દેશના સૌથી ધનિક ઉદ્યોગપતિ મુકેશ અંબાણીની કંપની રિલાયન્સ ઇન્ડસ્ટ્રીઝ સાથે જોડાયેલા એક મહત્વના સમાચાર સામે આવ્યા છે. રિલાયન્સ ઇન્ડસ્ટ્રીઝની રિટેલ ફર્મ રિલાયન્સ રિટેલ વેન્ચર્સ લિમિટેડે તેની સહાયક કંપની રિલાયન્સ પ્રોજેક્ટ્સ એન્ડ પ્રોપર્ટી મેનેજમેન્ટ સર્વિસીસ લિમિટેડમાં પોતાનો 100 ટકા હિસ્સો લગભગ 274 કરોડ રૂપિયામાં વેચ્યો છે. આ માહિતી કંપની દ્વારા એક્સચેન્જ ફાઇલિંગમાં આપવામાં આવી છે.
રિલાયન્સ ઇન્ડસ્ટ્રીઝે એક્સચેન્જ ફાઇલિંગમાં શું કહ્યું?
રિલાયન્સ ઇન્ડસ્ટ્રીઝે એક એક્સચેન્જ ફાઇલિંગમાં જણાવ્યું હતું કે, “રિલાયન્સ રિટેલ (જે કંપનીની એક સ્ટેપ-ડાઉન પેટાકંપની છે) કંપનીએ જાણ કરી છે કે તેણે આજે રિલાયન્સ પ્રોજેક્ટ્સ એન્ડ પ્રોપર્ટી મેનેજમેન્ટ સર્વિસીસ લિમિટેડ (RPPMSL) માં તેનો 100 ટકા ઇક્વિટી હિસ્સો જયપુર એન્ક્લેવ પ્રાઇવેટ લિમિટેડ (ખરીદદાર) ને કુલ 274 કરોડ રૂપિયામાં વેચ્યો છે. પરિણામે, RPPMSL હવે તે કંપનીની પેટાકંપની નથી. ખરીદનાર કંપનીના પ્રમોટર/પ્રમોટર પ્રમોટર ગ્રૂપ આ ગ્રૂપ કંપનીઓ સાથે સંલગ્ન નથી.’
RPPMSLની આવક કેટલી હતી?
કંપનીએ એક્સચેન્જ ફાઇલિંગમાં જણાવ્યું હતું કે, “31 માર્ચ, 2025 ના રોજ પૂરા થયેલા નાણાકીય વર્ષ માટે કંપનીના કોન્સોલિડેટેડ ટર્નઓવરમાં RPPMSLનું યોગદાન અનુક્રમે 6,412.60 કરોડ રૂપિયા અને 342.45 કરોડ રૂપિયા હતું, જે અનુક્રમે કુલ 0.06% અને 0.04% છે.” આ વ્યવહાર કોઇ રિલેટેડ ટ્રાન્ઝેક્શન નથી. ’
RPPMSL શેનો બિઝનેસ કરે છે?
રિલાયન્સ પ્રોજેક્ટ્સ એન્ડ પ્રોપર્ટી મેનેજમેન્ટ સર્વિસીસ લિમિટેડની સ્થાપના 19 જૂન 2019ના રોજ કરવામાં આવી હતી. કંપની ગ્રૂપ સપોર્ટ સર્વિસિસ અને આ સર્વિસિસ માટે આવશ્યક સ્કિલ્સ અને ટેલેન્ટને ગ્રૂપ એન્ટિટિઝ, તેના સર્વિસ પ્રોવાઇડર અને ગ્રાહકો વચ્ચે સેન્ટ્રલાઇઝ કરે છે. તેમા અન્ય બાબતો સાથે, મેનપાવર, પ્રોજેક્ટ્સ અને મિલકત વ્યવસ્થાપનનો સમાવેશ થાય છે.
રિલાયન્સ ઇન્ડસ્ટ્રીઝના શેરની કિંમત
બીએસઈની સત્તાવાર વેબસાઈટ અનુસાર, રિલાયન્સ ઈન્ડસ્ટ્રીઝનો શેર સોમવારે 2.64 ટકાના ઘટાડા સાથે 1314.55 રૂપિયા પર બંધ રહ્યો હતો. તેની દિવસની ઉચ્ચ સપાટી 1314.55 રૂપિયા અને દિવસની નીચી સપાટી 1327.75 રૂપિયા હતી. કંપનીનું માર્કેટ કેપ 17,78,911.19 કરોડ રૂપિયા છે. છેલ્લા 3 મહિનામાં કંપનીના શેરમાં લગભગ 9.44 ટકાનો ઘટાડો જોવા મળ્યો છે.
