મુંબઈ-અમદાવાદ નેશનલ હાઈવે 48 પર સુંદરપુરા નજીક થયેલા ભયાનક અકસ્માતમાં બાઈક ચાલકનું ઘટનાસ્થળે જ મોત થયું છે. મળતી માહિતી મુજબ, રોંગ સાઈડમાંથી આવી રહેલી એક કાર બાઈક સાથે અથડાતા આ દુર્ઘટના બની હતી.
આ અકસ્માતમાં બાઈક પર સવાર એક મહિલા અને એક બાળકને ગંભીર ઇજાઓ પહોંચી છે. બંનેને તાત્કાલિક સારવાર માટે સયાજી હોસ્પિટલમાં ખસેડવામાં આવ્યા છે. ઘટનાને લઈને સ્થાનિક લોકોએ એમ્બ્યુલન્સ મોડું પહોંચ્યું હોવાના આક્ષેપ પણ કર્યા છે.
અકસ્માતના પગલે સ્થાનિક લોકોમાં ભારે રોષ ફાટી નીકળ્યો હતો. ગુસ્સે ભરાયેલા લોકોએ હાઈવે પર ચક્કાજામ કરી દીધો હતો, જેના કારણે ટ્રાફિક વ્યવસ્થા ખોરવાઈ ગઈ હતી. કપુરાઈ પોલીસ તાત્કાલિક સ્થળ પર પહોંચી પરિસ્થિતિ કાબૂમાં લેવાનો પ્રયાસ કર્યો હતો.
ઉલ્લેખનીય છે કે, અકસ્માત બાદ લગભગ બે કલાક સુધી મૃતદેહ હાઈવે પર જ પડ્યો રહ્યો હતો, જેનાથી લોકોમાં વધુ આક્રોશ જોવા મળ્યો હતો. પોલીસે આગળની કાર્યવાહી હાથ ધરી છે.
