધીન) સંસદનું શિયાળુ સત્ર બોલાવવાના સરકારના પ્રસ્તાવને મંજૂરી આપી છે. એક રચનાત્મક અને સાર્થક સત્રની આશા છે જે આપણા લોકતંત્રને મજબૂત બનાવશે અને લોકોની આશાઓને પૂરી કરશે.