સંસદ સત્રમાં સરકાર એક મોટો ટેક્સ ફેરફાર રજૂ કરવા જઈ રહી છે, જે ડાયરેક્ટ સિગારેટ, પાન મસાલા અને ગુટખા જેવી પ્રોડક્ટ્સ સાથે જોડાયેલો હશે. સરકાર તરફથી નાણામંત્રી નિર્મલા સીતારમણ આવતીકાલે લોકસભામાં બે મહત્વના બિલ રજૂ કરશે. નાણામંત્રી હેલ્થ સિક્યોરિટી એન્ડ નેશનલ સિક્યોરિટી સેસ બિલ, ૨૦૨૫ અને સેન્ટ્રલ એકસાઇઝ એક્ટ સુધારા બિલ રજૂ કરશે. જેના હેઠળ વર્તમાન GST કાપનસેશન સેસ ને બદલીને નવી સિસ્ટમ લાગુ કરવામાં આવશે.

સરકારે સ્પષ્ટ કર્યું છે કે, સેસના દરોમાં કોઈ પણ પ્રકારનો
ફેરફાર કરવામાં આવશે નહીં. હાલમાં GST હેઠળ આ પ્રોડક્ટ્સ પર જેટલો સેસ લગાવવામાં આવે છે, તે જ સેસ હવે નવી જોગવાઈઓ હેઠળ પણ લાગશે. એટલે કે, GST હેઠળ સિગારેટ, પાન મસાલા અને ગુટખા પર લાગતા હાલના સેસને હવે આ નવા સેસ દ્વારા બદલવામાં આવશે.

સરકાર આ પ્રોડક્ટ પર લાગતા GSTવાળા જૂના સેસને રિપ્લેસ કરી રહી છે, જેથી ટેક્સ કલેક્શનને વધુ સરળ બનાવી શકાય. વર્તમાન સમયમાં સિગારેટ, પાન મસાલા અને ગુટખા પર GST ઉપરાંત વળતર ઉપકર પણ લાગે છે, જેની મુદત પૂરી થઈ રહી છે. સરકાર તે જ સ્ટ્રક્ચરને નવા નામ અને નવા કાયદા હેઠળ આગળ ધપાવવા માંગે છે. જેથી આવકમાં કોઈ ગેપ ન આવે.

આ ફેરફારથી દરોમાં કોઈ વધારો થવાનો નથી એટલે કે હાલ પૂરતી સામાન્ય લોકો માટે કિંમતો પર સીધી અસર જોવા નહીં મળે પરંતુ ટેક્સ સિસ્ટમ બદલાવાથી કંપનીઓ માટે રિપોર્ટિગ અને કમ્પ્લાયન્સમાં ફેરફાર આવશે. ખાસ કરીને સિગારેટ સેક્ટર તો પહેલેથી જ સખત ટેક્સ માહોલમાં કામ કરે છે, એટલે નવો કાયદો તેમની સામે નવા અનુપાલન નિયમો લાવી શકે છે.

સિગારેટ પર સેસ લગાવવા માટે તેને GSTમાંથી હટાવીને સેન્ટ્રલ એકસાઇઝ એક્ટ હેઠળ લાવવામાં આવશે. આવું એટલા માટે કરવામાં આવી રહ્યું છે કે સરકાર પાસે આ પ્રોડક્ટ્સની ટેક્સ મોનિટરિંગ પર વધુ કંટ્રોલ રહે. એકસાઇઝ સ્ટ્રક્ચર દ્વારા ટ્રેકિંગ સરળ બને છે અને ટેક્સ ચોરીના કેસ પણ ઘટે છે.

તમિલનાડુના શિવગંગા જિલ્લાના તિરુપતૂરની પાસે રવિવારે રાજ્ય પરિવહન વિભાગની બે બસો સામ-સામે ટકરાઈ હતી. આ દુર્ઘટનામાં 11 લોકોના મોત થયા છે. જ્યારે 40થી વધુ યાત્રીઓ ઘાયલ થયા છે. મૃતકોમાં આઠ મહિલાઓ, બે બાળકો અને એક પુરુષ સામેલ છે. તમામ ઘાયલોને નજીકની હોસ્પિટલમાં દાખલ કરાયા છે.

શિવગંગા જિલ્લાના પોલીસ સુપરિન્ટેન્ડેન્ટ શિવાપ્રસાદે કહ્યું કે ઘાયલોમાંથી કેટલાકની હાલત ગંભીર છે. રાજ્ય પરિવહન નિગમની બસો સામ-સામે ટકરાઈ છે. આ બંને બસો ડ્રાઇવર સાઇડમાં અથડાઈ, જેના કારણે બસો કાટમાળમાં ફેરવાઈ ગઈ. પીડિતોના મૃતદેહો બસની સીટોમાં ફસાઈ ગયા. જેના કારણે બસના કાચ તોડીને અન્ય યાત્રીઓ અને સ્થાનિક લોકોએ મૃતદેહો બહાર કાઢ્યા હતા. પોલીસના કહેવા મુજબ, ટક્કરના કારણે બંને બસોનો આગળનો ભાગ સંપૂર્ણ ક્ષતિગ્રસ્ત થઈ ગયો છે. આ દુર્ઘટનામાં કેટલાક યાત્રીઓના મોત ઘટનાસ્થળે જ થયા હતા.

દુર્ઘટનાની સૂચના મળતા જ પોલીસ ટીમ ઘટનાસ્થળે પહોંચી ગઈ અને ઘાયલ થયેલા લોકોને ત્વરિત જિલ્લા હોસ્પિટલમાં પહોંચાડવામાં આવ્યા છે. તમિલનાડુના મુખ્યમંત્રી એમકે સ્ટાલિને દુર્ઘટના પર ઊંડા શોકની લાગણી વ્યક્ત કરી છે. ઘાયલોને તાત્કાલિક સારી સારવાર આપવા અને મૃતકોના પરિવારજનોને શક્ય તમામ સહાય આપવા માટે અધિકારીઓને સૂચના આપી છે

દિલ્હી કાર બ્લાસ્ટ મુદ્દે એનઆઈએ જમ્મુ-કાશ્મીરનીા કાજીગુંડ સહિત આઠ સ્થળો પર દરોડો પાડ્યો હતો. આ કાર્યવાહી દિલ્હી કાર બ્લાસ્ટ મુદ્દે મહત્ત્વની માહિતી મેળવવાના ઈરાદે કરવામાં આવી છે. એનઆઈએની ટીમે આજે સવારથી જ જમ્મુ-કાશ્મીરના વિવિધ સ્થળો પર સર્ચ ઓપરેશન શરૂ કર્યું છે. શંકાસ્પદ ગતિવિધિની જાણકારી મળ્યા બાદ આ કાર્યવાહી કરવામાં આવી હતી. એજન્સીનો હેતુ આ પાછળ કોઈ આતંકી સંગઠન કે વ્યક્તિ હોવાની ભાળ મેળવવાનો છે.

NIAની એક ટીમ દ્વારા હાલમાં શોપિયાંમાં મૌલવી ઇરફાનના ઘરે સર્ચ કરી રહી છે. જે દિલ્હી બ્લાસ્ટ કેસના આરોપીઓમાંથી એક છે. તપાસ એજન્સીની એક ટીમ આજે સવારે નદીગામ વિસ્તારમાં પહોંચી હતી અને જ્યાં મૌલવી ઇરફાનના ઘરે સર્ચ ઓપરેશન શરૂ કરવામાં આવ્યું હતું.

તાજેતરમાં દિલ્હીમાં થયેલા એક આતંકવાદી હુમલાએ સમગ્ર દેશને હચમચાવી દીધો હતો. આ હુમલામાં અનેક લોકોએ જીવ ગુમાવ્યો હતો અને તેના કારણે સુરક્ષા એજન્સીઓ હાઇ એલર્ટ પર આવી ગઈ હતી. આ ઘટનાના તુરંત બાદ એનઆઈએ એ આ કેસની તપાસ પોતાના હાથમાં લીધી હતી અને ત્યારથી તે સતત શંકાસ્પદોની ઓળખ કરી રહી છે અને તેમને પકડી રહી છે.

વિશ્વ એઇડ્સ દિવસ દર વર્ષે 1 ડિસેમ્બરે સમગ્ર વિશ્વમાં ઉજવવામાં આવે છે. HIV વાયરસ એક જીવલેણ રોગ છે. એકવાર તે શરીરમાં ઘર કરી જાય છે, તેમાંથી છુટકારો મેળવવો અશક્ય છે અને ઘણી બીમારીઓનું કારણ બને છે. વિશ્વ વર્ષોથી તેની સામે લડવાનો પ્રયાસ કરી રહ્યું છે.

આ રોગને કારણે દર વર્ષે લાખો લોકો મૃત્યુ પામે છે. જ્યારે કોઈને આ રોગ થાય છે, ત્યારે લોકો તેના વિશે ખુલીને વાત કરી શકતા નથી. જેના કારણે લોકો તેની સારવાર પણ કરાવી શકતા નથી. આ અંગે જાગરુકતા આવે તે માટે 1 ડિસેમ્બરે વિશ્વ એઇડ્સ દિવસ તરીકે ઉજવવામાં આવે છે.

વિશ્વ એઇડ્સ દિવસ ઇતિહાસ
વિશ્વ એઇડ્સ દિવસ 1 ડિસેમ્બર 1988 ના રોજ પ્રથમ વખત ઉજવવામાં આવ્યો હતો. આ દિવસનો હેતુ એચઆઈવી અને એઈડ્સના વધતા જતા કેસોને લઈને લોકોને જાગૃત કરવાનો છે. તેના દ્વારા આ રોગના નિવારણ અને બચાવ માટે જાગૃતિ ફેલાવવી જરૂરી છે. આ હેતુથી વિશ્વ એઇડ્સ દિવસની શરૂઆત કરવામાં આવી હતી.

આ દિવસે વિવિધ NGO અને સમુદાયો એઇડ્સ વિશે જાગૃતિ લાવવા માટે વિવિધ ઝુંબેશ ચલાવે છે. વર્લ્ડ હેલ્થ ઓર્ગેનાઈઝેશન મુજબ 2022 સુધીમાં વિશ્વભરમાં આશરે 36 મિલિયન લોકો એચઆઈવીથી સંક્રમિત હતા.

વિશ્વ એઇડ્સ દિવસ 2025 થીમ
દર વર્ષે વિશ્વ એઇડ્સ દિવસ નિમિત્તે એક થીમ નક્કી કરાય છે. આ વર્ષે વિશ્વ એઇડ્સ દિવસની થીમ (Overcoming disruption, transforming the AIDS response) છે. તેનો અર્થ છે કે રુકાવટો પર કાબુ મેળવવો, એઇડ્સના જવાબમાં પરિવર્તન લાવવું.

વિશ્વ એઇડ્સ દિવસનો મુખ્ય ઉદ્દેશ એઇડ્સ રોગ વિશે લોકોમાં જાગૃતિ ફેલાવવાનો છે. આ દિવસે આરોગ્ય ક્ષેત્ર સાથે સંકળાયેલા તમામ વ્યાવસાયિકો, જેમ કે ડોકટરો અને નર્સો સક્રિયપણે ભાગ લે છે. આ દિવસ એઇડ્સથી પ્રભાવિત વ્યક્તિઓના મનોબળને વધારવાની સાથે-સાથે લોકોને નિવારણના પગલાં, પરીક્ષણની માહિતી અને આ રોગ સાથે સંકળાયેલા મિથકોની વાસ્તવિકતા પર ધ્યાન કેન્દ્રિત કરવાની તક પૂરી પાડે છે. આ પ્રસંગે ડોકટરો જાગૃતિ અભિયાન ચલાવે છે અને લોકોને આ વિષય પર ખુલ્લેઆમ ચર્ચા કરવા પ્રેરિત કરે છે.