ઈરાનમાં મુલ્લાશાસન સામે દેશના 30થી વધુ શહેરોમાં શરૂ થયેલા વિરોધ-હિંસક અથડામણ દેખાવકારો તથા પોલીસ-સુરક્ષા દળો વચ્ચે હિંસાની સ્થિતિ વચ્ચે હવે અમેરિકાએ ઈરાન પર મોટા હુમલાની તૈયારી કરી છે અને રાષ્ટ્રપતિ ડોનાલ્ડ ટ્રમ્પે ચેતવણી આપતા જણાવ્યુ હતું કે, જો શાસન વિરોધી દેખાવકારો પર દમન થશે તો અમેરિકા રમ્યાનગીરી કરશે.
ઈરાનને જયાં સુધી વધુ દર્દ થતુ હશે ત્યાં જ પ્રહાર કરશે. પ્રમુખ ટ્રમ્પે પણ માટે `ઘી સ્ટાર્ટ શુટીંગ ટુ’ તેના શબ્દો ઉચ્ચાર્યા હતા. વ્હાઈટહાઉસમાં પત્રકારો સાથેની વાતચીતમાં પ્રમુખ ટ્રમ્પે જણાવ્યું કે ઈરાનનું નેતૃત્વ ખૂબ જ મુશ્કેલીમાં હોય તેવું જણાય છે.
હજુ થોડા સપ્તાહ પુર્વે જ કોઈએ ન વિચાર્યુ હોય તે બની રહ્યું છે. લોકો માર્ગ પર આવી ગયા છે. જો ઈરાનની સેના દેખાવકારો પર ગોળી ચલાવશે તો અમો પણ ગોળીઓ ચલાવીશું. અમેરિકા આ સ્થિતિમાં દાખલ કરશે અને હુમલો કરશે. ટ્રમ્પે જણાવ્યું કે ઈરાનની સ્થિતિ પર અમારી નજીકથી નજર છે અને અમો ઈરાનની જનતાની હત્યા થવા દેતુ નહી.
ઈરાનમાં જે રીતે વધુને વધુ શહેરોમાં શાસક પાપાતોલ્લાહ ખામેનઈ વિરુદ્ધ લોકો માર્ગ પર આપ્યા છે. તેથી ઈરાની નેતૃત્વની ચિંતા વધી છે. જો કે ખામેનેઈએ વળતો પ્રહાર કરતા જણાવ્યું કે ટ્રમ્પના હાથ હજારો ઈરાનીઓના લોહીથી ખરડાયેલા છે અને જો અમેરિકા અમારા પર હુમલો કરશે તો અમો પણ વળતો જવાબ આપીશું.
વિદેશમંત્રીએ કહ્યું કે, અમો ઈઝરાયેલ કે અમેરિકા સાથે યુદ્ધ ઈચ્છતા નથી પણ જો અમારા પર યુદ્ધ લદાશે તો અમો વળતો હુમલો કરીશું. અમો વાટાઘાટની સમસ્યા ઉકેલવા તૈયાર છીએ. ઈરાનમાં વ્યાપક રીતે ઈન્ટરનેટ સેવા બંધ કરવામાં આવી છે તથા લોકોની કૂચ સામે લોખંડી બંદોબસ્ત લદાયો છે.
