અમદાવાદના સરદાર વલ્લભભાઈ પટેલ ઇન્ટરનેશનલ એરપોર્ટ પર જાહેરમાં નમાઝ પઢવામાં આવી હોવાનો એક વીડિયો સોશિયલ મીડિયામાં વાઇરલ થયો છે. આ ઘટના વહેલી સવારે અંદાજે સાડાપાંચ વાગ્યાની આસપાસ બની હોવાનું સામે આવ્યું છે, જેમાં હજારો લોકોની અવરજવર હોય એવી જગ્યાએ નમાઝ પઢવામાં આવી હતી. આ સમયે એક મુસાફરે આ સમગ્ર દૃશ્યો પોતાના મોબાઈલમાં કેદ કર્યા હતા, જે હાલ સોશિયલ મીડિયામાં વાઇરલ થઈ રહ્યાં છે.

આ વીડિયોમાં જોઈ શકાય છે કે મુસાફરો દ્વારા બોર્ડિંગ પાસ મેળવ્યા બાદ અને ફ્લાઈટમાં બેસવા જતી વખતે નમાઝ પઢવામાં આવી હતી. મહત્ત્વનું છે કે આ પહેલાં પણ અમદાવાદમાં સહિત અને જિલ્લામાં જાહેર બાગ-બગીચા કે એસટી સ્ટેન્ડ પર નમાઝ પઢવાની ઘટનાઓ સામે આવતી હતી, પરંતુ હવે એરપોર્ટ જેવી અત્યંત સુરક્ષિત ગણાતી જગ્યાએ પણ આવો જ કિસ્સો જોવા મળ્યો છે.

મળતી માહિતી મુજબ, એક મુસાફરે વીડિયો બનાવીને સોશિયલ મીડિયા પર જણાવ્યું હતું કે, આજે સવારે એટલે કે, 10 ફેબ્રુઆરી 2026ના રોજ સવારે અમદાવાદથી મુંબઈની ફ્લાઇટ હોવાથી 5:30 વાગ્યે એરપોર્ટ પર આવ્યો. સિક્યુરિટી ચેક પતાવીને જ્યારે હું ટર્મિનલ-1ના ફર્સ્ટ ફ્લોર પર આવ્યો, ત્યારે મેં અમુક ડિસ્ટર્બિંગ ઘટના જોઈ. કોઈ ગ્રુપ ત્યાં નમાઝ અદા કરી રહ્યું હતું. એ જોઈને તુરંત જ હું શોક થઈ ગયો અને મેં ત્યાં ઊભા રહીને વીડિયો શૂટ કરી લીધો.

આ અંગે એરપોર્ટના સૂત્રો તરફથી મળતી માહિતી અનુસાર, પેસેન્જર્સ મૂવમેન્ટ સ્મૂથ જ હતી. કોઈ પેસેન્જર્સને કોઈ પણ પ્રકારની તકલીફ પડી ન હતી. તેમની પાસે કોઈ પેસેન્જરની ફરિયાદ આવી નથી.

CISFની ટીમમાં આ અંગે વાત કરી હતી તો CISFનું પણ એવું કહેવું હતું કે અમારી પાસે કોઈ પેસેન્જર ફરિયાદ લઈને આવ્યું નથી. એરપોર્ટ પર સુરક્ષામાં તૈનાત CISFને પણ આ અંગે જાણ કરવામાં આવી હોવાનું ચર્ચાઈ રહ્યું છે. વીડિયોમાં માત્ર એક વ્યક્તિ જ નહીં પરંતુ એક આખો સમૂહ નમાઝ પઢતો હોવાનું નજરે પડી રહ્યો છે. આ મામલે અત્યાર સુધી અમદાવાદ એરપોર્ટ ઓથોરિટી તરફથી કોઈ સત્તાવાર સ્પષ્ટતા કરવામાં આવી નથી કે કોઈ પણ પ્રકારની કાયદેસરની કાર્યવાહી થઈ છે કે કેમ તેની વિગતો હજુ સામે આવી નથી.

એરપોર્ટના સૂત્રો તરફથી મળતી માહિતી અનુસાર, T1 એટલે કે ટર્મિનલ 1માં પ્રેયર રૂમ નથી. કેમકે ત્યાં કન્સ્ટ્રક્શનનું કામ ચાલી રહ્યું છે. T2 પર પ્રેયર રૂમ છે કારણકે 99 ટકા ફ્લાઇટ ત્યાંથી ઓપરેટ થતી હોય છે. જેદ્દાહ જેવી જગ્યા પર જવા માટેની 99% ફ્લાઇટ T2 પરથી ઓપરેટ થાય છે. અને T2 પર તો લોકો રેગ્યુલર્લી આ પ્રેયર રૂમનો ઉપયોગ કરતા હોય છે. કેમકે ત્યાંથી લોકો વધુ જેદ્દાહ અને એ તરફ ટ્રાવેલ કરતા હોય છે. હજયાત્રીઓ પણ ત્યાંથી જ પ્રેયર કરતા હોય છે. અને જ્યારે આ લોકો પ્રેયર કરી રહ્યા હતા ત્યારે અમારા કોઈ કર્મચારીએ જઈને તેઓને ડિસ્ટર્બ કર્યું ન હતું. કેમકે તેમની પ્રેયર ચાલુ થઈ ગઈ હતી.

ઉત્તર પ્રદેશના મથુરામાં પરિવારના પાંચ સભ્યોના દુઃખદ મોતથી સમગ્ર વિસ્તારમાં શોક છવાઈ ગયો છે. મહાવન પોલીસ સ્ટેશન વિસ્તાર હેઠળના ખપ્પરપુર ગામમાં એક પતિ, પત્ની અને ત્રણ બાળકોએ ઝેર પીને આત્મહત્યા કરી. પોલીસ ઘટનાસ્થળે પહોંચી છે અને ઘટનાની તપાસ કરી રહી છે. મૃતદેહોને કસ્ટડીમાં લઈ પોસ્ટમોર્ટમ માટે મોકલવામાં આવ્યા છે.

પ્રારંભિક માહિતી અનુસાર, પીડિતોએ સોમવારે રાત્રે ઝેર ભેળવેલું દૂધ પીધું હતું. મોડી સવાર સુધી પરિવારના સભ્યો જાગ્યા ન હતા ત્યારે આ ઘટના પ્રકાશમાં આવી હતી. ત્યારબાદ પડોશીઓએ પોલીસને જાણ કરી હતી. પોલીસનું કહેવું છે કે તેઓ ઘટનાસ્થળેથી પુરાવા એકઠા કરી રહ્યા છે અને પરિવારના સભ્યો અને ગ્રામજનોની પૂછપરછ કરી રહ્યા છે. પોસ્ટમોર્ટમ રિપોર્ટ આવ્યા પછી મૃત્યુનું ચોક્કસ કારણ સ્પષ્ટ થશે.

આ ઘટના તહસીલ મહાવન વિસ્તાર હેઠળના ખપ્પર પુર ગામની છે. અહીં 35 વર્ષીય ખેડૂત મનીષ, તેની પત્ની સીમા, બે પુત્રીઓ હની અને પ્રિયાંશી અને બે વર્ષના પુત્ર પંકજના મૃતદેહ મળી આવ્યા હતા. આત્મહત્યા પહેલા એક સુસાઇડ નોટ પણ લખેલી હતી. એવું કહેવાય છે કે મનીષના લગ્ન આઠ વર્ષ પહેલા મદનાઈ સદાબાદમાં થયા હતા. મનીષના બે ભાઈઓ છે, જેઓ ગામમાં અલગ અલગ ઘરમાં રહે છે. મનીષ તેની પત્ની અને બાળકો સાથે આ ઘરમાં રહેતો હતો.

નિર્દોષ ધેવતા અને ધેવતીના મૃત્યુના સમાચાર મળતા જ વિજેન્દ્ર પણ પુત્રી સીમા અને જમાઈ મનીષ સાથે ગામમાં પહોંચી ગયો. વિજેન્દ્રએ જણાવ્યું કે તે એક દિવસ પહેલા જ તેની પુત્રી અને જમાઈને મળવા આવ્યો હતો. તેણે તેમની સાથે વાત પણ કરી હતી. તેને ખ્યાલ નહોતો કે આવું કંઈક થશે. તેણે કહ્યું કે કોઈ પણ પ્રકારની સમસ્યા નથી, પરંતુ મનીષનો તેના ભાઈ બિલ્લુ સાથે છેલ્લા કેટલાક સમયથી વિવાદ ચાલી રહ્યો હતો.

સુરત શહેરના લાલગેટ વિસ્તારમાં આવેલા હરિપુરા સૌય શેરીમાં સામૂહિક આપઘાતની હૃદયદ્રાવક ઘટના સામે આવી છે. એક જ પરિવારના પતિ, પત્ની અને પુત્રે ઝેરી દવા પી લેતા ત્રણેયના મોત નિપજ્યા છે. ઘટનાની જાણ થતાં જ પોલીસ તાત્કાલિક સ્થળ પર પહોંચી હતી અને વધુ તપાસ શરૂ કરી છે.

મળતી માહિતી મુજબ, મૃતકોમાં 36 વર્ષીય ફૈઝ અહેમદ, તેમની પત્ની 32 વર્ષીય મુબીના અહેમદ અને 13 વર્ષીય પુત્ર નોમાન અહેમદનો સમાવેશ થાય છે. જાણવા મળ્યા મુજબ આ પરિવાર અઠવાડિયા પહેલાં જ સાઉદી અરેબિયાની યાત્રા કરીને સુરત પરત આવ્યો હતો. પરિવાર ટેલરિંગના વ્યવસાય સાથે સંકળાયેલો હતો. હાલ સામૂહિક આપઘાત પાછળનું ચોક્કસ કારણ જાણવા મળ્યું નથી અને પોલીસ તમામ પાસાઓ પરથી તપાસ કરી રહી છે.

મુંબઈ-અમદાવાદ હાઈવે પર એક ભયાનક કાર અકસ્માત સર્જાયો જેમાં આંતરરાષ્ટ્રીય શૂટર સંભાજી પાટિલનું દુઃખદ મૃત્યુ થયું જ્યારે ડ્રાઇવર ગંભીર રીતે ઈજાગ્રસ્ત થયો. પાલઘર નજીકના દુર્વેસ વિસ્તારમાં જ્યારે તેઓ તાલીમ માટે અમદાવાદ જઈ રહ્યા હતા ત્યારે આ અકસ્માત સર્જાયો હતો. જેનાથી રમત-જગતમાં શોકનું મોજું ફરી વળ્યું છે.

કારના આગળના ભાગના હિસ્સાનો નીકળી ગયો કચ્ચરઘાણ
સોમવારે સવારે લગભગ 10 વાગ્યાની આસપાસ અકસ્માત થયો. પાલઘર નજીક દુર્વેસમાં હેરિટેજ ડેરીની સામે ગુજરાત તરફ જતી એક ઝડપી ફોર્ચ્યુનર કાર (BR 05 PB 5055)એ કાબુ ગુમાવ્યો અને આગળના ભારે વાહન સાથે અથડાઈ. ભયાનક ટક્કરમાં કારનો આગળનો ભાગ સંપૂર્ણપણે નુકસાન થયું. અકસ્માત એટલો ગંભીર હતો કે, ડ્રાઇવરની બાજુમાં બેઠેલા 27 વર્ષીય આંતરરાષ્ટ્રીય શૂટર સંભાજી શિવાજીરાવ ઝાંઝન પાટિલનું ઘટનાસ્થળે જ મૃત્યુ થયું. કાર ચાલક યશ પ્રસાદ ચૌધરી (૨૩ વર્ષ)ને ઈજાઓ થઈ હતી અને તેમને સારવાર માટે મનોર ગ્રામીણ હોસ્પિટલમાં દાખલ કરવામાં આવ્યા. મનોર પોલીસ સ્ટેશનમાં અકસ્માત માટે જવાબદાર ડ્રાઇવર વિરુદ્ધ કેસ નોંધવામાં આવ્યો છે.

મહારાષ્ટ્રના રમતગમત જગતમાં શોક
આંતરરાષ્ટ્રીય શૂટરના અચાનક અવસાનથી મહારાષ્ટ્રના રમતગમત જગતમાં ઘેરો શોક છવાઈ ગયો છે. આંતરરાષ્ટ્રીય શૂટર સંભાજી પાટિલ બાલેવાડી સ્પોર્ટ્સ કોમ્પ્લેક્સમાં રમતગમત અધિકારી (ગ્રુપ બી) તરીકે કાર્યરત હતા. તાલીમ માટે અમદાવાદ જતા સમયે મુંબઈ-અમદાવાદ હાઇવે પર પાલઘર નજીક થયેલા દુ:ખદ અકસ્માતમાં તેમનું મૃત્યુ થયું.

આજના મુખ્ય સમાચાર દેશની સંસદ પર કેન્દ્રિત રહેવાની શક્યતા છે. વિરોધ પક્ષો લોકસભા અધ્યક્ષ ઓમ બિરલા સામે અવિશ્વાસ પ્રસ્તાવ લાવી શકે છે. અધ્યક્ષ સામે નોટિસ ક્યારે પહોંચાડવી તે અંગે આજે નિર્ણય લેવામાં આવશે. ભાજપના મહિલા સાંસદોએ લોકસભા અધ્યક્ષ ઓમ બિરલાને પત્ર લખીને વિનંતી કરી છે કે ગૃહ પરિસરમાં આવા ઘૃણાસ્પદ કૃત્યો કરનારા અને આપણી લોકશાહી સંસ્થાઓને બદનામ કરનારા વિપક્ષી સાંસદો સામે નિયમોમાં શક્ય તેટલી કડક કાર્યવાહી કરવામાં આવે.

આ ઉપરાંત, વિદેશ બાબતોની સંસદીય સ્થાયી સમિતિ મંગળવારે સાંજે 4:30 વાગ્યે મળશે. શશિ થરૂરે આ બેઠકમાં વિદેશ સચિવ અને વાણિજ્ય સચિવને આમંત્રણ આપ્યું છે. બંનેને રશિયા પાસેથી વેપાર સોદા અને તેલ ખરીદી પર પૂછપરછ કરવામાં આવે તેવી અપેક્ષા છે. દરમિયાન, સુપ્રીમ કોર્ટ આજે પશ્ચિમ બંગાળમાં SIR પ્રક્રિયા પર પણ સુનાવણી કરશે. રાજ્યમાં SIR પ્રક્રિયા નવેમ્બર 2025 માં શરૂ થઈ હતી.

સંસદમાં હોબાળો થવાની શક્યતા
વિરોધ પક્ષો લોકસભા અધ્યક્ષ ઓમ બિરલા સામે અવિશ્વાસ પ્રસ્તાવ લાવી શકે છે. અધ્યક્ષ સામે નોટિસ ક્યારે પહોંચાડવી તે અંગે આજે નિર્ણય લેવામાં આવશે. ભાજપના મહિલા સાંસદોએ લોકસભા અધ્યક્ષ ઓમ બિરલાને પત્ર લખીને વિનંતી કરી છે કે ગૃહ પરિસરમાં આવા ઘૃણાસ્પદ કૃત્યો કરનારા અને આપણી લોકશાહી સંસ્થાઓને બદનામ કરનારા વિપક્ષી સાંસદો સામે નિયમોમાં શક્ય તેટલી કડક કાર્યવાહી કરવામાં આવે.

વિપક્ષ લોકસભા સ્પીકર ઓમ બિરલા સામે અવિશ્વાસ પ્રસ્તાવ લાવવાની તૈયારી કરી રહ્યું છે. સૂત્રોના જણાવ્યાનુસાર,વિપક્ષ નેતાઓએ કોંગ્રેસના સાંસદ રાહુલ ગાંધી સાથે મુલાકાત કરી છે. જો વિપક્ષને સંસદમાં બોલવાની મંજૂરી નહીં મળે તો તે અવિશ્વાસ પ્રસ્તાવ લાવશે.

આજે લોકસભામાં વિપક્ષનો ભારે હોબાળા
સૂત્રોના જણાવ્યાનુસાર,વિપક્ષનો દાવો છે કે રાહુલ ગાંધી સાંસદોના સસ્પેન્શન અને મહિલા સાંસદો પરના આરોપો પર લોકસભામાં બોલવા માંગતા હતા. તે બોલવાની મંજૂરી માંગી રહ્યા હતા. સોમવારે સવારે (નવમી ફેબ્રુઆરી) લોકસભામાં વિપક્ષના હોબાળા બાદ સંસદની કાર્યવાહી બપોરે 12 વાગ્યા સુધી સ્થગિત કરવામાં આવી હતી.

આસામના સીએમ સામે કાર્યવાહીની માંગ
વિપક્ષી સાંસદોએ પણ આસામના મુખ્યમંત્રી હિમંતા બિસ્વા શર્મા સામે કાર્યવાહીની માંગ કરી છે. કોંગ્રેસના સાંસદ ઇમરાન પ્રતાપગઢીએ કાર્યવાહીની માંગ કરતા કહ્યું કે, ‘મુખ્યમંત્રી તરીકે હિમંતા બિસ્વા શર્મા આવા વીડિયો બનાવે છે, જેને આસામ ભાજપ પોસ્ટ કરે છે અને તેને ડિલીટ કરાવી દે છે. વડાપ્રધાન, ગૃહમંત્રી અને ભાજપના રાષ્ટ્રીય અધ્યક્ષે તેમની સામે કાર્યવાહી કરવી જોઈએ.’