ઉત્તરાયણના તહેવારમાં દોરીથી વાહનચાલકોને ઈજા થવાની કે અન્ય બીજા અકસ્માતોની ઘટનાઓ છાશવારે બનતી હોય છે. પણ સુરતમાં એક એવી ઘટના ઘટી છે, જે માતા-પિતા માટે ચિંતા ઉપજાવનારી છે. સુરતના સચિન GIDCમાં પતંગ ચગાવતા બાળકનું કરૂણ મોત થયું છે.
મળતી માહિતી મુજબ પ્રિન્સ ચૌધરી નામનો 13 વર્ષીય બાળક ધાબા પર પતંગ ઉડાવી રહ્યો હતો. તે દરમિયાન પતંગ હાઈટેન્શન વીજલાઈનમાં જઈને ફસાઈ ગયો. પતંગ નીકાળવાનો પ્રયાસ કરવા જતા બાળકે જેવી દોરીને અડી કે વીજળીના જોરદાર કરંટથી ધડાકો થયો અને બાળક ઉછળીને પટકાયો હતો.
સુરતમાં પતંગનાં કારણે એક માસૂમ બાળકનું મોત નીપજ્યું છે. પ્રાથમિક માહિતી અનુસાર, સચીન GIDC વિસ્તારમાં આવેલા કૃષ્ણાનગરમાં 13 વર્ષીય બાળક ઘરનાં ધાબા પર પતંગ ચગાવી રહ્યો હતો. દરમિયાન, પતંગની દોરી હાઈટેન્શન લાઈનમાં લાગી જતાં મોટો ધડાકો થયો હતો. આ ઘટનામાં બાળક ગંભીર રીતે દાઝી જતા હોસ્પિટલ ખસેડાયો હતો.
આ પણ વાંચો :-
