ભારતીય મહિલા કુસ્તીબાજ વિનેશ ફોગાટનું એશિયન ગેમ્સ 2026માં ભાગ લેવાનું સપનું શનિવારે અધૂરું રહી ગયું. નવી દિલ્હીના આઈજીઆઈ સ્ટેડિયમમાં યોજાયેલા એશિયન ગેમ્સની પસંદગી ટ્રાયલ્સ દરમિયાન સેમિફાઇનલ મુકાબલામાં તેમને નિરાશાજનક પરાજયનો સામનો કરવો પડ્યો હતો.
53 કિલોગ્રામ વજન વર્ગની સેમિફાઇનલ મેચમાં મીનાક્ષી ગોયતે વિનેશ ફોગાટને 6-4ના સ્કોરથી હરાવી ફાઇનલમાં સ્થાન મેળવ્યું હતું. આ હાર સાથે વિનેશ ફોગાટની એશિયન ગેમ્સ 2026માં રમવાની આશાઓ પર પૂર્ણવિરામ લાગી ગયું છે.
મહત્વનું છે કે વિનેશ ફોગાટ ભારતની સૌથી સફળ મહિલા કુસ્તીબાજોમાંની એક માનવામાં આવે છે, પરંતુ આ મહત્વપૂર્ણ ટ્રાયલ્સમાં સેમિફાઇનલ સુધીનો જ તેમનો સફર રહ્યો હતો. મીનાક્ષી ગોયતના શાનદાર પ્રદર્શનના કારણે વિનેશને બહારનો રસ્તો જોવો પડ્યો હતો.
