મહારાષ્ટ્ર વિધાનસભાની 288 બેઠકો માટે મતદાન શરૂ થઈ ગયું છે. લોકો પોતાના તમામ કામ છોડીને વોટ આપવા જઈ રહ્યા છે. સામાન્ય લોકોથી લઈને ખાસ લોકો મતદાન મથક પર જઈને મતદાનની ફરજ નિભાવી રહ્યા છે.
આજે અમે તમને એવા સેલેબ્સની એક ઝલક બતાવવા જઈ રહ્યા છીએ જે વોટ કરીને દેશ પ્રત્યેની પોતાની ફરજ નિભાવી રહ્યા છે. હાલમાં જ બોલિવૂડ સ્ટાર અક્ષય કુમારનો એક વીડિયો સોશિયલ મીડિયા પર વાયરલ થઈ રહ્યો છે જેમાં તે વોટિંગ કર્યા બાદ પોલિંગ બૂથની બહાર આવ્યો છે. ભારતીય નાગરિકતા લીધા બાદ અભિનેતાએ પ્રથમ વખત વિધાનસભા માટે મતદાન કર્યું છે.
બારામતી વિધાનસભા બેઠક પરથી NCP-SCPના ઉમેદવાર યુગેન્દ્ર પવારે કહ્યું કે શરદ પવાર અમારી સાથે છે, તેથી અમે બિલકુલ નર્વસ નથી. હું પહેલીવાર ચૂંટણી લડી રહ્યો છું પરંતુ હું ઘણા વર્ષોથી રાજકારણમાં છું તેથી મારા માટે આ કંઈ નવું નથી. હવે નવી પેઢીએ આગળ આવવું જોઈએ. સુપ્રિયા સુલે પર લાગેલા આરોપો પર તેમણે કહ્યું કે મેં ઓડિયો ક્લિપ જોઈ નથી, પરંતુ ગઈ કાલે ભાજપના કેટલાક નેતાઓની વીડિયો ક્લિપ વાઈરલ થઈ છે, તમે પણ જોઈ લો.
મહારાષ્ટ્રના ભંડારા જિલ્લાના સાકોલી વિધાનસભા મતવિસ્તાર હેઠળના શામરાવ બાપુ કાપગેટ સિનિયર કૉલેજ સાકોલી ખાતેના મતદાન મથક પર મોક મતદાન કરવામાં આવી રહ્યું છે. રાજ્યની તમામ 288 વિધાનસભા બેઠકો પર સવારે 7 વાગ્યાથી મતદાન શરૂ થશે. તમામ મતદાન મથકો પર મતદાન શરુ થાય તે પૂર્વે મોક પોલનું આયોજન કરીને મતદાનમાં કોઈ તકલીફ તો નથી તેની ચકાસણી કરવામાં આવી હતી.
આ પણ વાંચો :-
