ભારતીય ટેલિવિઝનના સુવર્ણ યુગના પ્રતીક અને દૂરદર્શન (DD)ના પ્રખ્યાત ન્યૂઝ એન્કર સરલા મહેશ્વરીનું આજે 12 ફેબ્રુઆરી, 2026ના રોજ દિલ્હીમાં અવસાન થયું છે. તેઓ 71 વર્ષના હતા. તેમના નિધનના સમાચારથી દેશભરમાં શોકની લહેર ફેલાઈ ગઈ છે, અને ઘણા પૂર્વ સાથીઓ તથા પ્રશંસકોએ તેમને શ્રદ્ધાંજલિ આપી છે.

તેઓ 1976થી 2005 સુધી દૂરદર્શનમાં ન્યૂઝ એન્કર તરીકે કાર્યરત રહ્યા હતા. 1980 અને 1990ના દાયકામાં તેઓ તેમના શાંત અવાજ, સરળ શૈલી અને દોષરહિત હિન્દી ઉચ્ચારણ માટે ખૂબ જાણીતા બન્યા હતા. તેમની હાજરી ટેલિવિઝન પર એક અનોખી ઔરા ઉભી કરતી હતી, અને તેઓ સરળતા અને વિનમ્રતાનું પ્રતીક માનવામાં આવતા હતા.

તેમણે ઘણી મહત્વપૂર્ણ ઘટનાઓના સમાચાર વાંચ્યા હતા, જેમાં 1991માં પૂર્વ વડાપ્રધાન રાજીવ ગાંધીના અવસાનના સમાચારનો સમાવેશ થાય છે. તેઓ પંજાબમાં આતંકવાદના સમયે પણ નિર્ભયપણે સમાચાર પ્રસ્તુત કરતા હતા, જ્યારે તેમને જાનથી મારી નાખવાની ધમકીઓ પણ મળી હતી. 1997માં મધર ટેરેસાના અંતિમ સંસ્કારને કવર કર્યા બાદ તેઓએ પરિવારને વધુ સમય આપવાનો નિર્ણય લીધો હતો.

તેમના પૂર્વ સાથી ન્યૂઝ એન્કર શમ્મી નારંગે તેમને શ્રદ્ધાંજલિ આપતા કહ્યું કે, “તેઓ કૃપા અને વિનમ્રતાનું પ્રતીક હતા. તેમની હાજરી દરેક જગ્યાને ઉજ્જવળ બનાવતી હતી.” અન્ય પત્રકારો અને પ્રશંસકોએ પણ તેમને યાદ કરીને કહ્યું કે, તેમના યુગમાં સમાચાર વાંચવું એક કલા હતી, જે આજના ચીસાચીસવાળા મીડિયાથી તદ્દન અલગ હતી.સરલા મહેશ્વરીના પતિ પવન મહેશ્વરી અને પરિવારમાં એક પુત્ર અને એક પુત્રી છે. તેમના અવસાનથી ટેલિવિઝન જગતે એક મહાન વ્યક્તિત્વ ગુમાવ્યું છે.

અભિનેતા રાજપાલ યાદવ એકવાર ફરી કાયદાકીય મામલાને લઈને ચર્ચામાં છે. દેવા સાથે જોડાયેલા જૂના વિવાદમાં કોર્ટના નિર્દેશ બાદ તેમને ન્યાયિક કસ્ટડીમાં લેવામાં આવ્યા છે. આ દરમિયાન બોલિવૂડના ઘણા મોટા નામ તેમના સમર્થનમાં સામે આવ્યા છે અને આર્થિક તથા પ્રોફેશનલ મદદનો ભરોસો આપ્યો છે.

રાજપાલ યાદવના મેનેજર ગોલ્ડીના જણાવ્યા અનુસાર, ફિલ્મ જગતના ઘણા કલાકારોએ આ મુશ્કેલ સમયમાં તેમનો સાથ આપ્યો છે. તેમણે જણાવ્યું કે સોનુ સૂદ, સલમાન ખાન અને અજય દેવગણ જેવા કલાકારોએ સમર્થન દર્શાવ્યું છે. નિર્દેશક ડેવિડ ધવન, નિર્માતા રતન જૈન અને અભિનેતા વરુણ ધવન સહિત અન્ય લોકો પણ મદદ માટે આગળ આવ્યા છે.મેનેજરે કહ્યું કે ઘણા લોકોએ આર્થિક સહયોગની ખાતરી આપી છે, પરંતુ આ પ્રકારની નાણાકીય પ્રક્રિયાઓ તરત પૂર્ણ થતી નથી. તેમણે એમ પણ ઉમેર્યું કે અભિનેતાનો પરિવાર માનસિક રીતે મજબૂત છે અને સૌને આશા છે કે કાયદાકીય પ્રક્રિયા ટૂંક સમયમાં સકારાત્મક દિશામાં આગળ વધશે.

શું છે આખો મામલો?

આ મામલો વર્ષ 2010 સાથે જોડાયેલો છે, જ્યારે રાજપાલ યાદવે તેમના નિર્દેશનમાં બનેલી ફિલ્મ ‘અતા પતા લાપતા’ ના નિર્માણ માટે એક ખાનગી કંપની પાસેથી આશરે ₹5 કરોડનું દેવું લીધું હતું. ફિલ્મ બોક્સ ઓફિસ પર સફળ ન રહી અને ચુકવણીમાં વિલંબ થયો. ત્યારબાદ આપવામાં આવેલા ચેક બાઉન્સ થયા, જેના પછી કાયદાકીય કાર્યવાહી શરૂ થઈ.

2018 માં કોર્ટે નેગોશિયેબલ ઇન્સ્ટ્રુમેન્ટ્સ એક્ટની કલમ 138 હેઠળ રાજપાલ યાદવ અને તેમની પત્નીને દોષિત ઠેરવી સજા સંભળાવી હતી. બાદમાં હાઈકોર્ટે સજા પર સ્ટે આપીને બાકી રકમ ચૂકવવાની તક આપી હતી. સમય જતાં વ્યાજ સાથે આ રકમ વધીને લગભગ ₹9 કરોડ સુધી પહોંચી ગઈ છે.અહેવાલો અનુસાર, અભિનેતાએ અત્યાર સુધી આંશિક ચુકવણી કરી છે, પરંતુ પૂરેપૂરી રકમ જમા ન થવાને કારણે કોર્ટે કડક વલણ અપનાવ્યું. તાજેતરમાં વધારાના સમયની માંગ કરતી અરજી ફગાવી દેવામાં આવ્યા બાદ તેમને આત્મસમર્પણ કરવું પડ્યું હતું.

આર્થિક મદદની ઓફર

સૂત્રોના જણાવ્યા અનુસાર, કેટલાક કલાકારો અને જાહેર હસ્તીઓએ નાણાકીય સહયોગની જાહેરાત કરી છે. જાણવા મળ્યું છે કે સોનુ સૂદએ તેમને પોતાની આગામી ફિલ્મમાં રોલ અને એડવાન્સ રકમ આપવાની ઓફર કરી છે. આ સિવાય અન્ય કેટલાક લોકોએ પણ લાખો રૂપિયાની મદદની જાહેરાત કરી છે, જેથી બાકી રકમ ચૂકવવામાં અને જામીન પ્રક્રિયામાં મદદ મળી શકે.

હવે સૌની નજર કોર્ટની આગામી સુનાવણી પર ટકેલી છે. જો જામીન મળે છે, તો રાજપાલ યાદવને કામચલાઉ રાહત મળી શકે છે, જોકે દેવા સાથે જોડાયેલો મૂળ વિવાદ હજુ પૂરો થયો નથી.