દિલ્હી વિધાનસભા પરિસરમાં આજે મોટી સુરક્ષા ચૂક સામે આવી છે. એક અજાણી સફેદ કાર ગેટ તોડીને અંદર ઘૂસી જતા સમગ્ર વિસ્તારમાં હડકંપ મચી ગયો હતો. આ ઘટનાએ વિધાનસભાની સુરક્ષા વ્યવસ્થા અંગે ગંભીર પ્રશ્નો ઉભા કર્યા છે. વાહન કેવી રીતે પ્રવેશવામાં સફળ રહ્યું તે નક્કી કરવા માટે હાલમાં તપાસ ચાલી રહી છે. પોલીસ સીસીટીવી ફૂટેજની તપાસ કરી રહી છે, અને વાહનના ડ્રાઇવરને ઓળખવાના પ્રયાસો ચાલુ છે.
પ્રાપ્ત માહિતી મુજબ, ઘટના દરમિયાન UP નંબરની સફેદ ટાટા સિયેરા કાર મોલ રોડ તરફના બંધ ગેટને તોડીને VIP એન્ટ્રી મારફતે અંદર પ્રવેશી હતી. આ ઘટના લગભગ બપોરે 2:05 વાગ્યે બની હતી. કાર વિધાનસભાના સ્પીકરના રૂમ બહાર પહોંચી અને ત્યાં એક ગુલદસ્તો મૂકીને તરત જ ફરાર થઈ ગઈ હતી. ઘટનાની જાણ થતાં જ સુરક્ષા કર્મચારીઓ અને પોલીસ દોડતી થઈ ગઈ હતી.
#WATCH | Visuals from Delhi Assembly premises after a car tried to enter the premises forcefully, breaching the security barriers.
— ANI (@ANI) April 6, 2026
More details are awaited. https://t.co/4DiWFGhXKm pic.twitter.com/c5KfDS6luA
દિલ્હી પોલીસ દ્વારા સમગ્ર પરિસરને ઘેરી લેવામાં આવ્યું છે અને સીસીટીવી ફૂટેજની મદદથી આરોપી વાહન અને ચાલકની ઓળખ કરવાની કામગીરી શરૂ કરવામાં આવી છે. સાથે જ ઉચ્ચ અધિકારીઓ પણ સ્થળ પર પહોંચી તપાસમાં જોડાયા છે.
આ ઘટનાએ દિલ્હી વિધાનસભાની સુરક્ષા વ્યવસ્થાની ગંભીર ખામીઓ સામે લાવી દીધી છે અને હવે સમગ્ર મામલે ઉચ્ચસ્તરીય તપાસની શક્યતા વ્યક્ત થઈ રહી છે.
