મહારાષ્ટ્ર અને ઝારખંડ વિધાનસભા ચૂંટણી માટે આજે મતદાન શરૂ થયું છે. મહારાષ્ટ્રની કુલ 288 બેઠક અને ઝારખંડની 38 બેઠકો માટે મતદાન છે અને ઉમેદવારોના ભાવિ EVM માં સીલ થશે. અહી નોંધનીય છે કે મહારાષ્ટ્ર માટે એક તબક્કામાં ચૂંટણી છે અને ઝારખંડની ચૂંટણી 2 તબક્કામાં છે, જેનું આજે બીજા તબક્કાનું મતદાન છે. બંને રાજ્યોમાં 23 નવેમ્બરે મત ગણતરી હાથ ધરાશે.
ભારતીય જનતા પાર્ટી ઉપરાંત, મુખ્ય પ્રધાન એકનાથ શિંદેની આગેવાની હેઠળની શિવસેના અને નાયબ મુખ્ય પ્રધાન અજિત પવારની આગેવાની હેઠળની રાષ્ટ્રવાદી કોંગ્રેસ પાર્ટી (NCP) પણ સત્તાધારી મહાયુતિ ગઠબંધનના સભ્યો છે. ગઠબંધન મહિલાઓ માટે શરૂ કરવામાં આવેલી ‘માઝી લડકી બહિન’ જેવી લોકપ્રિય યોજનાઓના આધારે સત્તામાં રહેવાની આશા રાખે છે. MVA ગઠબંધનને જાતિ આધારિત ગણતરી, સામાજિક ન્યાય અને બંધારણના રક્ષણ જેવા મુદ્દાઓ પર ધ્યાન કેન્દ્રિત કરીને શાસક ગઠબંધનના પ્રચારનો સામનો કર્યો. વિપક્ષનો ઉદ્દેશ્ય એવા મતદારોને અપીલ કરવાનો હતો કે જેઓ સરકાર દ્વારા ઉપેક્ષિત અનુભવે છે.
પીએમ મોદીએ જનતાને મહારાષ્ટ્ર ચૂંટણી માટે મતદાન કરવાની અપીલ કરી અને ટ્વિટર પર એક પોસ્ટમાં લખ્યું કે મહારાષ્ટ્ર વિધાનસભા ચૂંટણી માટે આજે તમામ સીટો પર મતદાન થઈ રહ્યું છે. હું રાજ્યના તમામ મતદારોને આ પ્રક્રિયામાં ઉત્સાહપૂર્વક ભાગ લેવા અને લોકશાહીના આ પર્વની સુંદરતા વધારવા વિનંતી કરું છું. આ પ્રસંગે હું તમામ યુવા અને મહિલા મતદારોને આગળ આવીને મોટી સંખ્યામાં મતદાન કરવા અપીલ કરું છું.
મહાયુતિમાં ભાજપ 143 સીટો પર ચૂંટણી લડી રહી છે. શિવસેના (શિંદે) 81 બેઠકો પર, NCP (અજિત પવાર) 59 બેઠકો પર અને અન્ય સાથી પક્ષો છ બેઠકો પર ચૂંટણી લડી રહ્યા છે. એમવીએમાંથી કોંગ્રેસ 101 સીટો પર, શિવસેના (ઉદ્ધવ) 95 અને એનસીપી (શરદ પવાર) 86 સીટો પર ચૂંટણી લડી રહી છે. અન્ય સાથી પક્ષો 6 બેઠકો પર ચૂંટણી લડી રહ્યા છે.
NCP SP નેતા સુપ્રિયા સુલેએ આજે પરિવાર સાથે મતદાન કર્યું હતું. ભાજપ દ્વારા સુપ્રિયાની એક ઓડિયો વાઇરલ કરવામાં આવી રહી છે. જેમાં પૈસાની હેરાફેરીનો આરોપ છે. એવામાં સુપ્રિયાએ કહ્યું છે કે મેં તો સાઇબર ક્રાઇમમાં આ મામલે ફરિયાદ આપી છે. આટલું જ નહીં ભાજપ સાંસદ સુધાંશુ ત્રિવેદી સામે નોટિસ પણ આપી છે.
આ પણ વાંચો :-
