શેરબજારમાં અસ્થિરતાના પગલે આઈપીઓ માર્કેટમાં કામકાજ ઘટી ગયા છે. 13 એપ્રિલથી શરૂ થયેલા નવા અઠવાડિયા દરમિયાન પ્રાયમરી માર્કેટમાં માત્ર બે નવા આઈપીઓ ખુલી રહ્યા છે, જેમા એક મેઇનબોર્ડ ઇશ્યૂ છે. ઉપરાંત પાછલા અઠવાડિયે ખુલેલા બે આઈપીઓમાં રોકાણ કરવાની છેલ્લી તક મળશે. તે બંને મેઇનબોર્ડ IPO છે. શેરબજારમાં નવી શેર લિસ્ટિંગની વાત કરીયે તો બે કંપનીના સ્ટોક લિસ્ટેડ થવાના છે, જે બંને SME સેગમેન્ટના છે અને બંને એક જ દિવસે લિસ્ટેટ થવાના છે. ચાલો જાણીયે વિગતવાર
સિટિયસ ટ્રાન્સનેટ ઇન્વિટનો પબ્લિક ઇશ્યૂ 17 એપ્રિલ ખુલશે અને 21 એપ્રિલ બંધ થશે. કંપની IPO દ્વારા 1340 કરોડ રૂપિયા એક્ત્ર કરવાની છે. IPO પ્રાઇસ બેન્ડ અને લોટ સાઇઝ હજી સુધી નક્કી કરાઇ નથી. IPO સબ્સક્રિપ્શન બંધ થયા બાદ શેર એલોટમેન્ટ 22 એપ્રિલે ફાઇનલ થશે. ત્યારબાદ 24 એપ્રિલના રોજ BSE, NSE પર શેર લિસ્ટિંગ થશે.
મેહૂલ ટેલિકોમ આઈપીઓ 17 એપ્રિલ થશે. કંપનીએ IPO શેર ઇશ્યૂ પ્રાઇસ અને લોટ સાઇઝ હજી સુધી નક્કી નથી. આઈપીઓ સબ્સક્રિપ્શન 21 એપ્રિલ બંધ થશે. ત્યારબાદ 22 એપ્રિલે શેર એલોટમેન્ટ ફાઇનલ છે. કંપનીનું શેર લિસ્ટિંગ 24 એપ્રિલે BSE SME પર થશે.
આ બે IPO સબ્સક્રાઇબ કરવાની છેલ્લી તક
Om Power Transmission IPO : ઓમ પાવર ટ્રાન્સમિશન આઈપીઓ
ઓમ પાવર ટ્રાન્સમિસન આઈપીઓ 9 એપ્રિલે ખુલ્યો હતો, આજે 13 એપ્રિલ બંધ થવાનો છે. આ આઈપીઓ અત્યાર સુધી 71 ટકા સબ્સક્રાઇબ થયો છે. IPO પ્રાઇસ બેન્ડ ₹ 166 – 175 પ્રતિ શેર અને લોટ સાઇઝ 85 શેર છે. આઈપીઓ બંધ થયા બાદ ફાઇનલ શેર એલોટમેન્ટ 15 એપ્રિલ થશે. ત્યારબાદ 17 એપ્રિલે BSE અને NSE પર શેર લિસ્ટિંગ થશે.
Propshare Celestia IPO : પ્રોપશેર સેલેસ્ટિયા
પ્રોપશેર સેલેસ્ટિયા પ્રોપર્ટી શેર ઇન્વેસ્ટમેન્ટ ટ્રસ્ટ REIT ની ત્રીજી સ્કીમ છે. કંપની ₹ 244.65 કરોડ ઊભા કરવા માંગે છે. આ ઇશ્યૂ 10 એપ્રિલ ખુલ્યો હતો, જે 16 એપ્રિલ બંધ થશે. આ પબ્લિક ઇશ્યૂ અત્યાર સુધી 47 ટકા ભરાયો છે. પ્રાઇસ બેન્ડ ₹ 10,00,000 થી ₹ 10,50,000 પ્રતિ શેર છે. શેર એલોટમેન્ટ 17 એપ્રિલ ફાઇનલ થશે. શેર લિસ્ટિંગ 24 એપ્રિલે BSE પર થશે.
નવા અઠવાડિયે બે કંપનીના શેર લિસ્ટિંગ થવાના છે. જેમા 13 એપ્રિલે BSE SME પર Emiac ટેક્નોલોજીસ અને સેફ્ટી કન્ટ્રોલ્સના શેર લિસ્ટિંગ થવાના છે. Emiac ટેકનોલોજીનો 31.75 કરોડ રૂપિયાનો IPO 3.22 ગણો ભરાયો હતો. તો સેફ્ટી કન્ટ્રોલ્સ કંપનીનો ₹ 48 કરોડ રૂપિયાનો IPO 1.28 ગણો સબ્સક્રાઇબ થયો હતો.
