દક્ષિણ ગુજરાતની પ્રાદેશિક વાહન વ્યવહાર કચેરી પૈકી પહેલી ઈલેકટ્રીક ટેસ્લા કાર સુરત આરટીઓમાં નોંધાઈ થઇ છે. સુરતના એક શાળા સંચાલક અને મિલમાલિકે 76 લાખની ટેસ્લા કર ખરીદી છે. ટેસ્લા કર ખરીદવા માટે કાર માલિકે છ મહિના પહેલા ઓનલાઇન બુકીંગ કરાવ્યું હતું. છ મહિનાના વેટીંગ માટે કારમાલિકે ટેસ્લાની ડિલિવરી મળી છે. ગુજરાતમાં ટેસ્લાનું શો રૂમ નહીં હોવાની કરમાલિકે મુંબઈ જઈને ટેસ્લા કાર લીધી હતી.
મુંબઈમાં પણ ટેસ્લા કારની ટેસ્ટ દરા દ્રાઇવ અને ફીચર્સ જોઈ અને જાણી શકાય છે. આ શો રૂમ પાર ટેસ્લા કારનું સ્પોટ બુકિંગ કરાવી શકાતું નથી. કારમાલિકે બુકિંગ સહિતની તમામ પ્રક્રિયા ફરજિયાતપણે ઓનલાઇન જ કરાવી પડે છે. સુરત આરટીઓમાં રજિસ્ટ્રેશન માટે આવેલી ટેસ્લા આકર્ષકનું કેન્દ્ર બની હતી. કારનું ઇન્સ્પેક્શન કરનારા આરટીઓ ઈન્સ્પેક્ટરે પણ ટેસ્લાનું મોડલ જોઈને અચંબિત થઇ ગયા હતા. કારનું 360 ડિગ્રી એંગલથી નિરીક્ષણ કરવા સાથે તેના એડવાંશ ફિચર્સથી વાકેફ થયા હતા.
લાલા કલર માટે 1.80 લાખ એક્સટ્રા ચૂકવ્યા
સુરત આરટીઓમાં ચોપડે પહેલી નોંધણી થયેલા ટેસ્લા કાર લાલ કલરની છે. કાર ખરીદનાર માલિકે લાલ કલરની કર ખરીદવા માટે કંપનીને 1.80 લાખ રૂપિયા એક્સટ્રા યુકવ્યા છે. જયારે વાહનમાલિકે આરટીઓનો અંદાજિત 1.40 લાખ રૂપિયા ટેક્સ યુકવ્યા છે.
સુરતના હીરા વેપારી પાસે મહારાષ્ટ્ર પાર્સીંગની ટેસ્લા કાર
સુરતની એક ડાયમંડ કંપનીના મલિક પાસે ટેસ્લા કાર છે. પરંતુ તેમની પાસે મહારાષ્ટ્ર પાર્સીંગનો ટેસ્લા કર છે. આ કાર તેમણે એકાદ વર્ષ પહેલા ખરીદી હોવાનું સૂત્રો પાસેથી જાણવા મળ્યું છે. તેઓએ મુંબઈથી કાર ખરીદીને ત્યાં જ નોંધણી કરાવી હતી.
