ઓમાનના દરિયાકાંઠા નજીક ઓઇલ ટેન્કર MT Petro Dolphin પર ડ્રોન હુમલાની ઘટના સામે આવી છે. ટેન્કરમાં સવાર 11 ભારતીય નાવિકોમાંથી 9ને સુરક્ષિત બચાવી લેવામાં આવ્યા છે, જ્યારે અન્ય 2 નાવિકો હજુ લાપતા છે. કેન્દ્રીય બંદરો, શિપિંગ અને જળમાર્ગ મંત્રી સર્વાનંદ સોનોવાલે આ અંગે માહિતી આપતાં જણાવ્યું કે લાપતા નાવિકોની શોધ માટે સ્થાનિક કોસ્ટ ગાર્ડની મદદથી સર્ચ અને રેસ્ક્યૂ ઓપરેશન હાથ ધરવામાં આવ્યું છે.
હુમલા બાદ બચાવ કામગીરી તેજ કરવામાં આવી છે અને સંબંધિત અધિકારીઓ સતત સંપર્કમાં રહીને લાપતા નાવિકોને શોધવાના પ્રયાસો કરી રહ્યા છે. હાલમાં સમગ્ર ધ્યાન લાપતા બંને ભારતીય નાવિકોને સુરક્ષિત શોધી કાઢવા પર કેન્દ્રિત છે.
