સુરત જિલ્લાના પલસાણા તાલુકાના દસ્તાન ગામેથી નશીલા પદાર્થોના મોટા રેકેટનો પર્દાફાશ થયો છે. દસ્તાન રેસિડેન્સીમાં NCBએ રેડ પાડી બેગ્લોરથી ડ્રગ્સનો જથ્થો લઈને આવતા ત્રણ ઈસમોને ઝડપી લેવામાં આવ્યા છે. અંદાજે 30 કિલો જેટલો કરોડો રૂપિયાનો ડ્રગ્સનો જથ્થો જપ્ત કરવામાં આવ્યો છે. બીસનોઈ ગેંગના ત્રણ સાગરીતો રૂમ નંબર 397માં રોકાયા હતા.

NCBએ એક કાર સાથે ડ્રગ્સનો જથ્થો કબ્જે કર્યો છે. પોલીસ દ્વારા આરોપીઓની અટકાયત કરી પૂછપરછ શરૂ કરવામાં આવી છે.

મહારાષ્ટ્રના રાજકારણ માટે આજનો દિવસ ગોઝારો સાબિત થયો છે. બારામતી નજીક પ્લેન ક્રેશમાં રાજ્યના નાયબ મુખ્ય પ્રધાન અને રાષ્ટ્રવાદી કોંગ્રેસ પાર્ટી (NCPપી)ના પ્રમુખ અજિત પવારનું નિધન થયું છે. અજિત પવારની સાથે પ્લેનમાં સવાર કુલ પાંચ લોકોના મૃત્યુ થયા છે. અજિત પવારના પર્સનલ વિમાન ક્રેશ થવા મુદ્દે રાજકારણ ગરમાયું છે. પ્લેનમાં માર્યા જનારા લોકોમાં અજિત પવાર સહિત વિદીપ જાધવ, પિંકી માળીનો સમાવેશ થાય છે. જોકે, પિંકી માળી કોણ એ અંગે પણ લોકોમાં કૌતુક જાગ્યું છે ત્યારે એ કોણ છે એની વાત કરીએ.

વિમાન સવારે મુંબઈથી બારામતી માટે રવાના થયું હતું. બારામતી ખાતે વિમાન 8.50 વાગ્યાના સુમારે ઉતરાણ કરવાનું હતું, પરંતુ એના પહેલા અકસ્માત થયો હતો. અજિત પવારના પર્સનલ વિમાન VT-SSK દુર્ઘટનાગ્રસ્ત થયું. ડીજીસીએ જણાવ્યું કે વિમાનમાં પાંચ લોકો સવાર હતા. ડેપ્યુટી સીએમ સહિત બે સહયોગી અને બે ક્રૂ મેમ્બર્સ. અકસ્માતમાં માર્યા જનારાની ઓળખ નાયબ મુખ્ય પ્રધાન અજિત (દાદા) પવાર, મુંબઈ પીએસઓ (પર્સનલ સિક્યોરિટી ઓફિસર) વિદીપ જાધવ, પાઈલટ કેપ્ટન સુમિત કપૂર, કેપ્ટન સંભવી પાઠક અને પિંકી માળી હતી, જે ફ્લાઇટ એટેન્ડન્ટ તરીકે કાર્યરત હતી. પિંકી શિવકુમાર માળી (29) મુંબઈ પ્રભાદેવીની રહેવાસી છે. તે છેલ્લા પાંચ વર્ષથી ક્રૂ મેમ્બર તરીકે કામ કરતી હતી અને અગાઉ અજિત પવાર સાથે ત્રણ વખત પણ ટ્રાવેલ કર્યું હતું.

વિમાનના અકસ્માત અંગે ગ્રામવાસીઓએ કહ્યું હતું કે એરપોર્ટ પર લેન્ડ કર્યા પહેલા અચાનક પ્લેન ક્રેશ થયું હતું. ક્રેશ થયા પછી સમગ્ર વિસ્તારમાં પ્લેનનો કાટમાળ બળેલી હાલતમાં જોવા મળ્યો હતો. પ્લેન ક્રેશ પછી પાંચેક વિસ્ફોટ થયા હતા, જેમાં પાઈલટે પ્લેનને ઉતરાણ કરવાનો પ્રયાસ કર્યો હતો, પરંતુ નિષ્ફળ રહ્યો હતો. રનવેથી લગભગ 100 ફૂટ નજીકથી ક્રેશ થયું હતું.

એવિયેશન સૂત્રોના જણાવ્યાનુસાર વિમાન પહેલી વખત રનવે પર ઉતરાણની કોશિશ કરી હતી, પરંતુ ફર્સ્ટ એપ્રોચ નિષ્ફળ રહ્યો હતો. સુરક્ષિત લેન્ડિંગ નહીં કરવાને કારણે પાઈલટે ગોરાઉન્ડ (ફરી વિમાનને હવામાં લઈ ગયો હતો)નો નિર્ણય લીધો હતો, પણ નિષ્ફળ રહ્યો હતો. આ અકસ્માત માટે ટેક્નિકલ કારણ યા માનવીય ભૂલ અંગે તપાસ કરવામાં આવશે. વિમાન લગભગ 16 વર્ષથી ઉપયોગમાં હતું, પરંતુ અચાનક સર્જાયેલા અકસ્માત અંગે અનેક સવાલો ઊભા થયા છે.

આજે સવારે બારામતીમાં થયેલા પ્લેન ક્રેશમાં મહારાષ્ટ્રના નાયબ મુખ્ય પ્રધાન અને રાષ્ટ્રવાદી કોંગ્રેસ પાર્ટી(NCP)ના વડા અજિત પવારનું અકાળે મોત નીપજ્યું, મહારાષ્ટ્રમાં ત્રણ દિવસના શોકની જાહેરાત કરવામાં આવી છે. એવામાં પશ્ચિમ બંગાળના મુખ્ય પ્રધાન મમતા બેનર્જીએ પ્લેન ક્રેશ પાછળ રાજકીય કાવતરું હોવાની શંકા વ્યક્ત કરી છે.

એક નિવેદનમાં તૃણમૂલ કોંગ્રેસ (TMC) ના વડા મમતા બેનર્જીએ સુપ્રીમ કોર્ટની દેખરેખ હેઠળ તપાસ સમિતિની માંગ કરી. તેમણે અન્ય એજન્સીઓ પર પક્ષપાતના આરોપ લગાવ્યા. મમતા બેનર્જીએ કહ્યું કે તેમણે એવી ચર્ચા સાંભળી હતી કે અજીત પવારે બે દિવસ પહેલા ભાજપથી અલગ થવાની તૈયારી બતાવી હતી અને હવે પ્લેન ક્રેશ થયું.

સુપ્રીમ કોર્ટની દેખરેખ હેઠળ તાપસની માંગ:
મમતા બેનર્જીએ કહ્યું, “મને ખબર નથી કે વિપક્ષી રાજકીય પક્ષોનું શું થશે. તેઓ (અજીત પવાર) શાસક પક્ષ સાથે નજીકથી જોડાયેલા હતા, પરંતુ બે દિવસ પહેલા કોઈએ નિવેદન આપ્યું હતું કે પવાર ભાજપનો સાથ છોડવા તૈયાર છે, અને હવે આજે આ ઘટના બની.”

મમતા બેનર્જીએ કહ્યું “હું માગ કરું છું કે સુપ્રીમ કોર્ટની દેખરેખ હેઠળ આ ક્રેશની યોગ્ય તપાસ કરવામાં આવે. અમને ફક્ત સુપ્રીમ કોર્ટમાં જ વિશ્વાસ છે, અન્ય કોઈ એજન્સી પર નહીં. બધી એજન્સીઓ સંપૂર્ણપણે ખોરવાઈ ગઈ છે.”

મમતા બેનર્જીએ દાવો કર્યો કે અજીત પવાર તેમના કાકા શરદ પવારના નેતૃત્વ હેઠળની રાષ્ટ્રવાદી કોંગ્રેસ પાર્ટી(NCP-SP) સાથે ફરીથી જોડાવાની તૈયારી કરી રહ્યા હતા.

મહારાષ્ટ્રના દિગ્ગજ નેતા અને નાયબ મુખ્યમંત્રી અજિત પવાર આજે એક મહત્વપૂર્ણ કાર્યક્રમમાં હાજરી આપવા માટે મુંબઈથી રવાના થયા હતા. સૂત્રોના જણાવ્યા અનુસાર, તેમનું ખાનગી વિમાન જ્યારે બારામતી એરસ્ટ્રીપ પર ઉતરાણ કરી રહ્યું હતું, ત્યારે અચાનક ટેકનિકલ ખામી સર્જાતા વિમાન નિયંત્રણ બહાર ગયું હતું અને રનવે પાસે ક્રેશ થયું હતું. આ ઘટનાની જાણ થતા જ સ્થાનિક વહીવટી તંત્ર અને ફાયર બ્રિગેડની ટીમો ઘટનાસ્થળે દોડી ગઈ હતી. પ્રાથમિક તપાસમાં જાણવા મળ્યું છે કે પાયલટે વિમાનને સુરક્ષિત ઉતારવા પૂરો પ્રયાસ કર્યો હતો, પરંતુ સફળતા મળી ન હતી.

કોણ કોણ હતું સવાર?
સૂત્રો પાસેથી મળતી માહિતી મુજબ, આ વિમાનમાં અજિત પવારની સાથે તેમના અંગત સચિવ, બે સુરક્ષા ગાર્ડ અને પાયલટ સહિત કુલ 5 થી 6 લોકો સવાર હતા. જે સમયે આ દુર્ઘટના ઘટી ત્યારે આખો વિસ્તાર અચાનક ધણધણી ઉઠ્યો હતો. પ્રાથમિક અહેવાલો પ્રમાણે હાલ અજિત પવારની હાલત ગંભીર હોવાનું જાણવા મળી રહ્યું છે.

અજિત પવાર આજે સવારે મુંબઈથી બારામતી જવા માટે રવાના થયા હતા. તેઓ પોતાના મતવિસ્તારમાં ખેડૂતોના એક વિશાળ સંમેલન અને વિકાસ કાર્યોના લોકાર્પણ કાર્યક્રમમાં ભાગ લેવાના હતા. આ માટે તેઓ સવારે આશરે 9:00 વાગ્યાની આસપાસ મુંબઈ એરપોર્ટ પરથી રવાના થયા હતા. કાર્યક્રમના સ્થળે હજારોની સંખ્યામાં સમર્થકો તેમની રાહ જોઈ રહ્યા હતા, પરંતુ લેન્ડિંગના થોડા સમય પહેલા જ આ અકસ્માત સર્જાતા કાર્યક્રમ સ્થગિત કરી દેવામાં આવ્યો છે.

અત્યારે સમગ્ર મહારાષ્ટ્રમાં આ ઘટનાની ચર્ચા થઈ રહી છે. એવિએશન સેફ્ટીની ટીમ પણ ઘટનાસ્થળે પહોંચીને તપાસ કરી રહી છે કે શું આ દુર્ઘટના પાછળ કોઈ જૂનું એન્જિન જવાબદાર હતું કે પછી લેન્ડિંગ સમયે કોઈ અન્ય ખામી સર્જાઈ હતી.

મહારાષ્ટ્રના બારામતીમાં એક વિમાન દુર્ઘટનામાં મહારાષ્ટ્રના નાયબ મુખ્યમંત્રી અજિત પવારનું અવસાન થયું છે. વિમાન દુર્ઘટના લેન્ડિંગ દરમિયાન થઈ હતી. આ પહેલીવાર નથી જ્યારે કોઈ રાજકીય નેતાનું વિમાન દુર્ઘટનામાં મૃત્યુ થયું હોય. ચાલો જાણીએ કે આવા વિમાન દુર્ઘટનામાં અન્ય કયા રાજકારણીઓના મોત થયા છે.

એર ઇન્ડિયાના દુ:ખદ વિમાન દુર્ઘટનામાં વિજય રૂપાણીનું મોત નીપજ્યું.
ગયા વર્ષે 12 જૂનના રોજ ગુજરાતના અમદાવાદમાં એર ઇન્ડિયાનું વિમાન ક્રેશ થયું હતું. આ અકસ્માતમાં ગુજરાતના ભૂતપૂર્વ મુખ્યમંત્રી વિજય રૂપાણીનું મૃત્યુ થયું હતું. વિમાનમાં સવાર 242 લોકોમાંથી ફક્ત એક જ વ્યક્તિ બચી ગયો હતો.

હેલિકોપ્ટર દુર્ઘટનામાં જીએમસી બાલયોગીનું મોત
લોકસભાના અધ્યક્ષ અને તેલુગુ દેશમ પાર્ટીના નેતા જીએમસી બાલયોગીનું ૩ માર્ચ, 2002ના રોજ હેલિકોપ્ટર દુર્ઘટનામાં અવસાન થયું હતું. તેઓ આંધ્રપ્રદેશના પશ્ચિમ ગોદાવરી જિલ્લાના ભીમાવરમથી પરત ફરી રહ્યા હતા ત્યારે તેમનું હેલિકોપ્ટર કૃષ્ણા જિલ્લાના કૈકાલુર નજીક તળાવમાં ક્રેશ થયું હતું.

હરિયાણાના મંત્રી ઓમ પ્રકાશ જિંદાલનું દુઃખદ અવસાન
ઓપી જિંદાલ અને સુરેન્દ્ર સિંહ (2005): ઉદ્યોગપતિ અને હરિયાણાના મંત્રી ઓમ પ્રકાશ જિંદાલ અને કૃષિ મંત્રી સુરેન્દ્ર સિંહનું 2005માં હેલિકોપ્ટર દુર્ઘટનામાં મૃત્યુ થયું હતું. દિલ્હીથી ચંદીગઢ જઈ રહેલું તેમનું હેલિકોપ્ટર ઉત્તર પ્રદેશના સહારનપુરમાં ક્રેશ થયું હતું.

વાયએસ રાજશેખર રેડ્ડીનું વિમાન દુર્ઘટનામાં અવસાન થયું.
આંધ્રપ્રદેશના તત્કાલીન મુખ્યમંત્રી, વાય. એસ. રાજશેખર રેડ્ડી (2009), જેઓ વાયએસઆર તરીકે જાણીતા હતા, તેમનું ૨ સપ્ટેમ્બર 2009ના રોજ હેલિકોપ્ટર દુર્ઘટનામાં અવસાન થયું હતું.

સંજય ગાંધીનું વિમાન દુર્ઘટનામાં મૃત્યુ થયું હતું.
કોંગ્રેસ નેતા અને તત્કાલીન વડા પ્રધાન ઇન્દિરા ગાંધીના પુત્ર અને પાઇલટ સંજય ગાંધીનું 23 જૂન, 1980 ના રોજ એક હવાઈ દુર્ઘટનામાં અવસાન થયું. સંજય સફદરજંગ એરપોર્ટ નજીક દિલ્હી ફ્લાઈંગ ક્લબનું વિમાન ઉડાડી રહ્યા હતા. વિમાને અચાનક કાબુ ગુમાવ્યો અને ક્રેશ થયું.

માધવરાવ સિંધિયાનું વિમાન દુર્ઘટનામાં દુઃખદ અવસાન થયું.
કોંગ્રેસના વરિષ્ઠ નેતા માધવરાવ સિંધિયાનું 30 સપ્ટેમ્બર, 2001ના રોજ વિમાન દુર્ઘટનામાં અવસાન થયું હતું. તેઓ 10 સીટવાળા ખાનગી વિમાનમાં કાનપુર જઈ રહ્યા હતા ત્યારે ઉત્તર પ્રદેશના મૈનપુરી નજીક ખરાબ હવામાનને કારણે વિમાન દુર્ઘટનાગ્રસ્ત થયું હતું.

સીડીએસ જનરલ બિપિન રાવતનું હેલિકોપ્ટર દુર્ઘટનામાં અવસાન
ભારતના પ્રથમ ચીફ ઓફ ડિફેન્સ સ્ટાફ (CDS) જનરલ બિપિન રાવતનું 8 ડિસેમ્બર, 2021 ના ​​રોજ હેલિકોપ્ટર દુર્ઘટનામાં અવસાન થયું હતું. આ ઘટના તમિલનાડુના કુન્નુર નજીક બની હતી જ્યારે તેઓ તેમની પત્ની અને અન્ય 11 લોકો સાથે સુલુરથી વેલિંગ્ટન જઈ રહ્યા હતા.