90ના દાયકામાં ધૂમ મચાવીને ‘શક્તિમાન’ તમામ સુપરહીરોમાંથી સુપર શિક્ષક બની ગયા. બાળકોથી લઈને મોટાઓ સુધી બધાને મુકેશ ખન્નાનું પાત્ર એટલું પસંદ આવ્યું કે આજે પણ લોકો તેમની સીરિયલ વિશે વાત કરતા રહે છે. 1997 થી 2005 સુધી ટીવી પર રાજ કરનાર આ શાનદાર શો રવિવારે બપોરે 12 વાગ્યે પ્રસારિત થતો હતો. આ કારણોસર તેને દૂરદર્શનનો સૌથી કલ્ટ શો માનવામાં આવે છે. હવે ફરી એકવાર ‘શક્તિમાન’ લોકોમાં ચર્ચામાં આવી ગયું છે. દેશના પ્રિય સુપરહીરો મુકેશ ખન્ના આ પ્રખ્યાત શો સાથે વાપસી કરવા માટે તૈયાર છે. મુકેશ ખન્નાએ પોતાના ઈન્સ્ટાગ્રામ પર એક તસવીર અને યુટ્યુબ પર એક વીડિયો ક્લિપ શેર કરી છે. જેમાં તેઓ શક્તિમાનની ભૂમિકામાં જોવા મળી રહ્યા છે.
મુકેશ ખન્નાએ પોતાના સોશિયલ મીડિયા પર ફેન્સને એક ખુશખબર આપી છે અને તેની ઓફિશિયલ યુટ્યુબ ચેનલ ભીષ્મા ઈન્ટરનેશનલ પર એક ટીઝર પણ શેર કર્યું છે. ટીઝરની સાથે તેમણે લખ્યું છે કે, ‘તેમના(સુપરહીરો) વાપસીનો સમય આવી ગયો છે. આપણા પ્રથમ ભારતીય સુપર શિક્ષક-સુપર હીરોનો. હા! જેમ જેમ અંધકાર અને અનિષ્ટ આજના બાળકો પર હાવી થઈ રહ્યું છે… તેમના(સુપરહીરો) પાછા ફરવાનો સમય આવી ગયો છે.તેઓ એક સંદેશો લઈને પાછા ફર્યા છે.
આયર મેન, સ્પાઈડર મેન અને બેટમેન જેવા સુપરહિરો ભારતમાં છવાયા બાદ એક એવો સુપરહિરો ચર્ચામાં હતો, જેને આજ સુધી કોઈ ભૂલી શક્યું નથી. તેનું નામ શક્તિમાન છે. આ હીરો સ્ક્રિન પર ફરી એક વખત રોમાંચ સાથે વાપસી કરવા માટે સંપૂર્ણ તૈયાર છે. ક્લિપમાં મુકેશને શક્તિમાનના રુપમાં દેખાડવામાં આવ્યો છે. તે એક સ્કુલમાં ઉતરતો જોવા મળી રહ્યો છે. ગીત ગાવાનું શરુ કરે છે. આઝાદી માટે જંગ લડી તેનો જીવ ગુમાવ્યો. અંગ કપાય ગયા પરંતુ દેશ પર કોઈ મુશ્કેલી આવવા દીધી નહિ. તે ચંદ્રશેખર આઝાદ, ભગત સિંહ અને સુભાષ ચંદ્ર બોસ જેવા નાયકોનો ફોટો જોઈ ગીત ગાય છે.
શક્તિમાન એક ટીવી સીરીઝ હતી. જે 1997માં દુરદર્શન પર પ્રસારિત કરવામાં આવતી હતી. મુકેશ ખન્ના દ્વારા અભિનીત આ શો કિટ્ટુ ગિડવાની વૈષ્ણવી , સુરેન્દ્ર પાલ અને ટોમ ઓલ્ટર જેવા કલાકારો હતો. આ 90ના દશકનો સૌથી પોપ્યુલર શો રહ્યો છે અને અંદાજે 8 વર્ષમાં 450 એપિસોડ પ્રસારિત પણ થઈ ચૂક્યા છે. શક્તિમાનનું પાત્ર એક સુપરહ્યુમન છે. જેમાં રહસ્યમયી અને અલૈકિક શક્તિ છે.જેમને સંતોના એક રહસ્યમય સંપ્રદાય દ્વારા વિશ્વમાં ખોટા લોકો સામે લડવાનું કામ સોંપવામાં આવ્યું છે.
આ પણ વાંચો :-
