વીર નર્મદ દક્ષિણ ગુજરાત યુનિવર્સિટીમાં દારૂની ખાલી બોટલો મૂકીને યુનિવર્સિટીની પ્રતિષ્ઠાને નુકસાન પહોંચાડવાનો સડ્યાંત્ર દ્વારા રચાયેલ નાટક નિષ્ફળ ગયું છે. સીસીટીવી ફૂટેજની મદદથી આ ઘૂસણખોરી અને બદનામીના પ્રયાસનો ભાંડો ફૂટ્યો છે.
મંગળવારે નર્મદ યુનિવર્સિટીમાં અખિલ ભારતીય વિદ્યાર્થી પરિષદની કારોબારીની જાહેરાત કરાઈ હતી. જેમાં જર્નાલિઝમ અને માસ કોમ્યુનિકેશન વિભાગમાં ભણતો વિદ્યાર્થી વિજય કટારિયાને કોઈ મહત્ત્વનું પદ ન મળતા નારાજ હતો. જેના કારણે વિદ્યાર્થી વહેલી સવારથી જ કેમ્પસમાં થેલા સાથે ફરતો દેખાયો હતો. જેમાં દારૂની ૧૫થી૨૦ ખાલી બોટલો જમા કરી હતી. કળા યાત્રા પૂર્ણ થયા બાદ કુલપતિ તેમજ રજિસ્ટાર સહિતના મહેમાનો ભોજન માટે કન્વેન્શન હોલ પાસે આવેલા ડાઈનિંગ હોલમાં ભોજન લઈ રહ્યા હતા. તે દરમિયાન વિજય કટારિયા દ્વારા ખાલી બોટલો કુલપતિની ગાડીની સામે ફેંકી તમાશો કર્યો હતો. જેને પગલે બુધવારથી શરૂ થયેલા યુવા મહોત્સવ કરતાં વધુ ચર્ચા વિદ્યાર્થીએ કરેલા તમાશાની હતી.
આમ એબીવીપીના બે જૂથો વચ્ચેની લડાઈને કારણે યુનિવર્સિટીની છબિ ખરડાઈ હતી. જેને પગલે કુલપતિ દ્વારા વિદ્યાર્થીનો પ્રવેશ રદ કરવાની કાર્યવાહી પણ દૂર કરવામાં આવી છે. જોકે કળા યાત્રા પૂર્ણ થયા બાદ થયેલા તમાશાને કારણે વિદ્યાર્થીઓ પણ આશ્ચર્યમાં મુકાયા હતા. આમ યુવા મહોત્સવના પ્રથમ દિવસે કળા યાત્રાથી વધુ ચર્ચા વિદ્યાર્થી દ્વારા કરાયેલા તમાશાની હતી.
વિશ્વવિદ્યાલયે આ ઘટના અંગે વેસુ પોલીસ સ્ટેશનમાં ફરિયાદ નોંધાવી છે. પોલીસ તપાસના આદારે વિજય કટારિયા વિરુદ્ધ કડક કાર્યવાહી હાથ ધરવામાં આવી રહી છે. યુનિવર્સિટીના કુલપતિ અને ફેકલ્ટી મેમ્બર્સે આ ઘટનાને ગંભીરતાથી લીધું છે અને કહ્યું છે કે આવી ગતિવિધિઓ શિખશણસ્થાન માટે અનુકૂળ નથી. યુનિવર્સિટી દ્વારા આ અંગે વેસુ પોલીસ મથકમાં પણ જાણ કરવામાં આવી છે.
આ પણ વાંચો :-
